ألم الفقدان

13

طلعنا غرفتي رقدت على رجولها مشت على شعري قالت

- بقيتي بجمال جدتك مايا و شبه جدك زياد الله يرحمهم.

قلت

- بس انتِ عارفة انوهم ما اهل بابا الحقيقين

- ايوا عارفة بس ما تنسي مايا كانت خالة امك.

قلت

- ماما صفية احكي لي كيف اتعرفتي عليهم.

ابتسمت وقالت

- انا بت الممرضة الكانت مسؤولة عن مايا في ولادتها للهفة اتعرفت عليها بالصدفة في فرنسا و وقتها كانت امك حامل بيك و انا كنت ولدت البيبي المات ربنا يرحمه بعد ولادتك كنت بتكلم مع مايا و حكت لي انو انتِ رافضة الحليب الخارجي وما ممكن تاخدي من امك لانها كانت عيانة و بتاخد ادوية اقترحت عليها اني ارضعك الفترة ديك انتوا كنتوا فعلا في فرنسا

سكتت مسافة و قالت

- كان مالك زي ما عارفة اكبر منك رضع بولادة محمد ❤ مالك امه كانت صغيرة لما ولدته وكان عمرها 15 سنة اعتدى عليها استاذها في المدرسة💔 أهلها غصبوها تتزوجه وامه للراجل كانت بتكرها في ولدها علشان كدا رفضت ترضعه و انا الكنت دكتورتها.

قلت

- ماما نون اول مرة اعرف الكلام دا.

قالت

- أساسا م حد عارفه غيرنا كدا ولا حتى مالك مفهمنه انو ابوه اتوفى و انو شيرين اخته وهي بت خالته نون كملت حياتها بس علشانه هو.

قلت

- بس ربنا عوضها بيه مالك ولد كويس شديد و حنين💗.

هزت لي راسها اتكلمنا مسافة و نمنا تاني يوم فطرت وطلعت انا و هي حمنا و غيرنا جو ماما صفية سودانية متزوجة فرنسي مسلم ولدها محمد عايش مع ابوه بعد الانفصال وهي م فكرت تتزوج تاني بالرغم من جمالها انا ما كنت مفكراها هنا لسة و دا كله حصل معاها بس يلا تاني يوم مشيت الشركة سألت من المدير كان لسة ما وصل مريت على الموظفين كانوا بشوشين و بضحكوا معاي لحد ما جاء المدير سلمت عليه وعرفت انو كل شيء ماشي تمام و بكرة عندهم عرض كان داخل اجتماع مع قطريين دخلت معاه واكتشفت انو نفس الزول اسمه نجم مرا الاجتماع كويس واصر يعزمني على الغداء بعد إصرار وافقت قعدنا نتكلم عادي قال

- انتِ غريبة وفيك حاجة مميزة

- كيف😂

- يعني البنات الفي عمرك همهم كله يتعلموا يختوا ميكب و يطلعوا مع اصحابهم و بيحاولوا يجذبوا انتباه ليهم وكذا بس انتِ.. وسكت

- بس انا مالي

- يعني ما شاء الله عمرك 17 او اقل اظن بس دايرة كل الشركات البنوها اهلك في فترات بكل سهولة و مهتمة بدراستك وشخصيتك قوية و بتجذبي ليك بدون قصد ربنا يرحم اهلك ياخ