وسيم استأذن وطلع قلت
- مالك خايفة ماما ليال تزعل.
ضماني عليه وقال
- ما ح تزعل وانا من غيرك ما بقدر انتِ اختي الوحيدة المعاي و انا البهتم بيك من زمان يعني في لحظات ح تمشي مني مستحيل.
قاطعه صوت ماما نون
- ما تنسى هم ما عارفين انك اخوها بالرضاعة و بعدين لو غرام مشت قضت فترة معاها ح ترضي عمتها و انت ح تكون معاها عادي و اي وقت هي عايزة تجيك وانت اذا عايز امشي ليها ما حد ح يسألكم
.قال
- امي انا غرام ما ح اخليها براها
- هي: ح تكون مع عمتها و رينال كيف براها
مالك: بس انا اخوها يعني احق تكون معاي.
بعدت عنه ضماني تاني
- غرام قولي لي انتِ نفسك تكوني معاي ولا معاها انا ما ح اوقف في طريقك اذا عايزة تعيشي معاها😊.
قلت
- مالك يا حبيبي انا عايزة اكون معاك انت بس طبعا،،بس خايفة على ماما ليال تعيى😔.
فكاني و ماما نون مشت
قال
- طيب حاضر اجهزي و انا شوية و بوديك😊.
قام مسحت دموعي ولميت كتبنا و شلت شوية ملابس وطلعت ودعت ماما نون
- اذا عايزة او احتجتي اي حاجة انا هنا ماشي؟.
هزيت ليها راسي بوستني ونزلت مالك كان راكب في العربية قال
- كأنك ما اتأخرتي.
صوته كان متغير قلت
- مالك انا .. قاطعني
- اضربي لرينال خليها ترسل اللوكيشن😊.
هزيت ليه راسي ضربت ليها رسلته لي وصلنا نزلت من العربية مالك نزل لي شنطتي وكان زعلان زعلان شديد كمان وقفت قدامه ما عاين لي رفعت ليه راسه قلت
- في اخو عسولي كدا بزعل من اخته العسل😔.
م رد قلت
- خلاص خلينا نرجع يا مالك انا قلت ليك ما ح اوافق بدون موافقتك صح.
ما رد قلت
- مالك يا بيبي بالجد يلا ح نرجع
ضماني عليه
- ما تزعلي مني بس ح اشتاق ليك شديد اعمل شنو.
قلت
- و انا كمان ح اشتاق ليك
- خلي بالك من نفسك واياك تنسي ادويتك.
قاطعنا صوت حمحمة مالك فكاني ومسك يدي كان وسيم قال
أنت تقرأ
ألم الفقدان
Romanceدعونا نرى الايجاب حتى في الظلام فلكل قصة اسباب دائما م تكون هناك عسرات بالحياة ولكن بعد العسر اليسر اليس كذلك؟! عندما نرى ان كل شيء انتهى تكون حينئذ البداية💚 رواية سودانية بقلم الكاتبة سلمى سراجサルマ
