......لهفة عشك...
للكاتبة (zainab) عطر الورد
......لهفة عشك....
مساء الورد😍😘
تصوويت... تفاعل...
شمس ...كعدت لكيت أبويه يحجي وي امي وبعصبيه
اسمعه يكول ..
ابو أديان..ليش ما خابرتني شنو تجي لبيتي وأصيح
ع بنتي هاي هي بيت اهلها وهيج تعاملها لعد هناك
شسوي بيها ..
ام أديان..اهدى ابو أديان لا كبر مشكلة ..
ابو أديان..شهدى اني يوم اخابر ابو قائد واشوف تاليتها وياه وكولي لينتج خلي تغلق موبايلها ولاتخابر هذا رجلها الخنيثة..
اني كمت من الفراش هم جانو بصالة ...
شافوني واكفة يم الباب ..
ابو أديان...اي واحد يخابر منهم لا تردين عليهم ذولة مو مال احترام ..
هزيت راسي واني احس نفسي بعدني داخية تقلصات بطني رحت صعدت فوك أبويه عصبي
كلش واخاف يروح يعارك اهل بشار لزمت موبايل
غلقته ما اريد اسمع صوته حسيت اليوم هدم كل
حب بيناتنه اتمددت بفراش غمضت عيوني واني
اذكر نظراته الي دموعي نزلت قبل الجان يتخبل
من اشوفني ابجي هسه بكل سهولة هو ياذيني..
ما اعرف شنو الصار وهيج تغير معقولة زواج
يموت الحب ما كدرت انام مخنوكة خاف صدك
يروح يزوج ...ليش هيج يصير وياي ..
اندك الباب مسحت ادموعي دخلت امي ..
ام أديان...ها اشلون صرتي هسه ..
شمس..احسن بس بعدني داخية..
ام أديان..وصيت ابوج يجبلج معلاك موزين عليج
لاتنقهرين لايصير بيج شي من القهر...
شمس...هزيت راسي واني احس نار جواي ماتهدى
ام أديان..ابوج كال لاتحاجين بشار خلي شوي يعرف
غلطة و يبطل يخاف من اهله لان اذا بقى هيج حياتكم راح اصير جحيم ..
شمس..يمه هو كلشي يسمع لامه بحيث مشاكلنه كلها
من وراها كدامه شكل وراه شكل ثاني ...
ام أديان...هي هاي صبيحة قبل من جانت تشكي من مرت قائد وأشكال الحجي تحجيه حتى بشرفها طعنتها بس قائد مو مثل بشار قائد اله كلمة ويعرف امه ودائما وي مرته بس بشار متعلق بامه ...
نمت ع رجليها واني احس التعب بروحي ما اعرف اشلون اصرف ..
شمس..يمه اشلون اصرف وياه واخليه يسمعني ..
ام أديان..بيدج انتي الرجال مثل الطفل وبشار يحبج
بس امه تلعب بعقله لاتخليها تأثر ع زواجكم لان اذا بقت هيج حتى طلاك اطلكج...
حجي امي صحيح ضلت تلعب بشعري الا ان غفيت
انام هواي وما اشبع من النوم ...
بقيت يومين غالقة جهازي واني روحي لايبه ع بشار
اريد اسمع صوته اريد اشوفه حسيت روحي مشتاقتله ...
فتحت جهازي كنكت شوي رحت دخلت لحساب بشار
لكيته منشط دخلت ع ماسنجر ...اريد اراسله ..
شفت جاري الكتابه بسرعة طلعت واني كلبي يدك سريع ورا شوي اجتني رسالة ع ماسنجر ...
من بشار ..مكتوب ..
🗨هلو اشلونج ...
شفتها وما رديت عليه وراء دقيقتين اني بعدني منشطة ..
🗨ليش ما تردين ..
كتبت اسال نفسك ليش ما ارد مو انته ما تريدني وتريد اطلكني بعد عليمن ارد ..
🗨شمس ساعة عصبيه ...
ما رديت ما مستعدة اتنازل كل مرة اله ...
🗨مشتاقلج صالي يومين الغرفة من ادخلها اختنك
لان انتي مو بيها ...
اني هم مشتاقتله وأريده بس كلامه لحد هسه اذكره
