رواية نِسمهه ✨ _ "كاملة" ❤

18

الحلقة الثامنة عشر ❤🍃

سهام.. هادي خيرها تقول انلبست هكي ؟
روان.. حتى اني تلميذتك 😜
سهام.. انتي درتي هكي !!
روان.. ايي..
سهام.. والله برافو عليك يابنت ،، بس فهميني كيف صار ؟!
روان.. ح نقولك ،،وحكتلها القصة كلها
سهام.. اي اي ، بس عندك علم حاجة زي هادي كانت ممكن حتى تنجلط فيها .. مرة تانية معاش تتصرفي من دماغك وارجعيلي
روان.. هههههه عادي المهم مشفتيش منظر صهيب كيف كلماته علي شوية ومدلها كف ...
سهام.. توا شوفي شن بديري ،،، واعرفي كيف تستغلي الي صار لصالحك

~~~~~~~~~~~~~

خش صهيب للدار وقتها مع ال1 ف الليل باش يرقد ،

وهما حوشهم غادي مش واسع زي الحوازة كان كل 2 دار ؛ نسمة وصهيب ف دار وسامح وسيرين ف دار والبنات ف دار ..  وكل دار فيها حمام

وروان كانت فلدار الي مقابلاته ومشت ورا صهيب وهوا كيف بيسكر الباب حطت ايدها خشت ،،،،

صهيب.. شن في ؟
روان.. نسمة وين !؟! خليني نكلمها
صهيب.. راقدة توا فوتيها.. شن تبي منها؟!
روان.. اني منسمحش انه وحدة تتكللم معاك بالطريقة هاادي قدامنا وتهيينك بالشكل هواااا ، مستحيل نخلي وحدةة تكلللمك هكي ياصهيب سمعتني !!.. توا خلييني نكلمها حوول
صهيب.. روان اهدي ؛ البنت راقدة توا والحوش كله راقد بري دارك تربحي خير ماحد يشوفنا وتصير مصيبة
روان.. اوووف منك صهيب
صهيب.. خلاص عاد ❤ نجيلي الي ماترضى ف حبيبها شي 💜
روان.. والله مانتحمل نشوف وحدة تكلمك بالشكل هوا 💔
صهيب.. عارف ❤ وتوا نتصرف اني معاها امشي ارتاحي انتي توا
روان.. اوك ، تصبح علي خير 💛
صهيب.. باسها من راسها ، وانتي من اهلي 💜

وسكر الباب وخش بشوية لقي نسمة راقدة ودمعتها مزال ع خدها ..

ومكانش في وين يرقد زي غادي ، ف حط فرشة علارض ورقد ...

تاني يوم كان العيد >> 💛

ناضت ع صوت الجوامع وهيا تكبر الساعة 7 الصبح ❤

ناضت نسمة من النوم لقت فرشة علارض ومفيش حد فالدار ؛ ف عرفت انه صهيب كان راقد هني وهوا ناض ونزل قبل ماتشوفه ،،

نسمة.. ياربي زعما زعل مني 💔 لازم نحكيله كل شي

وناضت فيسع توضت وبدلت ولبست حوايجها و وشاحها ونزلت لقتهم كلهم فلجنان عيدت عليهم  ،،

سمية.. صباح الورد ❤ كيفك يابنتي اليوم ؟
نسمة.. الحمدلله احسن 💜 ونبي نتأسف منكم علي امس والله مشعارفة كيف تصرفت هكي مكنتش ف وعيي
سمية.. ولا يهمك مدوريش .. سيرين حكتلي كل شي زي ماقتلك وهدا مش دنبك 💛
نسمة.. ربي يخليك لينا يارب ❤ ..
سمية.. هيا وتي معانا الحاجات الرجالة قريب يروحو من صلاة العيد
نسمة.. اوك 💛

وبدت توتي معاهم لحد ماروحو الرجالة وقعمزو فلجنان كلهم يوتو للدبح وطلعولهم النساوين قهوة باش يصحصو ...