.........لهفة عشك.......
للكاتبة (zainab) عطر الورد
.......البارت ١٢.......
مساء الورد🌷🌷
تصويت......تفاعل..🌷🌷
بعد ما ماما انطتهم الموافقة ارتاحيت لو ما عيب يمكن اهلهل ..بس طبعا ما يكدرون هسة يجون
لان لحد هسة ما فاتحين السيطرة مال اربيل وماكو
اي واحد يدخل لاربيل الا بإقامة ما اعرف اشلون راح ايصير الخطبة بس كل الاعرفة بعد اني صرت لبشار وهذا الشي الايريدة...
بقت امي تحجي وي ام بشار ..
اني صعدت خابرت بشار ...
شمس..الو هلاو بشار اشلونك
بشار..هلا ياروح وكلب بشار ولج مااصدك راح ايصيرين الي...
شمس..ولا اني لحد هسة ما مصدكة ..
بشار..يعمري انتي بس هسة راح احاول ادخل لاربيل
باي وسيلة حتى لو ادفع افلوس ..
شمس..الله كريم حبيبي ...بلكي يفتحون سيطرة ويخلونكم تدخلون ...
ضلينه نحجي لحد ما سمعت امي ايصحيني قفلته ونزلت ..لان شفت ابوية يخابر ومخبوص..
نزلت واني اريد اعرف شكو شصاير ..
شمس...ها ماما شكو ليش هيج بابا متوتر ...
ام أديان...والله هاي اختج راجعين بيت عيالها لتكريت وضالة يم بيت مرت حماها لان رجلها ما راضي يرجع هسة وتكول هاي ادور مشاكل ..
شمس..هف وهسة اشلون بيها..
ام أديان..والله ما اعرف يايمة ابوج كال خلي تجي هنا لحد ماتهدى أوضاع تكريت وترجع لبيت اعيالها
شمس...اشلون تدخل لاربيل...ما يخلوها ماعندها إقامة...
ام أديان...ابوج عنده معارف بلكي يسوي واسطة ويدخلوها هي ورجلها...
ضلينه بشهر ابوية تخبل ع أديان ومشاكلهم زادت أديان تخابرنه وتبجي وابوية بس يسمع بيها هيج
يتعصب خابر كل معارفة من مسئولين مافاد اخر شي دفع ٢٠ ورقة الا قبلو يدخلهوهم..
بعراق كلشي بفلوس ويستغلون وضع الناس ...
اني وبشار همين ع تواصل وهو همين يريد طريقة
يدخل بيها لاربيل ماكو ...
اليوم منتظرين اختي ...فرغنه الها غرفة ..لان هي ورجلها بابا ما قبل يرجعون لتكريت راد زوجها يرجع
وي اهلة علمود يخلص من وضع من شاف هاي المشاكل بس ما قبل بابا لان وضع بعده ويوميه نسمع
شي بتلفزيون عن داعش بعده محاصر تكريت ..
كاعدين بصالة سمعت صوت سيارة ...راح اخوية فتح ..الباب طلعت أديان...
كلنا طلعنه طبعا اني صار كم شهر ما شايفتها رحت حظنتها...لان مشتاقتلها...
شلت حمودي ..يخبل مدنفش بس هو اسمر ع ابوه
بس محبوب كلش يناغي لاي واحد ...
واحنه ماعندنه جهال بيتنه اليكول اول مرة نشوف
جاهل ...ابوية خلاه بحظنه..ويلعب وياه شكد حلو
زوج اختي كلش حباب وهادئ....
كعدت امي واني وأديان وهي اسولف ع مرت حماها
واشلون اتعاملهم أديان من نوع ماترد ع الواحد ..
تسكت وذيج وكحة ...راحت امي تحظر عشة
اني ضليت وياها ارتب بملابسهم...وفرحانة بيهم
باوعتلي أديان...
أديان... بعدج ضايجة مني من السويته..
شمس..قصدج ع موبايل ..
أديان..اي ترة مو بقصدي صدكيني خفت عليج ..
وسويت هيج ما عبالي نيته وياج زواج ...
شمس..اني نسيت الصار ..وادري بيج جنتي تخافين
عليه بس بشار وفه بوعده وهسه خطبني ..
أديان...وهسه بعدج تخابريه لوو لا..
شمس..خاف اكولج اي واكسرين موبايلي..
أديان...ههههه لا بعد ما اسويها لان عرفت بشار
مو من ذولي الولد اليضحكون ع بنات وهو بعد راح
يخطبج ....
