رواية نِسمهه ✨ _ "كاملة" ❤

7

رواية #نسمهه_6✨ كتابة : ميرا ياسر 🌸

الحلقة السابعة ❤🍃

بعد ماخدي صهيب رقم نسمة خش لداره وقعد متردد يتصل او لا ،، ولو اتصل شن بيقولها.. وكيف بيقنعها توافق ...وشن بيدير 💔

و ف الليل مع الساعة 11 ...

كان مقعمز ف داره مطفي الضي ومولع السهارة ويفكر..

وقرر يكلمها..

واستجمع قوته وطلب الرقم >>

نسمة .. من هدا زعما ؟

وردت ،،،

نسمة..الو ؟
صهيب.. نسمة ؟
نسمة.. يوسف ؟ 

صهيب ف سره ... هههههه يوسف من اولها .. شكلك مش مخلية.. اه ياربي غير شن بندير ف روحي 💔

صهيب.. لا
نسمة.. امالا شكون ؟
صهيب.. اني صهيب.. خو سامح..
نسمة.. صهيب ؟؟ ااااااه صارر هكييي انت.. لا استاد شكلكك فاهمني غللط ره مش كان تكلمت مع ...  

وقاطعها صهيب.. ضمي فمك واسمعيلي بلا كتر دوة

ونسمة انصدمت من وقاحته وجرأته ومعرفتش ترد

صهيب.. الاربعاء الجاي ، بيجي بوي وبيطلبك انتي واختك ليا اني وسامح.. وانتي بتوافقي .. سمعتيني ؟
نسمة.. والله ؟!! شن امر هيا !! خيره هوا !؟ مجنون انت ؟؟ صاير لعقلك حاجة ؟؟ والله عرفتك مش طبيعي من اول مرة شفتك فيهاا ..
صهيب.. ههههههه لا بتوافقي
نسمة.. شن الي بيجبرني انه نوافق تي شن ترعى انتا ؟؟؟؟؟ مش هانوافق بالغصب هيا؟؟
صهيب.. لالا مش غصب.. بس لو موافقتيش خطبة سامح وسيرين مش هايصير منها
نسمة.. شن تخرط انتا ؟اشبح شن شارب ف هالليل بالله عليك برا من عليا مش ناقصة هم اني
صهيب.. مش مصدقة كلامي ؟
نسمة.. لا مش مصدقاته ..
صهيب.. تبي تجربي ؟
نسمة....

ونسمة خافت وسكتت وحست من نبرة صوته انه ميبصرش ..ونزلت دمعتها ومعرفتش شن ترد

صهيب .. الاحسن سيرين متاخدش خبر بالموضوع ، ولا ب اني كلمتك 

و سكر الخط بعدها طول ولوح التليفون

صهيب.. الله يسامحكم كلكم وخلاص ..  كله ف سباك يا استاد سامح ؛ بناخد وحدة ابصر تعرف كم واحد قبلي .. قال يوسف قال ههههه ي الله عليك حالة

وسكر الضي ورقد >>

اما نسمة ف كانت خايفة من كلامه وتهديداته ليها ومش فاهمة شن علاقة انها توافق بموضوع اختها وسامح 💔

وصوته يرن ف ودنها وقاعد يعاود ف الكلام ..وخافت انه يكون كلامه صح ولو رفضت يفسد موضوع اختها بسببها 💔

بس برضو لو وافقت كيف بتقدر تعيش مع واحد زي هوا... الي واضح من اول مرة شافاته فيها انه شخصيته صعبة ومستحيل التأقلم معاها ...