ألم الفقدان

22

- قالت امم ح يجي حسي كان نفسه يتعرف عليك من بدري ☺

- طيب😂.ا

تكلمنا شوية و قالت

- عايني وراك🐸.

التفت كان في واحد اشقر نوعا ما شعره بني وطويل لاميه وحدة لورا و عيونه زرقاء و عنده لحية خفيفة رجعت التفته ليها جاء سلم وعرفتني عليه

- غرام دا مراد الحكيت ليك عنه

- مراد دي غرام بت عمي وحبيبتي وشبيهتي برضو😹

مراد تركي وكنت بس مخلوعة يعني هي ما كان قصدها وسيم؟ يعني هي ما بتحب وسيم؟.

تلفوني ضرب كان مالك قال ميراي ما بتسكت قفلت منه وقلت

- انا أستأذن بعد كدا ميراي مغلبة مالك😪

- مراد : طيب يلا انا ح اوصلكم

- انا :ﻷ انتوا خليكم انا ح امشي بس بعدين ذكروني انتو الجوز اموت حد بعرفه.

ضحكوا طلعت رجعت بسرعة و انا خايفة على ميراي ما كنت عارفة في شنو بالعادة هي ما بتبكي كدا وصلت البيت لقيتها بتلعب عادي مع مالك شلتها بوستها و حضنتها قلت

- مالك يا سجم بتلعب هي ليه قلت لي انها بتبكي و ما بتسكت😢

- كانت جيعانة🐸.

حمرت ليه ومشيت شوية و رينال جات كنا بنتعشا قالت

- عرفت غرام على مراد🙈

مالك: تاني مراد ياخ دا في تركيا ما مريحانا بيه وهنا ما ح تريحينا بيه😑.

قعدت اضحك وقمت قلت شبعت شوية وهي لحقتني قالت

- غرام رايك شنو فيه؟

- امم كويس و شكله بحبك جدا.

ابتسمت بخجل وقالت

- عايز يجي يتقدم لي

- الله يعني ح يكون عندنا عرس قريب🐸.

ضحكت قلت

- رينال بالجد انتي كنتي بتقصدي مراد قبل سنوات لماكنت شايلة الدفتر؟!

- امم اي والله ليه يعني؟

- انسي وقومي اتخارجي عايزة انوم انا😂.

طلعت و انا بقيت ببكي يعني انا غبية للدرجة دي؟ انا كان ممكن حسي اكون معاه لو خليتها تكمل لي بس لوكان استنيت ثواني م كان ضاعت سنين من عمري بدونه💔قعدت ابكي لحد فترة طويلة الاذان اذن في تلفوني قمت صليت وبقيت بدعي وببكي ميراي صحت وبكت شلتها و بقيت العبها لحد م نامت و انا نمت صحيت متأخر لقيتهم مجتمعين حتى ماما ليال و صفية معاهم و ماما نون سلمت عليهم وقعدت ام مراد و ابوه كان مشوا السودان و طلبوا رينال من وسيم و ماما ليال وحددوا العرس بعد شهر،، مشينا كلنا بيت العيلة و جات ام وسيم ومرت اخوه من الإمارات كانت بتعاين لي بطريقة غريبة انا ما فهمتها بس اتخطيت و تعاملها كان عادي معاي يعني ف ما خفت مرات كنت بأخد معاي ميراي الشركة ومرات بخليها مع مالك او ماما صفية و كانوا بجهزوا للعرس انا كنت ميتة خوف اني ح الاقي وسيم بعد الفترة دي كلها مروا 3 اسابيع وباقي للعرس إسبوع كانت ميراي معاي في الشركة عاينت ليها كانت بتلعب برجولها ختيت اصابعي على خدودها و صورتها ميراي عيونها لونها ازرق و شعرها اسود شديد و حلبية و نزلت الصورة و كتبت

- كبرتي يا صغيرتي من اول مرة رأيتك بها حينها كنتِ نقطة على الصورة والان بين يدي معجزة جميلة💚

دخلت صفحة وسيم كان كاتب

- هل أذهب لاراك واتألم لحظات لأعيش ما تبقى لي؟ ام ابقى لاترقب عن بعد ما يحدث؟ سيظل هذا السؤال يطرح نفسه100مرة في كل ثانية.

وكان في صورة يد فيها دبلة مشوشة شوية و كاتب

- ما ذنبي بحب غراما عشقا مجنونا و مجئ خاطف ملكها قبلي💔.

قفلت التلفون ورجعت البيت مشيت غرفتي بسرعة كنت تعبانة شديد انا بحبو شديد و ميته فيه و هو لسة بحب مرته💔يعني انا كل ما اقول خلاص ارجع للصفر💔مالك طق الباب ودخل مسحت دموعي قال

- انا عارفك بتبكي يا غرام ما تحاولي تخبي علي.

قعد جمبي حضنته مشى على شعري وقال

- اهدي كله ح يتصلح

- يا مالك انا ما عارفة ح اتماسك قدامه كيف ما ح اقدر💔

- طيب انا جيت اقول ليك نرجع البيت هناك احسن علشان الجوطه ما كويسة لميراي زاتو.

هزيت ليه راسي باسني وقام قمت ادوشت وميراي حممتها ونزلت حاولت اكون معاهم عادي ام وسيم شالت مني ميراي ومشت عدا اليوم عادي ومالك كلمهم انو ح نرجع بيتنا ما اعترضوا و تاني يوم مشينا كنت بمشي ليهم طلات بس

#نهاية 22...