ألم الفقدان

30

عديت اليوم تفكير بالليل قلت

- غرام وسيم قال كل شيء بسرعة.

مسكت التلفون كسرت الشريحة وشلت وحدة كانت مع الحاجات ضربت لماما صفية قلت

- ماما صفية انا غرام ياريت تجيني حالا.

وقفلت ساعة تقريبا و هي جات قالت

- غرام في شنو انتِ كويسة؟.

هزيت راسي قلت

- ماما صفية اقعدي😊.

قعدت بإستغراب جبت الورقة قرتها و قالت

- دا شنو يا غرام

- ماما صفية انا ما عارفة الحاصل شنو بس كله صاح اكيد في حاجة والا ما كان وسيم عمل دا كله.

وحكيت ليها الحاجات الأساسية بس بتاعت سفرنا و كدا حضنتني وقالت

- قومي خلينا نبدا نجهزالحاجات.

بدينا نجهز شلت الحاجات الضرورية و ذكرياتنا انا و وسيم ما كان هاين علي ادمر ذكرياتي بيه بس هو معاي و في يوم ح يرجع وح نعمل ذكريات تاني اكتر و احلى❤

تاني يوم مشيت صبغت شعري اشقر و لبست طرحة ماما صفية رسمت تجاعيد في وشها على قناع وغيرت شعرها لأسود هو كان بني و اتفقنا مع عصابة رقمها كان في الدفتر تحرق البيت بعد نحنا نطلع مشينا طلعنا حاجاتنا واخدت ميراي و طلعنا بورا كنت بشوف البيت بتحرق قدامي💔مرت علي كل الفترة القضيتها معاه ميراي قعدت تبكي حضنتها مشينا على المطار انا كان اسمي تولان حلمي لبنانية و ميراي تولين ماهر و ماما صفية سارة حلمي امي😹 وصلنا المانيا و مشينا على العنوان المكتوب في الدفتر كان بيت نضيف و حلو جدا كفاية زوق وسيم💜كان في شغالة قاعدة اسمها مارين كان في غرفة مجهزة لميراي و وحدة لي وفي برضو للبيبي مع ميراي بيناتهم باب💚قلعت اسورة الدمعة لبستها حجل ونمت عدوا يومين و كنا متابعين البحصل عن بعد كانوا داخلين في حالة اكتئاب جدا لدرجة خفت عليهم و انا كنت ببكي دخلت صفحة وسيم كان اخر حاجة منزلها صورته معانا ومشوشها

- و كأنها اخر ضوء شمس لميت وكأنهن منزل ثلج لبطاريق مرتعشة💜 امم نعم الكلمات الاولى ليس بمعنى حبي ولكن غرامي وحدها ستعلم

دا كان قبل ما يطلع من البيت يومها دا دليل انو عايش انا ضوءه ميت علشان مفكرين انو ميت في حاجة انا لازم اعرفها قريت البعده

- في عينيك سجد الجمال ، خاشعاً عابداً مقدساً قائلاً : رفقاً بالعاشقين ورحمه

ظهروا حد بتاعي كنت منزلة صورته بضحك

- ثم ماذا .. ثم إني حدثت الله عنك وانك أشد أشيائي حباً 💙.

كان عامل كومنت

- حدثت الله عنكِ خائفا ابتعادك فقلبي معقودا بقلبك يا غرام نبضي😪❤.

قفلت وكنت تعبانة شديد بكيت لحد ما نمت صحيت الصباح ادوشت وطلعت بالمنشفة و حفيانة م عارفة ليه وفي العادة ما بحوم حفيانة نهائي وصلت جمب غرفة الملابس و اسورة الدمعة شدتني وكانت ح تتقطع ورجلي كانت مبلولة حسيت بهواء من تحت قعدت في الارض كان في فتحة صغيرة على الأرضية كانت سيراميك بس شكله زي الخشب دخلت اصبعي الصغير فيها عملت ضوء احمر بعدين ازرق طلعت السيراميكة كان في لوحة باسويرد مكتوب فيها بحبك ونقط الحرف الفي اللوحة كانت باللغة الفرعونية القديمة وسيم كان بحب الحاجات دي شديد😹بقيت محتارة اعرف كيف بقيت بفتش في الدفتروقعت منه الورقة الفيها بحبك كبرت الكلمات بالكاميرا كانت باللغة الفرعونية وعملت ترانسليت ليها كانت

غرام روحي

رجعت ودخلت الكلمات فتحت الارض وكان في سلم اول ما نزلت خطوة برجلي كان ببصمتها الاضوية اتفتحت و باب قزاز كبير فتح نزلت من السلم ودخلت كنت خايفة شديد بس متأكدة انو حاجة بتخص وسيم ما بتخوف كانت صالة كبيرة او قبو تحت غرفتي فيها جلوس و سرير دبل و لبيبي وزي مطبخ بالجمبة و حمام ودولابين اشتغلت الشاشة و قال

- حبيبتي بتمنى ما تكوني خيبتي ظني و مخلية بالك من نفسك وعملتي القلته ليك.

مسحت دموعي وهزيت راسي قال

- في حال حصل اي حاجة المكان مجهز علشان يحميكم ماشي؟ وكمان ما حاجة بتفتح فيه بغير بصمتك انتِ و ماما صفية امم وحتى لوحة الباسويرد الحروف حساسة لبصمتكم بس .

سكت وقال

- وكمان افتحي الدولاب الابيض.

مشيت فتحته كان مقسم على تلاته قال.

- اليسار بمجرد م تختي اصبع رجلك الكبير فيه ح يفتح باب برا البيت استعمليه لو حصلت حاجة طارئة لا قدر الله.

ابتسم وقال.

- يلا افتحي الدولاب التاني.

مشيت فتحته كان فيه ملابس الزوايا شكلها كان غريب عاينت كويس وقلت

- صورة.

قال

- امم مرتي الشاطرة كلامك صح دي صورة وطبعا ما حد ح يعرفها غيرمهندس شاطر و دقيق.

هزيت راسي و اتذكرت لما مرا علي السؤال دافي الامتحان ووريته😂💙قفلتها وظهرت لوحة قزاز كبيرة لباسويرد م بتشاف وراها شنو قال

- اكتبي جملنا ياغرام كتبت

وسيم غرام للنهاية❤

وللنهاية غرام وسيم❤.

قلنا بصوت واحد

- غرام غرام القلب وسيم روميو💗.

فتحت وقعدته ابكي قال

- غرامي ما تبكي وادعي لي بس💙.تم حتى ماما صفية م تعرف بالمكان دا يا غرام و الخزنة امم انا كان قلت ليك مكان م يتوقعه زول انا عارفك فكرتي وين بس ﻷ انا قلت ليك ما يتوقعه حد يعني حتى انا.

قفل قمت بسرعة جبت الحاجات خبيتها في الخزنة و رجعت الصورة و قفلت وطلعت كنت تعبانة شديد قعدت ابكي لحد ما نمت

#نهاية 30...