.......لهفة عشك .......
للكاتبة (zainab) عطر الورد
.......البارت ٧..........
ابو أديان...وبصدمة خوية رافد شكو شمسوية شمس ..ليش هيج وياها غلطت بشي ..
رافد ..هاي الساقطة نزلت روسنة بكاع حايرة تتمعشك ولكم اليوم خلت وجهي اسود كدام اليسوه وما يسوة... عندها علاقة وي بشار ابن جوارينكم وتتواعد وياها واحنا كلشي ما ندري كل هاي ايصير من ورانا ...
ابو أديان...اشلون عرفت ..
رافد..الولد الأجه عليها ورفضته بنتكم اليوم اجه عليه وشوفني صورها شوفو هاي الصور ..
ام أديان..اصخام الصخمج شمس ولج هاي جزات تربيتي بيج ..
شمس...اباوع ع نظراتهم كلها احسها كره ع اشمئزاز
اشوف بابا مصدوم ما يحجي ولا كلمة امي وخالي بس يغلطون واني بنصهم اريد شي ينقذني اعرف بعد انحكم عليه بالموت..ماعندي شي ادافع بيه عن نفسي غير ادموعي..
احس الضربة اجت ع صفاحي...
رافد..ولج احجي صدك هاي عندج علاقة وي بشار ..
اعترفي..
شمس..ما اكدر احجي احس الساني انربط..وما اكدر انطي بشار لان اكيد راح ايصير مشكلة ...
ضليت ساكتة اتحمل كل هذا ..بس غريب بابا ابد ما حجه بس يباوعلي نظراته موتتني لو يحجي ولا يضل هيج ...
بعدين شفته اخذ الصور ..باوع عليهن احس فقد أعصابه اجه عليه ما اعرف منين تجيني الضربه بحيث حسيت روحي هاي نهايتي....
حتى خالي وامي كوة خلصوني منه ..
ما اكدر اتحرك حسيت فقدت السيطرة ع نفسي ..
ابو أديان.. هاي مو بنتي ..اخذوها عن وجهي شسوه سوه بيها بعد ما أحسبها بنتي...
شمس..كل هذا الكتل ما تاثرت بيه بس هاي الكلمة احسها طعنة..معقولة بابا اتبرى مني لا مستحيل
بابا ما يسوي هيج اكيد حالة عصبيه ..باوع عليه بنظرات ما اعرف شفسرها...
وطلع بعدها فقدت ما اعرف شصار ...
كعدت لكيت روحي بغرفة احس جسمي مكسر الباب مسدود عليه ..شصار وشسوه اهلي ما اعرف ..
باوعت ع ساعة شكد نايمة البيت مابيه صوت حتى اخواني ما الهم صوت ياربي شنو شديصير..
الصور حقيقة بس ما جنه بوضوع موزين يعني عادي بس واكف يمي ...
ضليت طول الليل بوحدي اريد واحد يجي ماكو احس روحي مجرمة وبسجن..
اريد بشار بهاي اللحظات...
ضليت ابجي صرت محد يحبني وكلها اشوفني مذنبة واني حتى ما مسوية شي مجرد حب يعني ما سويت جريمة بس حبيت ..
الله لا ينطي محمد هو سبب شكد حقدت عليه وكرهته..جسمي كله ازرك وجهي همين صرت مشوهة اني بسرعة يتاثر جسمي من اقل شي ..
حاولت اكوم ما كدرت ..العبرة خانكتني واني اذكر حجي ابوية عيوني تدمع حسيت صدك خسرته وخسرت ثقتهم بيه ...
نمت وما ادري بروحي...
كعدت الصبح ..اعرف ابوية يروح بهيج وقت ...
حاولت انزل المواجهة يمكن اصعب شي بس لازم اشرحهلهم وابرر موقفي ع اقل حتة لو لامي لكيت اخواني الزغار سالتهم كالو ماما راحت لسوك تسوك
بالعجل دزيت ع رهف علمود اتكول لبشار وصدك اجه
بشار من شافني بهاي الحالة تخبل وضل شرحتله الوضع..
