ألم الفقدان

18

- غرام الله يخليك سامحيني قبل توقعي على الاوراق.

هزيت ليه راسي

- انا مسامحاك يا نجم و ربنا يسامحك كمان.

وقعت على الاوراق شلت نسختي وطلعت على المطار لما وصلت البيت كنت تعبانة شديد فتحت لي ماما صفية اول ما شفتها لاشعوريا بكيت بكيت شديد حضنتني و دخلنا خلتني انوم و ما سألتني ابدا صحيت ونزلت ليها تحت كانت بتجهز في الفطور التفتت لي

- تعالي اكلي يا روحي.

ابتسمت ليها و قعدت بعد اكلنا قالت

- يلا وريني حصل شنو.

رفعت التيشيرت من بطني ورقبتي شهقت وختت يدها على خشمها و انا فضلت ابكي حضنتني

- يا حبيبتي هشش انتِ كويسة؟

- انا ما كويسة ابدا😭💔

- حصل شنو بس انتِ متزوجة كيف طيب

- يا ماما صفية انا كان عندي مشكلة في الرحم بس ما قلت ليه ودي كانت غلطتي بس قال ح يستنى لحد ما اجهز خلصت امتحانات وكان باقي اسبوع وابقى كويسة بس هو ما استنى و اعتدا علي يا ماما😭💔.

حضنتني قالت

- اهدي اهدي انا ح اتكلم معاه

- لا نحن اتطلقنا 😭 انا حاليا ما مرته💔.

عاينت لي بتفاجؤ قلت

- انا انتهيت ليه حياتي كدا في الاول فقدت ماما و بابا و اخواني و بعدين اجدادي و تاني فقدت وسيم وسيم الانا بحبو و فكرت اتزوج نجم علشان بحبني وانسى بس ﻷهو اعتدا علي و موت اي ضوء جواي💔

- اهدي انا هنا معاك و كلنا معاك.

مرت3 الشهور كنت في العدة بشتغل شغل الشركات في البيت ومرات بذاكر للجامعة أصلا مؤجزة صحيت الصباح نزلت لقيت مالك بفطر و معاه ماما ليال 😳 جوا البقية من وراي صرخت بفرحة سلمت عليهم و قعدنا فطرنا و عدا اليوم حلو و نسيت الحصل عاينت لتلفوني كان في مسج من رقم نجم

- ياريت ما تنسيني و تسامحيني و تدعي لي معاك.

قفلت التلفون و بكيت شوية بالليل كنا قاعدين بنحضر في فيلم ماما ليال قالت

- غرام تعالي معاي فوق عايزاك.

هزيت ليها راسي و طلعنا و معانا ماما نون و صفية دخلنا غرفتي وقعدنا

- ماما ليال: حبيبتي احكي لينا حصل معاك شنو.

نزلت راسي وحكيت ليهم. ماما نون حضنتني لحد ما هديت بطني قلبت و وجعتني شديد مشيت الحمام بسرعة و فضلت استفرغ طلعت كانوا بعاينوا لي بإستفهام

ماما صفية : انتِ كويسة؟.

هزيت راسي بأي

ماما ليال: غرام اتسطحي لحظة عايزة اتأكد من حاجة.

رقدت وجات لمست بطني وطلعت عاينت بإستغراب طلعوا وراها و انا كان معاي ملف مفروض اكمله وبكرة ح انزل الشركة امبارح كان اخر يوم للعدة بتعتي شوية و الباب دق دخلت ماما ليال مبتسمة كنت في نص السرير قعدت جمبي ومدت لي كيس صيدلية و قالت

- غرام حبيبتي قومي اعمليه و وريني.

فتحته لقيت فيه اختبار حمل قلت

- ماما ليال😳

- غرام قومي جربي انا متأكدة انك حامل بس نشوف بعدين انتِ اخر مرة جاتك متين؟.

شلته منها ومشيت كان عامل ايجاب💔دقت لي الباب قالت

- غرام انتِ كويسة؟

فتحت الباب ومديته ليها ما كان عندها تعابير مسحت دموعي ورقدت و اتغطيت كنت بحاول امسك نفسي بس ما قدرت تاني يوم ما طلعت نهائي المساء جوني ماما صفية و البقية

- ماما صفية حضنتني وقالت

- ربنا يقومك بالسلامة💙.

تلفوني ضرب رديت كان رقم من قطر قال

- السلام عليكم

- وعليكم السلام

- مدام غرام؟

- اتفضل ايوا نعم

- يامدام الأستاذ نجم لقيناه متوفي في غرفته قبل يومين ربنا يرحمو و كان وصيته انتِ عندك نص الاملاك ونص اخته.

التلفون وقع مني قلت ليهم

- نجم نجم نجم مات💔.

ما كنت شايفة غير صورته وهو بضحك وهو حاضني و بقول لي لو بعدتي عني بموت💔و انو ما عنده غيري يعني هو كان جادي؟ طيب هو ما فكر انو ممكن انا اكون حامل؟ يعني ما استنى حتى يعرف انو ح يجيه طفل💔.

قلت ليهم

- خلوني براي فترة محتاجة اكون براي💔.

طلعوا خلوني عاينت لبطني و مسكتها و فضلت ابكي مرت10 ايام وقررت اكون قوية علشان طفله وطفلي نزلت ليهم كانوا بعاينوا للاكل قعدت وقلت

- اتفضلوا ما محتاجين عزومة بتاعينوا للأكل كدا ليه؟☺.

مالك جاء حضني

- غرام انتِ نسيتي انوعندك اخ سند ليك وعندك بدل ام 3 و 4 اخوات بدل وحدة ليه بتعملي فينا كدا انتِ بتموتينا بعمايلك دي😢

- حقكم علي ياجماعة

مرا اليوم انا كان لي 3 شهور و نص ما طلعت من البيت اصروا علي نطلع نغير جو طلعنا حمنا و رجعنا متأخر تاني يوم البنات رجعوا علشان الجامعة ح تفتح بعد اسبوع انا قررت اكمل السنة في فرنسا و ح امشي السويد او اسبانيا وقت الولادة ماما ليال قالت

- غرام وسيم عنده صحبه جاء من الامارات لهنا فرنسا شاطر جدا خلي وسيم يحدد ليك معاه موعد تابعي معاه .قاطعتها

- لا يا ماما م بحتاج و انا عايزة دكتورة ماما الله يرحمها ح اتابع معاها.

عدت الشهور و كنت في الشهر السابع بطني كانت كبيرة و وزني زاد شوية و جسمي بقى مقسم اكتر كنت كل ما اعاين لنفسي بضحك كنا مؤجزين والبنات ومالك جوني في فرنسا طلعنا و قعدنا نتصور رينال صورتني كنت بضحك وخاته يد على بطني ويد على خشمي و نزلتها في الانستغرام مع صورة ايكو كانت مصوراها وكتبت

- انوثة لا تليق بغيرك جميلتي و امومة تركع حنانا لكي اقترب موعد قدوم الصغيرة و ازدتي جمالا فوق جمال يا ارض احفظي ما عليكِ فإنها انارتك❤

#نهاية 18...