بالليل بعد رجعنا فتحت التلفون و شفتها و قريت الكومنتات كان من بين الناس وسيم كاتب
- ربنا يحفظهم وتخلص بالسلامة❤.
رديت ليه
- الله يسلمك.
دخلت صفحته كان كاتب
- لازلت اتأمل رسوماتي لها و اخر صورها عيناها اللامعة و بطنها المنتفخ طفلتها التي لم ترى الشمس بعد ارى انها تشبهها حد حبي لها💗.
نزلت البعده كان منزل صورة ليه و جزء تاني لوحدي بس مشوشة وكاتب
- هناك جزء مني يخبرني انها ملكي الى الان ولكن واقعي يقول انها له فقط فهل استطيع التعلق بأمل واهي؟
كلامه بكاني وشوشني ايوا صح انا بحبوا لسة بالرغم من بعده مشيت بسرعة لصورة لبت مشوشة ليها زي سنتين و حاجة و كاتب
- تلك الطفلة الصغيرة لطالما كنت اشعر بأنها تأخذ اشيائي التي احببتها و لم اسمح قط بمسها ها هي تسرق قلبي عنوةً ف اصبحت اتخيلها حتى عند النظر لنفسي وعند تفكيري في اللاشيء💙.
ظهر لي انو رينال معلقة ليه ب"أنا زاتي بحبك ياخ"🐸و هو رادي بضحك عصبت وقفلت التلفون ونمت صحيت بعد اقل من ساعة بوجع رهيب صرخت
- ياماماا😭.
جاءت بانا جارية فتحت الاضوية
- غرام مالك في شنو😨.
كنت بتنفس بصعوبة و عرقت وحالتي كعبة شديد
قلت
- بانا انا بولد.
وصرخت .
- ماما صفية.
ورجعت اصرخ الباقين جوني وكل واحد بعاين للتاني لحد ما ماما صفية جات قالت
- انتوا واقفين لشنو ودوها سرعة البت بتولد يا متخلفين😠.
مالك شالني وطلع المستشفى ما كانت بعيدة بس انا حالتي كانت سيئة جدا الدكتور كان موريني انوح اتعب واحتمال اموت عادي لانو رحمي ما كان مستحمل وكنت عارفة انو احتمال اولد في السابع عادي ف كنت جاهزة وصلنا المستشفى ودخلوني طوالي كنت ببكي وبصرخ وتعبت شديد7ساعات لحد ما سمعت صوت البيبي💚ادوني ليها كانت صغيرونة و حلوة شديد بس رجعوا شالوها مني بسرعة للحضانة كنت بس بدعي ما تحصل ليها حاجة ودوني غرفة و الدكاترة كانوا مستغربين لانو كان في احتمال اموت واحتمال الطفل م يطلع قبل 12ساعة وادخل عملية و ح يطروا يشيلوا الرحم بس الحمد لله الاتنين ما حصلوا ختوني تحت المراقبة و نمت كان نفسي وسيم هو يكون أبو البيبي او حتى لو نجم يكون مع بته و يبوسها بعد صحيت و انا دموعي نازلة لسة فكرت في ماما وعيلتي جات داخلة ماما صفية بوستني و بعدها البنات و اخر حاجة مالك كان متأثر شديد بعد طلعوا حاولت اقوم بس كنت موجوعة شديد رجعت رقدت وطلبت الممرضة قلت
- لو سمحتي ساعديني امشي اشوف بتي.
مشيت بالكرسي كانت صغنونة و حلوة شديد بس اكتر حاجة موجعة انها ما في حضني البنات و ماما صفية كانوا بعاينوا ليها مالك قال
- غرام يلا يا روحي امشي ارتاحي.
قلت
- شوية و بمشي.
رجعت غرفتي و مروا اسبوعين و البيبي كانت كويسة جدا الحمد لله و سميتها ميراي يعني معجزة💜 انا كنت في المستشفى لسة الباب دق دخلت الممرضة و معاها ميراي شهقت وختيت يدي على خشمي ادتني ليها كانت حلوة شديد ملاااك بس 😢 و فيها نور و لمعة غريبين❤ شلتها بوستها و كان مالك معاي قال
- بتشبهك
- مالك بتشبهني في عينك هي صغيرة لسة😹.
عدا اسبوع تاني و خرجونا ماما ليال جونا بعد كملت شهرين من ولادتها اتذكرت اني ما كلمت اخت نجم بولادتي مسكت تلفوني فتحته ضربت ليها ما ردت شلت ميراي ونزلت كان اخر يوم و ماما ليال ونون راجعين السودان قعدت معاهم كانوا شايلين ميراي و ببوسوها بعد نامت طلعت اوديها الغرفة لقيت تلفوني بضرب كانت اخت نجم بعد سلمنا قلت
- ما عارفة ح اعتذر ليك كيف انو ما وريتك من البداية بس بعد وفاة نجم الله يرحمه خلى لينا قطعة من ريحته.
قالت
- ما فهمتك
- جوانة انا جبت بت نجم ميراي💚.
سكتت مسافة و قالت
- على اول طيارة انا جاية😢.
وقفلت ونمت بعد يومين صحيت ادوشت واديت ميراي حليبها و ظبطتها و نزلنا جات جوان اخت نجم داخلة صرخت
- غرراام😢.
جات حضنتني وشالت ميراي بوستها. قضت معانا اسبوع وهي في المطار قالت
- عليك الله يلا كملي جامعتك معاي في لندن ونهتم بيها مع بعض.
ضحكت وقلت
- ما ينفع حبيبتي انتِ نسيتي شغلي☺ بعدين انتِ كل إجازة لو عايزة تعالي لينا و انا بعد فترة ح امشي اسبانيا او السويد.
ودعتها ومشت وانا في العربية مالك قال
- انتِ وبتك مكسرين الدنيا على الانستغرام😹قلت
- كيف يعني🐸
- ادخلي وشوفي☺.
رجعنا البيت ادوشت وميراي كانت نايمة زي م خليتها
#نهاية 19...
أنت تقرأ
ألم الفقدان
Romanceدعونا نرى الايجاب حتى في الظلام فلكل قصة اسباب دائما م تكون هناك عسرات بالحياة ولكن بعد العسر اليسر اليس كذلك؟! عندما نرى ان كل شيء انتهى تكون حينئذ البداية💚 رواية سودانية بقلم الكاتبة سلمى سراجサルマ
