لهفة عشك

البارت ١٩

.......لهفة عشك .....

للكاتبة (zainab) عطر الورد

.....البارت ١٩ .....

مساء الورد 🌷🌷🌷
تصووويت ..تفاعل..

بشار تغير وياي كلش كام ع اي شي يعاركني اني اعرف نفسي وياه مقصرة بس مو بيدي اني اصلا
بعدني ستوني جايبه فوكاها شغل عمتي اذا ما اشتغل اضل تحجي ومنا ملك كل ما اريد ارتاح
هي تبجي وتخليني وياها ...وهو ما يعذر صحيح
هذا حقة بس لازم يعذرني...

جنت انيم بملك اسمع سما تحجي وي رهف ..
جانت رهف فوك يم غرفتي ...
سما.. انتي مو عليج المسح  كومي امسحي ليش
اذبينه عليه وامج تجي تحجي عليه..
رهف..والله اني بكيفي يمته ما امسح اكوم امسح محد يدخل بيه لو يتآمر عليه ..
سما..هو انتي شمسويه بس مو صوجج صوج عمتي
منطيتج مجال ..اني مو كل مرة امسح بدالج بعد
شعليه بلبيت لو يحترك هو انتي بس المسح عليج
وتتعاجزين منه واذا مسحتي من ورا خشمج..

ضلت وحدة تحجي ع ثانيه عرفتها راح اصير عركه
اوف يمته اخلص من العرك...شوي وسما دخلت عليه
اشرتلها بايدي ع ملك ..
شافتها نايمه اجت اتقربت عليه واني مخليه ملك
بحظني ستوها نامت ...
سما..وبصوت هامس ..شفتي رهف حتى مسح مخليتله عليه وانتي اعرف بيج بنتج ماخذة نص
وقتج واني ما الحك وحدي عمتي ليش ماتحاجيها
صايرة مرة شكبرها واحنا نخدم بيها ترة هاي مو عيشة...  
شمس..وبهمس..ماتعرفين عمتج شنو تفكيرها يمعودة
خلصينه لاتجي اسوينه مشكله...

ما احس الا الباب اندفر من قوة ملك كعدت ...
ام قائد..  والله اذا وحدة كالت لبنتي ع شغل ماتلوم
الا نفسها ...شنو تخدم بيجن بنتي مسويتها خدامه الجن ولجهالجن..
سما..عمه هي شمسويه بنتج بس تمسح يوم تمسح
وعشرة لا ..
ام قائد..والله مو شغلها تمسح وصخجن وانتن بس اكل ونوم وخوب شمس من جابت لحد هسه عيني
ما حطت اديها ع شغل..

اني فإكة حلكي مصدومه اصلا اول ما رجعت من بيت اهلي استلمت الشغل ولا يكول مخيطة وستوني
جايبه ضلت سما وعمتي وحده ترادد الثانيه اني رحت بملك كلبت الدنيا بلبجي يمكن هاي البنية راح
يصير بيها خوفة من صوتهن ...

راحت عمتي بعد ما ححجت اشكال وخرطت حجي
وغلط اني مليت من هذا الشي لازم اكول لبشار
ضلت ملك تبجي واني كوه نومتها صرت اعصاب
تعبت من هاي الحالة ...

بليل اجه بشار جنت ارضع بملك دخل حتى بدون سلام لان احنا بارحة جنه متعاركين ...لان ماداخلي يتقربلي
اني ارضع واتافاف هو كعد يلعب بمولكة شافني ضايجة
كلش ..
بشار..شبيج شمس شو  مبينه ضايجة صاير شي
التفت عليه ...لا مابيه شي
بشار..احجي شكو ..
شمس...شوف راح احجيلج حجيته الصار..
هو ضل صافن...
شمس..يعني يصير امك هيج تحجي عليه واني اصلا مالي دخل بمشكلة وكل مرة يصير هيج بس ما احجيلج بس ترة مليت من هاي الحالة ...