مرا اسبوع عادي صحيت من النوم مبسوطة اتقلبت لقيت وسيم في وشي نايم وحاضني تطبزته علشان اتأكد اذا حقيقة فتح عيونه بسرعة صرخت ونطيت من السرير
- انت الجابك هنا شنو😨
- انتِ الجابك هنا شنو دي غرفتي😡
- دي غرفتي انا😑.
قام من السرير ما كان لابس تيشيرت كان عامل وشم على طول يده بادي من صدره غمضت عيوني قال
- اتفضلي اطلعي من هنا😡
- ما طالعة انت جيت لقيتني هنا مستحيل اطلع انا😒.
حسيت بيه قرب علي
- ح تطلعي ولى اطلعك بنفسي.
فتحت عيوني كان وصلني قلت
- جرب حظك وحاول.
مشى خطوة خرمشته في كتفه حمر لي
- انتِ شنو يا انسانة😡
- انا غرام عشق يلدز و يلا اطلع😑.
فتحت ليه الباب حمر لي وطلع و انا دخلت ادوشت وطلعت لقيته في وشيء نزلت لقيت ردينا جهزت الفطور و ماما ليال معاها سلمت عليهم وقعدت جاء هو نازل سلم على ماما ليال و قعد جات رينال نازلة اول ما شافته جرت حضنته قال اخخ بوجع .عاينوا ليه مستغربين ابتسمت ليه
رينال: وسيم مالك😳
ماما: حصل ليك شنو انت كويس؟
وسيم: ما تخافوا بس خربشتني كديسة امبارح
رينال: يلا الدكتور احسن ما تعمل ليك حاجة
وسيم: انتِ نسيتي اني دكتور😒
ماما: هسس انتوا الجوز.
فتحت ليه ازرار التيشيرت وشهقت
رينال: انت متأكد انو دي كديسة؟
- ح يكون شنو يعني لوما كديسة
ماما : دا جرح الليلة كيف تقول امبارح😪
وسيم: يا ماما دا امبارح يعني بالليل متأخر.
تلفوني ضرب كان مالك كان يوم الخميس يعني ح امشي الشركة رديت
- ايوا انا طالعة.
قلت انا بستأذن يا جماعة مع السلامة انا طالعة
ماما: خلي بالك من نفسك
انا: حاضر.
التفت لوسيم.
- بالسلامة ان شاء الله بس حاول م تلعب مع الكدايس علشان م تتأذى تاني🐸.
حمر لي وطلعت مالك كان مستنيني جمب العربية حضنته
- مشتاقين ياخ. قال
- لو اشتقتي لي ترجعي بيتنا😔
- مااالك😐
- خلاص يلا يلا ما نتأخر.
مشينا و قضينا الشغل كله اتذكرت انو انا ولا مرة شفت الحاصل شنو في شركة بابا تليد اتكلمت مع مديرها هناك و الحمد لله كمان مظبطة الفهمته منو في زول بهتم بيها و كان معاهم قبل فترة رجعنا البيت ومالك قالب وشه راضيته و نزلنا قعد شوية قرينا و مشى انا مشيت ادوشت ونمت صحيت بصوت وسيم
- هيي انتِ امشي الغرفة التانية😒
- ما على كيفك انا ما متحركة من هنا😒
- وانا ما متحرك خليك هنا يلا😑.
رقد و مسك تلفونه كملت نوم لحد الصباح صحيت ما كان قاعد قمت ادوشت ونزلت رينال ووسيم بتونسوا و ماما ليال في اللابتوب رينال رفعت راسها عاينت لي وصفرت وسيم عاين لي وليها بخلعة شكله يا دوب ركز في شبهنا😹نحنا نسخ من بعض بس انا شوية لوني حنطي وهي افتح بدرجة نزلت بوستها وبوست ماما ليال وقعدت جمبها جاءت ردينا نادتنا للفطور و نحن بنفطر ماما قالت
- وسيم مالك مع ميرا.
رد ببرود
- عايزاني اعتبرها مرتي و ما ارجع السودان واكون معاها هناك
ماما : انت وافقت بالزواج تتحمل المسؤولية يا وسيم م ينفع تعلقها كدا حرام كدا ياخ
- امم ح ابدا في اوراق الطلاق
رينال: و أخيرا أصلا هي زفتة و كريهة.
قعد يضحك قال
- علشان كدا انا ما دايرها😹.
انا قاعدة زي الأطرش في الزفة كملت فطور و شلت دفاتري و طلعت الجنينة اقرا و شوية و لحقتني رينال قرينا مسافة ماما نادتها مشت ليها و انا كملت قراية وعيني وقعت على شجرة كبيرة و ظابطة شديد🐸💚 شلت دفتر الطبخ وطلعت قعدت فيها هي عالية و حلوة جدا قعدت بمزاج وبكتب في ملاحظات الوصفات و كدا مسافة و سمعت صوت وسيم
- انتِ الطلعك هنا شنو😑
- وانت دخلك شنو
- اي حاجة بتعتي لازم تشيليها يعني انتِ ليه كدا😑
- لما القى الشجرة دي مسجلة بإسمك يبقى ما ح اشيلها منك ف شنو للزمن داك خليني في حالي وياريت ما اشوف وشك دا😒.
ركبت سماعاتي وركزت في الكنت بعمله
#نهاية 9
أنت تقرأ
ألم الفقدان
Romanceدعونا نرى الايجاب حتى في الظلام فلكل قصة اسباب دائما م تكون هناك عسرات بالحياة ولكن بعد العسر اليسر اليس كذلك؟! عندما نرى ان كل شيء انتهى تكون حينئذ البداية💚 رواية سودانية بقلم الكاتبة سلمى سراجサルマ
