لهفة عشك

البارت ٢١

.....لهفة عشك.....

للكاتبة (zainab)عطر الورد

....البارت ٢١....

تصويت ...تفاعل..😍😍

ضليت مصدومه بيها كلت اكيد تخبلت حتى خفت اتقربها خاف اسوي شي ودور اني اطيح بيها ..
ع صوتها اجه بشار واني واكفه بعيده عنها ومتفاجاة
بشار..شكو شصار شنو هاي الحاله شمس احجي امي ليش هيج ..
شمس..والله ما كولتلها شي بس كلتها خلي رهف اساعدني لان تعرف بيه اني مريضة بس هيج شو عمتي هيج سوت ..
عمتي بصوتها العالي ..
جذب هاي شمس هجمت عليه ورادت تكتلني اني هذا عمري و تجي وحدة بطول زري تهجم عليه وبيتي...

اريد استوعب التحجي مااكدر كمية الجذب والتمثيل
تحصل عليه جائزة باوعت لبشار وبيني وبين نفسي هلمرة اذا صدكها وسوالي شي صدك بعد اطلع واروح لاهلي لان ما مجبوره اتحمل ...

هو واكف يباوع عليه يفرك بكصته...وعمتي كامت تبجي ..
بشار..يمه ما شوفين شمس مريضة هي روحها ما شايلتها ادري ما تخافون الله ...

اني ما اتحمل اليصير لان اعرف عمتي راح اسوي عليه مشكله وحجي صعدت فوك واني اندب حظي ..
حسيت لأول مرة اني متندمه ع زواجي الحب مو كلشي بحياة اني اختاريته رغم اعرف طبيعه اهله جنت معمية...بس لازم اتحمل هسه اني ام وحامل
حسيت بدوخة  اتمددت ع فراشي ...

دخل بشار اني بعدني متمددة...
حجه بصوت هادئ..
يوميه امي هيج اسوي ..
اتفاجئت من سوائلة كعدت ...
شمس..لا بس اليوم ما اعرف شنو شبيها ..
ما حجه شي ...بس كال نامي وارتاحي انتي مريضة

رحنه لدكتورة كالت صاعد عندج الدم استمري ع هيج اكل ...
طبعا عمتي علاقتي وياه شبه معدومة ما احجي وياها ابد ولا هي بس اذا تريد شي لو شغل شدت وياي بزايد لان شافت بشار صار وياي حتى مرات يحاجيها هي تخبلت اني كمت ما انطخ بيها ...

خلص رمضان ...ودخلت بشهري دكتورة كالت احتمال يصير عندج نزيف كلها متخوفه من ولادتي
حتى اهلي أبويه كال كلشي تحتاجيه اني يمج ..

بيوم ولادتي بليل بشار اخذني لمستشفى خليت ملوكه يم سما عمتي هلمرة ما اجت ويانه ديانه وامي وياي اني خايفه أبويه كال ع حسابي كلشي تحتاجه ...اني ابجي من الالم وخوف لان دكتورة كالت احتمال يصير عندج نزيف ...

امي وأديان يمي وبشار متوتر ويباوعلي بنظرة خوف
اني الالم يكطع بجسمي قبل لا ادخل بصالة الولادة
جان بشار لازم ايدي واني ابجي من الالم..
شمس..بشار اذا صار عليه شي ملوكه امانه عندك
بشار...اشش كافي لاتحجين هيج انشاء الله اتكومين
بسلامه ..وترجعين لملوكه واليه..

باس راسي ودخلوني للصالة كلبت المستشفى بعياط
لحد ما جبت اني انتهيت...عيوني ما اكدر افتحها 

سمعت صوت الطفل واني ما اعرف جنسه لان ما اخذت سونار ..
واني افتح عيوني ..واغمضها همست ...
شجبت وحدة من الممرضات كالت بنية مبروك..
عيوني دمعت خلوها بحظني صحيح بلبداية ما جنت رايدتها بس من صارت بحظني حسيت ملكت الدنيا