لهفة عشك

البارت ٩

......لهفة عشك .....

للكاتبة (zainab) عطر الورد

.......البارت ٩ ........

تصويت 😍 تفاعل😘

شمس ضليت بصدمة اريد استوعب هذا الشي معقولة بشار واهله ماتو حسيت النفس ضاق عندي
صوت بابا ما اسمعه غوشت الدنيا عندي بعدها فقدت

كعدت لكيت نفسي بغرفه امي ..
بابا يمي وماما واخواني استوعبت الموقف اذكرت اخر شي كاله بابا ما اكدر ابجي ولا اكدر اصرخ اكوه حصرة بكلبي بس الله يعلم بيها ..

ابو أديان.. بويه شبيج هيج غمى عليج شنو مريضة
ام أديان..الصيام ما طالحلها اكيد صار عندها فقر دم

شمس ...واني الكلمة بكوة انطقها  بابا ما بيه شي بس اني من رمضان هيج ...هسه شوي انام واصير زينة ..

راحو اهلي بعد ما اطمئنو عليه اني رحت صعدت لغرفتي قفلت الباب ...
فرشت المصلاية صليت ركعدتين
شمس..ربي فدوة لا تفجعني بيه تعرفني شكد احبه وما اكدر اعيش يوم واحد بدونه يارب فدوة احفضه الي ...
ضليت ادعي واني ابجي ماعندي وسيلة ثانية غير دعاء ...نمت ع الكاع واني الدمع بعيوني ..

مجرد فكرة هو مو يمي تخنكني احس روحي متعلقة بيه حياتي فارغة بدونه ...

تلاث ايام وبشار ماكو اتخبلت لا انام ولا اكل ..
كلها لاحظت تغيري اني اضحك بلبيت صرت بس ابجي اليحاجيني اتعارك وياه  ..عقلي وتفكيري كله يم بشار اريد لو بس خبر منه ماكو ...

جنت نايمه واني ابجي مثل كل يوم من راح بشار
اني هيج حالتي اسمع موبايلي يدك كمزت بسرعة جنت مخليته بكنتور ...اكيد هذا بشار محد يخابر عليه ..
رحت متلهفة بس اريد افتح..
شمس..الو بشار ..
بشار..يا روح وعمر بشار يولو مشتاقلج..
شمس..وهي تبجي بشار عبالي بعد ما اسمع صوتك
اجيت اموت كل يوم افتح موبايل بلكي اشوف خبر منك ..
بشار..ولج انتي  النفس مالتي ...والله بنص القصف وأفكر بس بيج دعيت ربي ما يخليني اموت علمود اسمع صوتج الحلو ...
شمس.. يعمري انته شصار الكم ..
بشار..اتنهد..أوف يا شمس عشنه ايام برعب داعش دخلنه يومين احنا محاصرين لا شبكة لا شي عايشين بس ع الهوة .. كدامي ويكتولون بناس ..
كرهت حياتي وضعفي مابيدي شي اسوي الهم بمعجزة  خلصنه منهم بليل بس احلم اشلون يعذبون الناس وأكعد من نوم واني احمد ربي خلصنه منهم ..

شمس..اسمعه ومخليه ايدي ع حلكي مصدومة مجرد  اتخيل الموقف اختنك ليش ايصير بينا هيج يعني لا حكومة لا شي هيج صارت حياة الناس بيد ذولي الوحوش ليش احنا ضحية نبقى دائما..

زين هسه انته وين
بشار..انهزمنه وهسه بيت عمتي بكركوك..
نستقر بيه كم يوم وبعدين نشوف اشلون تصفى..
شمس..تعرف شكد مشتاقة الك ..
بشار..واني الأكثر يعمري اعرف بيج منتظرتني والله بس تستقر اوضاعنه راح اصيرين يمي ...
شمس...انشاء الله بالك ع نفسك يلا ارتاح اكيد تعبان ..
بشار..فدوة لحبيبتي اشلون تخاف عليه ..
شمس..لعد شعندي غيرك ...يلا حبي باي