لهفة عشك

البارت ٣

.........لهفة عشك......

للكاتبة (zainab) عطر الورد

........البارت ٣........

شمس شفت نظرات امي كلها علامة استفهام وشك ..
وفوكها معصبة..ما عرفت شجاوبها..
اجت تقدمت عليه واني بعدني بمكاني من خوف وتوتر ما اعرف شكوللها او بظبط ما اعرف ع شنو تحجي ع محمد اخو سارة لو ع مخابرة لو شي ثاني نظراتها جانت تخوف وهي تباوعلي منتظرة مني جواب واني حتى ما اعرف شنو موضوع خاف احجي وازيد سالفة فضلت السكوت...

ام شمس ....اني ويامن احجي ولج هسة خالتج خابرتني وشايفتج بنتها اتكول مخلصتها مخابرات انتي وهاي صديقتج ولج شنو انتي اني ربيتج هيج اتريدين تنزلين راسي بين الناس وابوج لو خالج اذا عرف شراح يسوي بيج راح يموتوج..

اني بس ابجي ما اعرف شجاوبها احس الساني صدك انبلع اباوع عليها واني عيوني مدمعة ..
اسمعها بس اصيح ردت اجاوب ادافع عن نفسي ما حسيت غير امي ضاربتني رادجي ما احس بخدي لان جان قوي...

ام شمس...شوفي خاف اني ساكتلج هسة يجي ابوج وهو يتفاهم وياج اني توبتج من هاي بنية وكليتلج مو راحة وراح اسويلج مشاكل واتوديج لدرب موزين اني بعد م احاجيج ابوج هو مسوول عنج...

سمعت هيج واني رحت اتوسل بيها ..
يمة والله كلشي ما مسوية وداعتج...هي سارة خابرت امها ورادت اسلم عليه وخابرتها والله ماكو شي ...قابل اسوي شي من وراكم ...

اشوف امي تباوعلي بين مصدكة او لا واني اباوعلها بتوسل لان ادري بابا ما يتفاهم بهيج شغلات ابتعدت عني واني بعدني بكاع...مدنكة..

ام شمس...يلا روحي غسلي وجهج ابوج ع جية ما اريدة يشوفج بهاي حالة وهاي سارة اني ما ارتاحلها
علاقتج راح تنكطع بيها ولا اريدج بعد تتواصلين وياها ب اي شكل من الأشكال واذا سمعتج مخابرتها لو شي صدكيني راح اصرف وياج غير تصرف من زمان محذرتج منها بس انتي ما اسمعين كلام هاي مو اختج أديان تروح بطريقها وترجع بطريقها ما سوت مشكلة ما اجه واحد ينتقدها بس انتي ..
بس تنجحين راح انقلج بغير مدرسة ...
وتنسين ذني صاحباتج كلهن...

هزيت براسي واني ابد ما ناقشتها لان شغلة ما تحمل النقاش واخاف لو حاجيلها ع محمد اني ادري بنت خالتي هي كايلتها لان ماكو غيرها بس وين شافتني اخابر اصلا ماجان اكو بنات واني متحذرة منها حتى ما اختلط بيها بس سلام ...

كمت من الكاع امي راحت لمطبخ...اني صعدت فوك
ودموعي بعيوني صعب هذا موقف وامي ابد ماتمد ايدها عليه بس ما اعرف شنو حجي واصللها شفت أديان فتحت باب الغرفة ...

اديان ...شمسوية ومخلية امي هيج عصبية وصوتكم واصل لشارع ..

باوعتلها هاي حايرة بس بصوت ما شوف حالتي شنو ..
ما مسويتها شي هاي بنت خالتج اجيب حجي من كيفها وامي مصدكتها وجاية عليه ..