مرت سنتين اسوء سنتين في حياتي انا غبية بعدت وسيم عني بكل سهولة انا بحبه بحبه شديد ما حد عارف انا مالي او هو رجع الامارات ليه عاينت لدبلتي امبارح كان عيد ميلادي 18 و نجم طلب يدي وافقت عسى ولعل انساه ما حد كان موافق غير رينال ما عارفة سر موافقتها شنو تلفوني ضرب كان مالك
- يا سجم انزلي الفطور🐸
- مالك اختاني انا ما جيعانة
- تاني تاني ما دايرة دي! قومي ياخ الله يهديك ولا ح اجيك انا.
قفل مني ونزلت ليه فطرنا في الجنينة رينال كانت بايته معانا طلعت غرفتها و انا طلعت غرفتي لقيت تلفوني بضرب رديت بدون م اعرف منو قلت
- ايوا.
م سمعت رد سكت بعد مسافة قال
- كل سنة و انتِ طيبة و مبروك الخطوبة💔.
سمعت صوته بعد الفترة دي كلها بعد مقاومتِ انو ما اضعف و انو انساه رجعني لتحت الصفر تاني💔 قلت بعد مقاومة
- وانت طيب.
وفصلت فيه جسمي بقى برجف بمجرد ما اتخيلت نفسي مع غيره فضلت ابكي لفترة طويلة لحد ما نمت صحيت المساء لقيت ماما ليال في وشي قلت بتعب
- في شنو?
- ما في حاجة جيت ابوسك قبل ما اسوق رينال.
ورجعت نمت صحيت تاني يوم و انا بحاول اتناسى اكلت وضرب نجم عزمني نتعشى مع بعض لانو ح يسافرالساعة 2 وافقت و انا ما مقتنعة بالبعمله دا حياتي بقت باهتة شديد بالليل اتجهزت ونزلت مالك قال
- يا ريت يا غرام تغيري قرارك دا ياخ انتِ لسة صغيرة و الحياة قدامك عايزة تعملي كدا ليه حرام تعملي في نفسك كدا اي نعم نجم زول بظهر كويس بس انا ما مرتاح ليه و ما ح اسلمك ليه و ما تحلمي
- مالك الله يخليك ما تزيدها علي انا براي زهجانة💔.
باس راسي
- الله يحفظك حبيبتي.
طلعت ليه و مشينا المطعم قال
- مدام وافقتي انو نتزوج خلينا نعمل العرس بعد شهر و تكملي جامعتك في قطر طوالي علشان تنزلي مع الناس و ما تفوتك حاجة.
هزيت ليه راسي قال
- انا ليه حاسي انك ما موافقة و في حاجة جابراك
- لا ابدا بس حاسة بحاجة غريبة علشان كدا.
رجعنا البيت ونزل اتكلم مع ماما نون ومالك وقال ح يضرب لماما ليال انا طلعت نمت ومالك ما اتكلم معاي ابدا اسبوع مرا باهت شديد نجم عنده اخته اكبر مني بسنتين بتقرا إدارة اعمال في لندن وامه وابوه متوفين وعنده خالة وحدة اتكلمت معاي كم مرة مالك الاسبوع دا كله ما اتكلم معاي وحتى البنات كنا نزلنا كلنا مع بعض السودان للإجازة و كملنا دراستنا في تركيا في الجامعة هندسة تبع مدرستنا الفي السودان ماما صفية جات كل الناس كانوا بحاولوا يتكلموا معاي انا ما عارفة بعمل كدا ليه ما كنت مبسوطة ابدا ما كنت حاسة بحاجة كنت جسد بس روح ما في و مرا اسبوع تاني و كان يوم العقد مالك جاني داخل ومعصب كنت بتسرح و أساسا رافضة حد يدخل لي قال
- غرام اطلعي قدامي حالا و وقفِ المهزلة البرا دي.
وقفت على حيلي ومسحت دموعي
دي ما مهزلة انت مفروض تكون مبسوط دا عرس اختك ولا نسيت.
صرخ
- غرام انتِ النسيتي انا كلمتك و بعيد ليك الكلام انا ما ح اسلمك لنجم دا فاهماني؟ اذا انتِ بتحبي وسيم و كل يوم و انتِ نايمة بتصرخي بإسمو عايزة نجم ليه فهميني بس.
صرخت
- علشان رينال بتحبو سامعني رينال بتحبو من قبلي ايوا بحبوا و بموت عليه لكن هي بتبحو انا كيف ح اخده منها انت مجنون؟ انت مجنون😭.
ارتميت جمب رجوله
- مالك وافق وخلصني ما في حل غير اوافق على نجم مافي.
قعد جمبي وحضني
- غرام ليه بتعملي كدا يمكن هو بحبك برضو
- يا مالك حتى و لو انا ما ممكن اعمل كدا💔مالك الله يخليك بعدين خلاص حسي ما ممكن العب بنجم كدا💔قوم الله يخليك حلفتك لوبتحبني.
قام خلاني كملت بكا و نمت صحيت الصباح ادوشت ونزلت كان في حالة صمت غريبة مالك خاتي يده في راسه و بعاين لرينال و هي في تلفونها و ماما نون بتعاين ليهم و ماما ليال نفس الشيء قلت
- شنو يا جماعة ساكتين على غير العادة.
مالك رفع راسه عاين لي بألم مشيت حضنته جات ماما صفية نازلة كلهم كانوا بعاينوا لي بطريقة فظيعة قلت
- ما في فطور و لا كيف
- ماما ليال: على وشك.
شوية و البنات جوا فطرنا وطلعت غرفتي لقيت تلفوني بضرب كان نجم رديت
- حبيبتي صباح الخير
- صباح النور.
اتكلمت معاه شوية ونزلت للبنات مروا اسبوعين الليلة يوم العرس من الصباح معاي البت البتجهزني ما حاسة بحاجة ولا حتى حزن انا ح اندم و عارفة كدا بس خلاص انا بقيت مرته و انتهينا مسكت تلفوني قبل ما يدخل لي بدقايق كان في مسج من رقم قريب
- ياريت تكوني لي بدل ليه وكان يكون دا يومنا بس بقيتي ليه و ما في خطوة للرجعة تاني عارف كلامي جاء متأخر بس بحبك وح افضل احبك طول ما بتنفس.
ما عارفة دا منو بس دا احساسي ح يكون يوم اشوف وسيم ورينال مع بعض💔رميت التلفون والباب دق دخل نجم ما شاء الله كان جميل بطريقة خيالية يعني كان اي بت بتتمناه الا انا نجم كان قطري عن ام واب طويل و جسمه رياضي رموشه غزيرة و عنده شامة في زاوية عينه اليمين لحيته كانت مظبطة و كان لابس البدلة و معاه ورودي باس راسي وحصني و طلعنا ما كنت حاسة بشيء ابدا حتى و نحن بنرقص لحد ما الحفلة خلصت و اكتشفت انو مجهزين لجرتق او أصلا انا ما خططت لحاجة كملنا عادي و كنا مسافرين اليونان طوالي دخلت ادوشت سرعة و غيرت لبست بنطلون بينك و تيشيرت ابيض وطلعت مشينا اليونان اول ما وصلنا الغرفة كانت مزينة و مظبطة عاينت لنجم و انا بتذكر في كلام ماما صفية و ماما نون قال
- امشي ادوشي على بال اطلب الاكل.
ابتسمت ليه ومشيت كانت اول مرة اعاين للحاجات المعمولة بالحنة فيني حبيتها بس ياريت ما كانت فيي
#نهاية 16...
أنت تقرأ
ألم الفقدان
Romanceدعونا نرى الايجاب حتى في الظلام فلكل قصة اسباب دائما م تكون هناك عسرات بالحياة ولكن بعد العسر اليسر اليس كذلك؟! عندما نرى ان كل شيء انتهى تكون حينئذ البداية💚 رواية سودانية بقلم الكاتبة سلمى سراجサルマ
