عدا اليوم عادي بالليل بعد رجعت فتحت تلفوني لقيت مسج من رقم غريب
- انتِ ليه بعد اي حاجة اتصلحت و خلينا مشاكلنا ليه كرهتيني و خليتيني ابعد عنك حصل شنو ممكن افهم؟.
الصورة كانت لوسيم وميراي اتصورها جبيل قلت
- وسيم؟.
رد
- أمم .
م رديت قال
- غرام ممكن تردي وتفهميني
- ح تستفيد شنو اذا عرفت ياخ دي 3 سنوات انسى ما حصل حاجة وخليك في حياتك
- غرام كيف ما حصل حاجة انتِ قلتي لي ابعد عنك كدا بدون سبب او مقدمات ليه فهميني
- وسيم اذا بعدت او ﻷ الاختلف شنو ولا شي صح؟ فأنسى بس
- انسى يا غرام انسى؟ ما تقولي لي انك ما كنت حاسة اني بحبك او ما عرفتي حسي اني لسة بحبك يا بت الناس انا حياتي وقفت بيك وتقولي لي انسى عادي كدا!.
قفلت التلفون وحضنت ميراي وفضلت ابكي شوية والجرس رن مسحت دموعي ونزلت افتح لقيته وسيم قال
- غرام خلينا نتكلم
- ادخل جوا لانو ميراي نايمة براها.
دخلت الصالون وقعدت جاء وراي قال
- مالك وين؟
- مالك ماما صفية كانت محتاجاه وطلع قبل شوية.
هز راسه وعاين ليدي وقال
هاتي الاسورة.
طلعتها اديتها ليه فتحها و طلع ورقة صغيرة ملفوفة مكتوب فيها بحبك مداها لي مسحت دموعي وعاينت ليه بجمود رجع قفل الالماسة و ضوء عليها ظهر نحت بغرامي قال
- اتفضلي ياغرام.
قلت
- وسيم انت جنيت؟
- اذا عايزة تقنعيني انك ما حسيتي او حتى عرفتي بحبي تبقي كذابة ياغرام.
مسحت دموعي قال
- يلا حسي ممكن توريني الحصل شنو ، شنو الخلاك تكرهيني فجاءة ولمدة 3 سنوات.
قلت
- وسيم اذا قالوا ليك شعره طويل وعيونه زرقاء ح تفكر في منو الزول الاول البتعرفه ولا التاني السري.
قال
- يمكن الاول
- امم بس يمكن الزول قصده التاني صح؟.
هزراسه قلت
- رينال كانت بتوصف لي في الزول البتحبه بنفس صفاتك انا م كنت بعرف مراد تفتكر ح افكر انو الزول دا هو ولا انت.
قعدت ابكي وقلت.
انا ذنبي شنو لو كنت بحبك وحاولت انساك علشانها بس ما قدرت؟💔
أنت تقرأ
ألم الفقدان
Romanceدعونا نرى الايجاب حتى في الظلام فلكل قصة اسباب دائما م تكون هناك عسرات بالحياة ولكن بعد العسر اليسر اليس كذلك؟! عندما نرى ان كل شيء انتهى تكون حينئذ البداية💚 رواية سودانية بقلم الكاتبة سلمى سراجサルマ
