رواية نِسمهه ✨ _ "كاملة" ❤

17

الحلقة السابعة عشر ❤🍃

مرو يومين >>

ومشت العيلة كلها للحوازة زي ما اتفقو ،،

نسمة.. الله الجو نظيف هني ❤❤
سيرين.. اييي محلاها الطبيعة ..
سماح.. هههههه بابا كل ماتطيرله منا يجي يقعمز هني بروحه 😅
نسمة.. عنده حق كان اني معاش نطلع منها 🙂🙂

البنات.. 😂😂😂 ..

مرح.. توا لما تشوفي المجزرة فلعيد كيف معاش بتوليلها صدقيني 😂
فرح..وانتي الصادقة كيف تشوف روان حاصلة فلمعلاق 😌😂💔💔
سماح.. ضمو فمكم جتكم هي 😂😂😂😂

روان.. اهليين صبايا كيفكم !؟
نسمة.. هههههه بخير الحمدلله كل عام وانتي بخيير
روان..وانتي بخير يا ألبي ، هي خ نمشي نشوف شن وراي بعدين نهدرزو 😘
نسمة.. اي اوكين سلام 💙

صهيب...نسسمة ،، تعالي خودي مني الشنطة
نسمة.. هياااا جااية

سماح.. اني مش مطمنه لجو روان هوا 😑حياتي وألبي من امتى المحبة نزلت عليها لنسمة ؟ 
فرح .. عندك حق وحدة ف مكانها خدت منها حبيبها تريشها ترييش
مرح.. تي ياودي مش مدورة تحسابي كان تحبه بتقعد هكي؟؟
سماح.. اني مش مطمنه بكل .. في إنّ ولازم نعرفوها

مرح وفرح.. تحت أمرك ياكابتن 🤦‍♀️🤦🏼‍♀️  شن نديرو 😂
سماح.. هوايتكم المفضلة 🌚
مرح.. نحطولها لحم ني ف سندوتشة التن زي زمان 😍😂
فرح.. اييييييي وشاهي فسطه ملح بدل السكر ومعدنوس بدل النعناع 💃💃 تتفكري لما شرباته مرح العيد الي فات😂😂😂😂😂
مرح..هههههههههههه منظر مستحيل ننساه وااك  البنت جاها الصفير 😂💔💔
سماح.. 😂😂😂😂😂قهرتكم لا ، بس فتحولي عينكم عليهم التلاته.. صهيب ونسمة وروان 
مرح.. اهاا ، اوكي 🙂

مهند..  شن تديرو ف حياتكم من غير القرمة ؟😑
مرح.. نشحك من شعرك 🙂✋
مهند .. هاهاها .. سو كيوط 🌚 برو دخلو باقي الشناطي الداخل بلا تمهتيك 💁‍♂️

امهم.. يابناااات ، تعالو عاونوني شوية
مرح .. اووووف وااك ياربي شن هالعذااب 😭

نخلوهم هما مع عراكاتهم ونمشو لنسمة وصهيب  😅

صهيب.. خشي الداخل .. هاك المفتاح
نسمة.. هات هي ،،
صهيب.. ، اوووو ريكسوو 😍 ش الجوو يارااجل !
نسمة.. حييييي محلاه 😍😍 كلبك !!
صهيب.. ايي الحب هوا 💜 .. تي لييك وحششة ..  متخافيش منهم ولا ؟
نسمة.. ههههههههه لالا بالعكس.. شكله كيوت 💔😂.. شن اسمه ؟
صهيب.. ريكس ، قربي متخافيش
نسمة.. اهلا اهلا اهلا سيد ريكس 😃  نايس تو ميت يو 😂..
صهيب.. قالك  مي تو 😌
نسمة.. 😂😂 اووقف بحداه خ نصوركم  مع بعض 😁
صهيب.. هي 😌
نسمة.. 📸..نايس ون 😌👌👍

وقعدو يبصرو وخشت عليهم روان ...

روان.. صهيييب ، قالك سامح حول سيارتك باش ،، ومكملتش كلامها جاها الكلب يجري وناضت تصيح وهوا قاعد يشد ف بلوزتها😂💔 ...