قلت
- انت عايز تطلقها بالجد؟.
هز راسه قلت
- والطفل؟
- الطفل م طفلي علشان انا اقرر
- طيب مش ممكن تقول حامل منك؟
- مستحيل العيلتين عارفين انا ما حصل لمستها.
هزيت ليه راسي وقلت
- هددها انك ممكن تفضحها بدون م تفضحها بالجد.
هز راسه سكتنا مسافة و قال
- ياريت تنسي الحصل دا كله و الحكيته ليك برضو.
هزيت ليه راسي قمت ادوشت ونمت حكايته غريبة
عدا يومين وما حصل حاجة ما كنت بلاقيه أساسا ماما ليال قالت سافر كنا نازلين امتحانات كنت مركزة على قرايتي بس مالك اصر فترة الامتحانات دي اكون معاه مشيت وعدت كانت ظابطة الحمد لله ماما ليال اصرت ارجع البيت بعد يومين من الامتحانات مالك وصلني ونزلت وهو معاي دخل سلم وطلعت معاه حضنته قلت
- خلي بالك من نفسك
- حاضر و انتِ كمان.
باس راسي ومشى التفت لقيت وسيم في وشي جراني من يدي ومشى الجنينة قلت
- وسيم وجعتني حرام عليك ياخ😢.
لزاني على الشجرة لدرجة فكرتها اتكسرت ورفع يديني عليها قال
- انتِ و حضرة مالك بتاعك دا لما تجوا تقلوا ادبكم ما تجوا هنا خليكم محل م كنتوا😡.
صرخت فيه
- وسيم😡.
قرب علي
- ما وسيم ولا زفت
- بعد اول
- ما ح ابعد.
وقرب زيادة لدرجة حسيت بأنفاسه قال
- حسي ما كان حاضنك عادي وببوسك😡.
قلت بسرعة
- وانت مفكر كل البنات بتفاهة ميرا مرتك.
فكاني وضربني ضربني كف😳 مسكت خدي ودموعي نزلت كان ح يتكلم سمعت صوت خالتو ليال
- وسيم؟.
التفت ليها انا جريت على غرفتي طوالي كنت ببكي شديد حسي لو بابا كان هنا ما كان حصل دا كله💔 كنت ح اضرب لمالك بس قلت ح يعمل مصيبة احسن اسكت و بكرة بس اقول عايزة اكون معاه سمعت صوت صريخه
- لا حضرة سيادتها حايمة مع روميو بتاعها و ما عايزة حد يسألها؟
- دا ما بديك الحق انك تمد يدك عليها يا وسيم سامعني وحسي حالا تمشي تعتذر ليها و اذا ما سامحتك ما ح تشوف مني خير سامعني؟😡
- لا يا ماما ما ح اعتذر ليها لما تتربى اول وتمشي مع حضرة مالك بتاعها بالأدب يبقى هنا انا ح اعتذر.
أنت تقرأ
ألم الفقدان
Romanceدعونا نرى الايجاب حتى في الظلام فلكل قصة اسباب دائما م تكون هناك عسرات بالحياة ولكن بعد العسر اليسر اليس كذلك؟! عندما نرى ان كل شيء انتهى تكون حينئذ البداية💚 رواية سودانية بقلم الكاتبة سلمى سراجサルマ
