لهفة عشك

البارت ٢٠

......لهفة عشك....

للكاتبة (zainab) عطر الورد

.....البارت ٢٠.......

تصويت ...تفاعل...🤡

عمي يمي هو يهدي بيه ما يردني اطلع واني قافلة
هلمرة ع شغله اي شي يصير كدامي من الملابس خليتهن بجنطة واني منهارة كلش ايدي ترجف
انكسار خذلان ما اعرف بشنو احس هو نقطة ضعفي
بس الى متى ابقى هيج هو ما يعرف شنو اواجه
بهذا البيت اختنكت من البيت اريد بس اطلع منه صار الي سجن واني مستمرة بتفليش بملابس وعمي يحاجيني
ابو قائد..عمي اروحلج فدوة لا طالعين معليج بشار اني اعلمه اخليه بعد ما يمد ايده ..
شمس..عمي شنو اني فصليه عنده ذيج مرة سامحته
ورجعتله وهم رجع عادها..
ابو قائد..الله شاهد اني ما راضي عليه وحتى استحي من ابوج عمي فدوة لخاطر ابنيتج اكعدي واني احاجيه ...

شفت عمي اشلون يتوسل هو الوحيد ما اسمع منه اي حجايه تغثني بلعكس دائما يوكف وياي حتى من عمتي تحجي عليه احسه مثل ابوية وهسه دنيا ليل  اذا رحت لاهلي
ما اعرف شنو ردت فعل أبويه...

شمس..هاي هي عمي بطلت ما اروح ...
احجي واني مخنوكة باس عمي راسي ..وراح
شمرت الجنطة ع صفحة ملك تبجي كمت ابجي وياها واشهك بعدين ملوكه نايمه واني العبرة حاصرتني كلساعة دموعي تجري هو ما اجه
واصلا ما اريد اشوفه ع سواه اليوم كرهت نفسي لان حبيته ...

الساعة ب٢ بليل واني كاعدة ملوكة نامت واني ما بطلت ابجي احس حتى غرفة تخنكني وهي صايرة
خراب ملوكة نايمه كمت ردت انزل جوة اريد اشتم
هو جانت عنده حديقة زغيرة بلبيت بس اني زارعتها
ومعتنيه بيها بيها جانت مرجوحة أخذتها من بيت اهلي لان مالتي واحبها دائما من اضوج اروح هناك
من نزلت لكيتهم كلهم نايمين جان ضوه المطبخ بهول
ينعكس شفت بشار نايم هناك باوعت عليه اجيت
اتقربت ردت اكعدة اذكرت اشلون من ضربني اخذت
نفس وطلعت ع كيف خاف واحد يحس ويكعد..

كعدت ع مرجوحة ادموعي تنزل واني اذكر قبل اشلون جان بدايته حبنه احس هسة مات الحب والمشاعر وكلشي بيناتنه قبل بس يشوف دموعي   
يتخبل هسة عادي هو صار يبجيني دائما ضعفي كدامه وحبي هو يهزمني ...

الهوة جان بارد نهاية شهر الثالث بس بليل بارد ..
اباوع ع نجوم غمضت عيوني واني اتمرجح حسيت
حركة يمي جفلت بمكاني خفت حرامي ما اريد أدير
وجهي صرت ارجف كمت اقرا ايات ياربي هسة اني
شطلعني بهيج وكت ردت أدير وجهي ما حسيت ع
ايد خلت ع جتفي...
بشار...شمس ...
اني بسرعة فزيت اجيت اصيح حرامي ...
خله ايده ع حلكي ....
بشار..ولج شبيج اتريدين تفضحينه بليل ....
من شفت بشار ارتاحيت الا شوي يغمي عليه من الهبطة ...

وخرت ايدي وهو قريب عليه وانفاسه تضرب بوجهي
ما اريد اضعف كدامه ...
بشار..ليش طالعة شسوين هنا ...
شمس..اختنكت وردت اطلع لو حتى هاي حرام ..
اتقرب مني اكثر لمس وجهي ضل يباوع عليه وهو يتلمس بخدي نفسه المكان الضربني بيه بعدت ايده
وحجيت بحده..
شمس..وخر عني اريد ادخل ..
احجي واني ما اباوعله هو مستمر يباوعلي ما يحجي اي كلمه ...
ردت افوت منه جان ساد الطريق قطعة بايده..
دنك عليه لان هو كلش طويل واني قصيرة ..
همس باذني ...
بشار..تذكرين أول مرة اعترفتلج جنتي هم خايفة
مني شمس حبيبتي ام بنتي ومرتي اني اسف بعد
ما امد ايدي عليج اعرف بيج هسه ضايجة مني ..