قبل العرس بيوم كانت حفلة بنات بس خليت ميراي مع مالك ودخلت الصالة ما كان في معازيم كتار كنت لابسة فستان اسود دانتيل سيور عريضة وطوله3/4من فوق ماسك على الجسم ومن تحت واسع وفيه فتحة لحد فوق الركبة بشوية ومكرمشة وكعب بيج وقصيت شعري لحد خصري واكيد لابسة اسورة الدمعة الحفلة كانت حلوة شديد ضربت لمالك
- مالك ميراي هادية و كويسة؟.
اتلعثم وقال
- ااي اي كويسة.
قفلت في وشه وطلعت لانو مفروض يكون برا عاينت ليه كان بفتش وميراي ما معاه مشيت
- قلت مالك ميراي وين😨
- مميراي ااديتها لزول بس ما متذكر
- مالك😳.
فكيته سرعة و بقيت بفتش بعيوني عيني وقعت على واحد من ورا شايلها و هي بتضحك جريت بسرعة شلتها حضنتها و بقيت ابوسها و مشيت ما عاينت ليه منو أصلا رجعت لمالك رجعنا البيت وخليته يوريهم انو رجعنا نومتها في حضني ونمت شدة ما خايفة تاني يوم كان العرس من الصباح ما اتكلمت مع مالك ابدا كنت لابسة فستان بيج فيه ورود بالأزرق رقبته مثلثة وعلى الجسم في الخصر في دوائر بالخيوط وطوله مع ركبة وفي قماش مكرمش نفس بتاع الفستان وكعب لونه و ايدينه واسعة و ماسكة عند الخصر المرة دي اخدت ميراي معاي كنت خايفة مالك يضيعها تاني مشيت سلمت وقعدت في حته هادئة مالك قعد جمبي
- رينال عايزاك فوق جيبي ميراي
قلت
- تحلم اديك ليها امبارح لقيتها الليلة احتمال تضيع انت واحد مهمل يا مالك يعني ما عارف انها اخر حاجة فضلت لي😢حضني وقال
- اهدي يا غرام انا اديتها لوسيم وكنت عارف بس كنت دايركم تتكلموا.
فكيته وخليت معاه ميراي ومشيت لرينال كانت جاهزة و البنات معاها كانت حلوة شديد م شاء الله عليها شوية و مراد جاها كانوا لايقين على بعض شديد💛نزلت شلت ميراي من مالك وقعدت شوية ومشى و رينال و مراد جوا ياخ حلوين شديد😢💓وردتها جات واقعة عندي و انا بلعب في ميراي شلتها و رميتها لأيمي عيني وقعت على وسيم بعاين لي عاينت لرينال قلت
- بتي دي ما عاجباكم ولا كيف🐸.
قعدوا يضحكوا عدت فترة و جات ام وسيم قالت لي
- غرام حبيبتي امشي لوسيم قولي ليه امك قالت ليك رد على تلفونك من قبيل بتصل ليه ما برد☺.
هزيت ليها راسي بخوف ومشيت كنت بتمنى الطريق يطول بس للأسف وصلت ليه نزل راسه قلت بسرعة
- خالتو قالت ليك رد على تلفونك .ابتسم وطلع تلفونه وقال بس هي ما ضربت لي😞.
كنت ح امشي قال
- غرام استني.
التفت ليه اشرعلى ميراي قال
- ممكن اخدها شوية.
عاينت ليها و ليه قال
- وعد ما ح اضايقك تاني.
اديتها ليه ومشيت كنت براقبه من بعيد كانت كأنها بته فتحت التلفون وصفحته كان كاتب
- بالرغم من سرعتها بأخذك يا صغيرة الا انني استمتعت بقضاء الوقت معك👀💙.
وبعده
- كانت سرعتها سريعة جداا لا انني لمحت محبسها ودليل زواجها لم ارى زوجها بجانبها ابدا و لكني رأيت اسورتي لازالت معلقة على يدها😴❤.
وبعده
- جمالها بجمال ذهب الكعبة ادامك الله نعمة💓.
وبعده
- كيف لرجل ان يسمح لتلك التي اسمها مقترن بإسمه وهي بكل ذلك الجمال ان تكون وحدها و مع معجزة مشرقة و هي مضئية الا يعرف ما الغيرة؟ امم اذا لنقل انه مشغول جدا بأعماله امم اذا كنت مكانه لكنت حرقت جميع الأشغال لاكون معهما فقط💗.
وبعده
- حب احداهن حد الجنون ومن ثم التملك ويأتي اخر سارق يأخذها برمشة عين شيء مؤلم فما بالك يا قلبي بي اني ارها تكوي جراحي لتشفى و لكنها لا تدري انني احافظ على كيهامكو ياذكرى💛
كانوا كلهم بكتب تحتهم غرام وسيم قفلت التلفون وعاينت ليهم كان بلعب معاها وهي بتضحك مشيت قلت
- وسيم ممكن اخدها؟.
هز رأسه بﻷ عاينت ليه بإستغراب قال
- مالك سألتيني ورديت.
ضحكت شوية قال
- نفسك لسة بعد السنين دي كلها ابعد عنك وما تتكلمي معاي؟.
ما عرفت ارد ليه بشنو جاء مالك قاطعنا و قال
- اخت راجلك عايزاك يا غرام.
عاينت ليه وضحكت قلت
- قصدك جوانة؟
- بس سجم دي
- حرام عليك ياخ ليه طول الوقت بتكون مشاكلها😹.
حمر لي مشيت خليته جوانة لا بتناديني لا حاجة عاينت ليه غمز لي حيوان ياخ.
عدا اليوم عادي بعد بيومين قالوا الا نمشي الشط لبست فستان حرير اصلة خفيفة شديد بالتفني والرمادي من فوق سيور و واسع طويل من ورا وبصل لحد الركبة من قدام و معاه شبشب ابيض ولبست ميراي ملابس ابيض برمادي عاينت لدبلتي ما عارفة كنت لابساها ليه طلعتها دخلتها الدرج و مشينا كانوا مستنيني كلهم هناك عيني وقعت على وسيم كان لابس شورت كوبي بتفني وقميص ابيض😹💙بوستهم وقعدت معاهم شوية وبقوا جايطين و انا ما بحب الجوطة شلت ميراي وقعدت براي بقيت بلعبها وهي بتضحك شوية و وسيم قال
- ممكن اقعد؟.
هزيت ليه راسي قعد ميراي التفتت ليه وبقت تضحك شالها بوسها ولعبها قلت
- ميرا و البيبي كيف!.
عاين لي وقال
- كويسين الحمد لله.
سكتنا مسافة قال
- وين نجم ما شفته.
نزلت راسي وقلت
- نجم الله يرحمه.
عاين لي بخلعة قال
- نعم؟
- امم انا و نجم اختلفنا و اطلقنا و بعد ب3شهورهو اتوفى و انا عرفت بميراي
- ربنا يرحمه.
مسحت دموعي وابتسمت ليه
#نهاية 23...
أنت تقرأ
ألم الفقدان
Romanceدعونا نرى الايجاب حتى في الظلام فلكل قصة اسباب دائما م تكون هناك عسرات بالحياة ولكن بعد العسر اليسر اليس كذلك؟! عندما نرى ان كل شيء انتهى تكون حينئذ البداية💚 رواية سودانية بقلم الكاتبة سلمى سراجサルマ
