لهفة عشك

البارت ١٤

......لهفة عشك .....

للكاتبة (zainab)عطر الورد

.......البارت ١٤........
مساء الورد🌷⚘⚘

تصويت .....تفاعل...🌷

شمس..منتظرة يرد عليه واني متوترة ما اعرف اشلون افتح وياه الموضوع ومنا  بابا طحت بين
نارين ...فتح خط ..
بشار...هلا شمسوتي اشلونج يعمري ..
شمس..اتنهدت ...هلا بشار تمام وانته ..
بشار...ماطول انتي بخير اني بخير ...عندي الج بشاره.. اليوم اشتغلت بمنضمه اكو ع ما يرجعونه
لكلية ...
شمس..ها خوش  بلكي عاد نحظر للعرس..
بشار ...ياعرس   ...
شمس..شنو ماناوي تزوج صالنه اكثر من سنه مخطوبين  ..
بشار..ادري بس انتي تدرين احنا حطينا كل فلوسنه بالبيت انتظري شوي ..
شمس..بشار بابا كام يحجي اليوم ايكول شو صارت طويله ...وناس كامت تحجي وابوي ما يقبل تجي بعد ..ايكول لو تعجل بعرس لو كلمن يروح بطريقة..
بشار..وبعصبيه انتي شتحجين شنو هذا الحجي شنو كلمن بطريقة هي لعب انتو ماتقدرون ضروفنه الهسه
بيها..

شمس.. بقيت ساكته وهو كام يحجي وصار عصبي
حتى ما انطاني مجال احجي آخر شي سداه بوجهي
اني كنت ابجي ياربي بين نارين هسه اني شسوي

ضليت كاعدة بغرفتي ما اريد اروح اكعد يم اهلي لان
اكيد راح يسألوني واني حايرة شجاوبهم اذا اكوللهم
بشار هيج يحجي اكيد راح يفسخون الخطوبه..

شوي وشفت موبايلي يدك بشار ..
شمس..ها شتريد ..
بشار.. يولو والله اسف ماجان بقصتي اعصب قابل
اني مميت ع زواج والله اريدج اليوم قبل باجر بس الشروق انتي تدرين بيها ..
شمس..وهسه شنو ..
بشار..ما يصير خاطرج الا طيب اني يوم اكول لاهلي ونحدد موعد العرس ..
شمس..حسيت براحة ..من حجة هيج
بشار..بعد زعلانه..
شمس...انته حتى ما خليتني احجي ...
بشار..والله تخبلت من كولتيلي كل واحد بطريق ماعرفت شحجي..

ضلينه شوي نسولف وبعدين سديته ...اليوم يحجي وي اهله ما اعرف شنو رايهم بس لازم يصير خلال هاي الأشهر..ضليت منتظرة منه جواب .. 

نزلت جوة يم امي ...بعدني ما كاعدة  سالتني
ام أديان..ها يمه خابرتي بشار شكالج ..
شمس..اي يمه خابرته كال اكول لاهلي وبعد شوي يرجعلي الجواب هيج مليتو مني وترديوني اروح
ام أديان...مو قصة ملينه بس الناس ما ترحم صالكم
كم شهر مخطوبين واطلعون واطبون سوة ما يصير يايمه...

اني اعرف حجي امي صحيح صح الناس تحجي ما ترحم ابد بس اغالط نفسي ...اجه ابوية ما حجة شي
سويت عشى اباوع ع موبايل بشار بعدة ما داك..

خابر بشار ...رحت فوك اخذ راحتي اكثر ..
شمس ..ها حبي شصار..
بشار ..هسة كلت بس لابوي كال بكيفكم انتي يمته تريدي العرس ...
شمس..هسة احنا بثالث تخليه ع شهر الخامس نلحك
بشار...والله اني حتى غرفة نوم ما محظر..بس يلا
بعد شهرين خليها لنهاية الخامس..
شمس..عمتي تدري بموضوع ...
بشار..هسة راح اكول الها كلت خليني نتفق علمود .
اكوللها ...
شمس..حسيته خايف من امه لان ادري بعمتي من نوع مادية وهم هسه كملو بناء خاف تعارض اني
سكتت بس كولتله خوش ...