حضنته شديد قمت وقفت و مديت ليه يدي علشان يقوم قلت
- يلا قوم و تاني ما القاك بتبكي سامعني☺.
هزلي راسه بإبتسامة رجعنا البيت جهزت الغداء و ناديته جينا اكلنا و قعدنا نقرا قلت
- انا وعدت نفسي اكون قوية و ما حاجة تكسرني و تقيف قدام طموحاتي ح اكون اقوى بت مهما حصل معاي.
خت يده على خده بإبتسامة
- دي غرام اختي الانا بعرفها💜.
قلت
- مالك بكرة عايزة نمشي نزورهم ﻷهلي.
هزلي راسه و كملنا قراية اتعشينا و نمنا صحيت تاني يوم مشينا المقبرة انا و هو و البنات دموعي كانت نازلة لانو انا ما بقدر اوقفهم أساسا بس كنت مبتسمة قلت في
- قلبي ماما و بابا جدو و تيتا و عيلتي كلها💚ليكم وعد انتوا ما ربيتوا بت ضعيفة انتوا ربيتوا بت قوية ما حساسة البعرفها و الما بعرفها ح يفتخر بيها عمري ما ح أاذي زول ح اكون زي ما علمتوني قوية قوية و بس💜كل اهدافي احقق احلامكم واخلي بالي من نفسي زي ما وعدتكم لانكم ما علمتوني اخلف بوعدي💕ح اعلي اسمأكم لسة و لسة و ح تشوفوا💗.
مسحت دموعي وعاينت ليهم وقمت مشينا المدرسة وعدا اليوم كويس الحمد لله وكنت كل ما لي طاقة إيجابية و كل ما لاخواني بقوني اكتر لدرجة حسيت ماشيء ح يوقف قدامي تاني وتاني يوم في المدرسة كنت ماشة مع مالك بنتمشى خبطت فيني وحدة كانت بتبكي و منزلة راسها ساعدتها وقفت وقلت
- انتي كويسة؟.
هزت لي راسها ومشت مالك عاين بإستغراب كملنا طريقنا و رجعنا الفصل كان في نفس البت قاعدة ورا و خاته راسها في الديسك مشيت ليها ربته على شعرها
انتي كويسة؟.
رفعت راسها كانت انا😳
شكلي بهلوس قالت
- م تشغلي بالك
ياخ ونفس الصوت😳.قلت
- انتي منو😳.
رفعت عيونها عاينت لي
- اا😨.
جاء مالك والبنات بعاينوا بإستغراب
ايمي: دا شنو😳.
البت قعدت وكملت بكا قعدت جمبها و مسكت يدها و هزيت راسي للبنات مشوا ومالك رفض قلت
- اذا فضفضتي لغريب ممكن ترتاحي.
سكتت مسافة و قالت
- انا اشتقت لعيلتي بس
- وعيلتك وين طيب
- كلهم اتوفوا باقي لي ماما بس💔
- طيب بدل تبكي مش ممكن تدعي ليهم وتفرحي انوا مك عايشة؟ في ناس حتى امهم م عايشة💔ف ادعي ليهم.
أنت تقرأ
ألم الفقدان
Romanceدعونا نرى الايجاب حتى في الظلام فلكل قصة اسباب دائما م تكون هناك عسرات بالحياة ولكن بعد العسر اليسر اليس كذلك؟! عندما نرى ان كل شيء انتهى تكون حينئذ البداية💚 رواية سودانية بقلم الكاتبة سلمى سراجサルマ
