لهفة عشك

البارت ١١

.....لهفة عشك....

للكاتبة (zainab)عطر الورد

.......البارت ١١.......

سمعت ابوية يكول لامي موافقين ...من الصدمة ما اعرف شسوي يعني حتى ما كلوللي مستحيل اني ما اقبل احس روحي مبنجة الساني انربط...
معقولة ينتهي حبي لبشار واصير لغيره...
رحت لغرفتي واني ما اعرف شسوي وشنو الحجه الاقدمها الهم ابوية اصلا شنو موقفه حتى امي ماراح
توكف وياي لان كل مرة يجوني واني ارفض ..
مجرد فكرة اني لواحد ثاني تخنكني من التوتر ما اعرف..شسوي...

ماتحملت طكيت من البجي ما اريد ازوج لزمت الموبايل وبدون وعي خابرت بشار ..
شمس..واني اناشغ بشار راح يزوجوني..  بعد هاي هي اهلي حكمو عليه ..بموت بهاي الزواجة..
بشار..وهو مصدوم..شتحجين شنو تزوجين هاي تحجين صدك ..
شمس...والله هسة ابوية انطه الموافقة الهم حتى بدون ما ياخذ رأي.. فدوة الكالي حل ..
بشار..وبعصبيه اشلون ينطوج اهلج واني شنو..
مستحيل اخليهم يزوجوج اني هسة اكل لابوية
اخليه يخابر ابوج وهو ما يردلة شي ..
شمس...مستحيل هسه يكله الأبنية مخطوبة ويتعذر
من ابوك..
بشار..ولج لاتخبلني شنو مخطوبة انتي الي مرتي لوحدي وما راح اصيرين لغيري ومستعد اسوي كلشي..
شمس..ما اعرف بشار احس هلمرة خسرتك وابوية بعد انطة موافقة..
بشار..لاتخليني هسه اجي لاربيل احرك البيت ع روسكم ..
شمس..ضل يصيح حسيته انفعل كلش ويمكن كلشي
يسوي وخاف تكبر المشكلة حاولت اهدى بيه سديته
منه ..
بمناسبة نسيت اكولكم احنا انتقلنا لاربيل علمود مدارس اخواني كال بابا بلاربيل احسن انتقلنا اني وخالتي وخالي ...بشار بكركوك..

كعدت واني ما اعرف شسوي بس دموعي تجري
مستحيل ارضى ازوج بس بنفس الوقت شكول لاهلي
كلت خليني اصلي ركعتين اتوضيت وصليت دعيت ربي يهديني ع الطريق الصحيح...

نزلت واني عيوني مورمة من البجي جانو اهلي يباوعون ع التلفيزيون..بس شافوني انصدمو ..

باوعت ع  ابوية ...
شمس..بابا اني ما اريد هذا الزواج...
ضليت مدنكة واني اعرف شراح يصير بس لازم اسوي هيج ما اريد انجبر ع شي ...
ابو شمس..ليش وشنو السبب الولد ما ناقصة شي وخوش ناس ..
شمس..كمت ابجي بوية انته مو دائما ما تجبرنا ع شي ليش اسوي هيج اني ما اريدة ليش اجبروني عليه والله حرام عليكم حرام ..
ضليت احجي واني مو بوعي الكل اتفاجئو...
شمس..مخليت حجاية ما حجيتها...
ابو شمس..فهميني انتي شنو قصتج منو اليجي وترفضيه يولو خاف عاشكتلج واحد وما تقبلين
اكولين تره والله اذا عرفت عندج شي ادفنج ..
اني ما اجبرج ع زواج بس اشوفج كل ما اتقدم الج واحد ترفضيه ...
شمس..بوية والله ماعندي هذا الشي بس اني ما مستعدة لزواج من كل النواحي ..مو مال مسوولية خليني شوي اكبر..
شفت امي صافنة عليه واني اعرف شنو يدور براسها
ابوية ضل صافن كعد ع القنفة حسيته يفكر بشي اني
بس منتظرة شنو جوابه ...