.......لهفة عشك......
للكاتبة (zainab)عطر الورد
.......البارت ١٣.......
تصووويت ....تفاعل....😍😍
شمس ...من شفت ردة عمتي هيج ما حجيت ابتمستلها وأشكرت منها رجعنه لبيتهم عمتي طلعت
الملابس جان جايبتلي فساتين وستر وأحذية صراحة ماجان من النوع الالبسهمن موديلهن قديم بس ضليت ساكته وهي اشوفني وجان بشار يمي ...
اخذتهن منها بقينه شوي وكولت لبشار يرجعني
لان اتاخر الساعة ب١٠ سلمت ع عمي وبقية ورحت
عمي انسان كلش طيب ومحبوب بحيث تحس براحة من تحجي وياه احسه مثل أبويه هواي احبه واحترمه بس عمتي اخاف منها لان هي المسيطرة
وكلمتها الماشية وبشار حيل يسمع كلمتها...
بهذا الوقت القصير عرفت هواي شغلات عنهم....
طلعنه وبشار شابكة ايده الجوء كلش حلو...
اني نعسانه بس اثاوب ...
بشار ...ها حبي نعستي...
شمس..كلش اريد بس اوصل بيت وانام ..
بشار..يمته ترجعون لاربيل..
شمس..والله ما اعرف يمته نرجع...
بشار..ما اعرف اشلون راح افاركج...
شمس.. اني همين بلكي تلكه طريقة تدخل بيها اربيل ..
وصلنه لبيت طلعنه بابا ..بشار سلم ع أبويه اني دخلت ..جوة شوفتهم الحلقة ..اتعجبو بيها ..
ام أديان..يمه شموسه شنو هاي العلاليك..
شمس..ماما هاي ملابس ...
ام أديان ها بيها الخير ابنيتي...
دخل بابا وشوفته الحلقة ...كال حظرو نفسكم باجر بعد نطلع لاربيل..
من سمعت هيج انقهرت يعني راح افارك بشار همين
استاذنت منهم كولتهم تعبانة راح انام ..
خابرت بشار وكولتله انقهر واني ابجي ..وهو يسكت
بيه ..ضلينه نحجي ..بعدين كلالي روحي نامي لان تعبانه ..حظرت غراضي ونمت ...
الصبح كعدنه واني حتى ريوك ما اتريكت كلش ضايجة ...اسمع أبويه يصيحني كال بشار اجه عليج
فرحت ..رحت شفت روحي بلمراية مابيه شي لان
لابسه ملابس الطلعه بس ما مخليه مكياج لان جنت
حيل تعبانه كرصت خدودي صارن حمر...
رحت دخلت أبويه طلع كال آخذو راحتكم بسرعة
رحت شبكته وضليت ابجي ...
بشار..ليش تبجين يمعودة ما اتحمل اشوفج تبجين
وداعت عيونج لو اعرف انطي شكد فلوس راح ادخل
لاربيل بس لاتبجين...
شمس..واني امسح بدموعي...ما اتحمل افاركك
بشار..يولو لعد اني اتحمل ...يابه وداعتج راح اجيج
لاتخافين ما اتركج وحدج...
هاج هاي مصرفج خاف تحتاجين رصيد ...شي
اخذتهن منه مابقة شوي وطلع لان يستحي يبقى
واحنه مستعجلين بس راح خله ابوية غراضنه
بجنطة سلمنه ع خالتي وبناتها وطلعنه واني الغصة
بيه كعدت ليوره بس ابجي بدون صوت اخاف واحد
يشوفني ...طول الطريق واني كلساعة احس بدموعي ..
وصلنه لبيت فتحت النا الباب اختي لان هي رجعت من ثاني يوم الفاتحة ..شبكتني وباركتلي ...ابتسمت.
الها باوعت عليه ..
أديان..شبيج شمس ليش هيج وجهج ..صاير شي
شمس..اخذت نفس ...لا ما صاير شي بس تعبانه
والبارحة ما نايمه وكعدوني من الصبح ..
أديان.. اممم خاف ضايجة ع بشار ..😉
شمس..باوعتلها صفح ابوية وامي موجودين كلهم
ضحكو اني رحت لغرفتي ..
