لهفة عشك

البارت ١٧

.......لهفة عشك ......

للكاتبة(zainab) عطر الورد

.......البارت ١٧.......

تصويت....تفاااعل...

ضليت صافنه من ضربني حتى دموعي ماتجري حسيته الكدامي مو بشار الاعرفه واحد مختلف
مو هذا الشخص الاحبه لازمه خدي بيدي دموعي
ماتطلع اشوفه انكلب شخص ثاني كام يكسر بغرفه
ويغلط حتى ع اهلي اني بس كاعدة ع صوت عمي
وحماي وعمتي اجو واني باقية ع كعدتي ...

اجه عمي دفعه ...ويحاجيه
شبيك تخبلت هاي شمسوي بغرفه شمسوي لشمس
هو يصيح ويتهدد عمي وحماي آخذو بقت بس عمتي
يمي واني بعدني بصدمتي حتى ما سمعت الحجوه
وياه احس روحي فقدت عن العالم ...صوت عمتي
فززني...   
ام بشار..يا خالة شبيه بشار هيج اسودن عليج ..
باوعتلها واعرف هي ورا هاي مشكلة بس ما اكدر احجي لان اكيد تكبر ..
شفتها تفتر بغرفة وهي تباوعلها الغرفة عبالك عاصفة بيه ضاربتها..
ام بشار..خاف ع روحة مال اهلج ترة خالة حقة الولد
يريد لكمة شي وانتي مخلصتها يم اهلج مايصير
شمس..خالة هي كم يوم وسواها مشكلة قابل اني يوميه هيج هسه لان اهلي عندهم شغل قابل كفرت ..

ضلت تباوعلي صفح وطلعت وهي تحجي ...
لازمه خدي حسيت نار بكلبي صعبة انضرب من
الشخص الاحبة صرت اشهك..شفت موبايل ..
اخذته علمود اخابر امي اكوللها ما اكدر اجي ..

احس نفسي مخنوك حاولت اتنفس اسمع صوت عمي
جوة يحاجي بشار رحت سديت الباب ..خابرت ع امي واني احاول اسيطر ع نفسي ما أريدهم يدرون
فتحت عليه خط ..
ام شمس..هلا يمه اشلونج ..
شمس..من سمعت صوتها اختنكت ما سيطرت ع نفسي كمت ابجي ..واني اسمع امي اكلي شبيج ..
اريد احجي ما اكدر اخذه أبويه وهو يحاجيني
ابو شمس..بوية شنو شبيج ليش تبجين احجيلي
اريد اكوله مابيه شي ما حسيت الا باب اندفر..
من خوفة موبايل طاح من ايدي ..

واني اباوع لبشار عيونه حمر ..
بشار ..ها لازم رحتي بسرعة اكولين لاهلج خاف عبالج اخاف منهم شوفي انتي مرتي واني حر بيج
اخليج تروحين لو ماتروحين ..

ضل يغلط ويحجي ع اهلي يمكن بس ارد عليه يضربني خفت لا يجاوز عليه بضرب ضليت ساكته
شفت موبايل بعدة مفتوح اكيد ابوية سمع كلشي
بسرعة قفلته بشار ضل يفشر ويصيح...

اني ساكته بعدين كعد بعيد عني خله ايده ع وجهة
ع صوته اجه عمي همين خاف سوالي شي هو هدئ
وعمي يحجي ويهدي بيه هو ساكت اني دموعي تجري حتى بطني كامت توجعني دك موبايل بشار
باوع ع موبايله عمي كلاله منو كال ابو شمس ..
عرفت أبويه سامع كلشي واكيد هسة راح يحجي
ع بشار عمي كلاله عيب افتح عليه الخط هو انطاه
الي ...

فتحت عليه كلتله الووو
ابو أديان...هسة تلمين ملابسج تروحين لبيت ما ضلين يم ذولة الناس شنو فصليه اللهم... اني راح ارجع لتكريت
جان صوت أبويه عالي بحيث عمي وبشار سمعوه
بشار من سمع اتخبل بزايد اني سديت الموبايل..
بشار...وبصوت عالي اذا تخطين خطوة وحدة برة
البيت اليوم اطلكج وبعد حذرتج خله وطلع عمي ضل يحجي عليه وكال معليج بيه هو شوي عصبي
ولأن شغل ماكو هلايام صاير هيج ...