ألم الفقدان

31

- غرام اصحي يا ماما.

فتحت عيوني وعاينت ليها كانت ماما صفية قالت

- ليه نايمة بالمنشفة ح تمرضي كدا قومي البسي😪.

هزيت ليها راسي وقمت بصعوبة كنت في الشهر التاسع عاينت لرجولي وللحجول تحديدا اتذكرت قبل اسبوع عيد زواجنا انا و وسيم💙كنت مساهرة لحد الصباح قمت ادوشت وطلعت كان في علبة في سريري فتحتها كان فيها حجلين واحد دهب والتاني الماس الألماسة كانت منحوتة على شكل قلب بشري والدهب فراشة قمت ادوشت ونزلت كنت مصدعة شديد فطرنا و طلعت اتمشى ميراي كانت نايمة لسة اتمشيت حبة لقيت نفسي مشيت كتير قلت ارجع وكنت حاسة نفسي تقيلة فجأة بقيت ما شايفة قدامي فتحت بعد فترة لقيت نفسي مربطة على كرسي وفي غرفة لونها ابيض ما فيها غيري شوية و دخل واحد قلبي ضرب لما شفته كان اسمر اسود عديل ولامي شعره لورا و مغطي عينه اليسار كان ظاهر انها ما في وطويل ومعضل جاني احساس للحظة انو وسيم كان نظرته غريبة قلت

- ااانت منو😢

- امم ما مهم تعرفي بس ورينا ملفات راجلك وين

- ملفات شنو راجلي دا ميت ليه 3 سنوات انتوا منو😢.

ضحك وقال

- امم وبهمك بشنو. نزلت منه دمعة مسحها بسرعة .و تم .ح تورينا الملفات ولا نتصرف مع بتك؟.

صرخت بألم

- ملفات شنو و انت منو ياخ😭.

نزل مني الطلق وصرخت بوجع الولد جاء جاري بخلعة

- ففي شنو مالك؟😳.

قلت وانا ما قادرة من الوجع

- انا بوولللد😠

- شششننو😳.

صرخت قال

- ااستني اشوف دكتور.

طلع و انا فضلت اصرخ وابكي شوية و جاء كان لابس جونتات طبية و بصرخ اتصرفوا و جيبوا دكتور و الا قسما ح افضحكم.

واحد قال

- نجيب دكتور و انت ما ممكن تبقى دكتور؟😂.

صرخ فيه

- كلامي كان واضح و جيبوا موية سخنة و في غرفتي في صندوق جيبوه.

صوته كان نفس صوت وسيم صرخت

- وسيييبم.

التفت لي كنت ما قادرة اقعد زي الناس جاء جاري لي فكاني وشالني وطلع كانوا في رجال كتار واحد وقف قدامه قال

- البوس قال خليها و ما تلمسها.

صرخ فيه

- ما على كيفه انا بعمل الدايره.

اتخطاه و انا كنت بأن من الوجع وصلنا غرفة قفل الباب ورقدني على السرير قال

- اسف على الح اعمله.