الحلقة العاشرة ❤🍃
شكرية .. باش علاقل لو طلع في حاجة سمية تلحق تدورلك عريسة تانية ..وشبحت بإبتسامه خبيثة لنسمه وقتلها.. وعارفينها نسيمه طيبة وبنت اصول ومش هاتقول شي مداما الشي هوا هايسعد صهيب في حياته ومش هاتكون انانية
ونسمة معاش قدرت تتحمل وناضت تجري و طلعت من الدار...........
وصهيب طلع يجري باش يلحق عليها وقعد ينادي عليها ،،،،،،،،
صهيب.. نسسسمة ... يابنت اووقفي استني.....
نسمة وهي تبكي .. حوول خليني ، منبيشش نتكلم مع حد ، وركبت لحوشها وقربعت الباب وراها ،،
وصهيب قعمز ع اول درجة وحط ايده ع راسه و وجهه بدي احمر وناض وهوا متعصب ورجعلهم مرة تانية........
و اول ماخش ،،
شكرية.. جيتو ! خيرها ناضت حرجانه شن قلت حاجة غلط اني !!
صهيب.. اني قاعد محترمك ومقدرك على خاطر انتي عمتي بسس لاكن حيااتي الخاصة وموااضييعي مليكش ايييي علاقة بيهم لا من بعيد لاااا من قررريب اخخخر مرة نسمعك تتكلمي مع نسمة بالطريقة هادي ،،،،، وايييي حد مش غير هيا بسس سمعتوني كلكم !!!!!!
سمية.. ولد ! نقص صوتك شن معاش في احترام لوجودي !.. اني موجودة اني نتكلم مش انت !
وشبحت لشكرية ،،،،،
سمية.. بغض النظر عن اسلوب صهيب بس هوا عنده حق نسمه كنتي اني ....اني مليش حق نتدخل مابيناتهم وياريت حتى انتي تديري نفس الشي وتردي بالك من كلامك لانه كان قاسي ع البنت شن جايبين بنت الناس باش نهينوها حني ! الامور هيا بإيد ربي حني مليناش علاقة بيها واحترامك ليها هيا و اي وحدة من كنايني من احترامي اني وتغلطي ف وحدة فيهم كأنك غلطي فيا اني ..... اهو كلمتك ب أسلوب والمرة الجاية ياريت تنتبهي لروحك
شكرية.. لواه ياكبدي شن قلنا حني ! وهيا دارت فيها الحرجانه وركبت تتبكى حني نتكلمو عادي الا كانش انتم مخبيين حاجة ومتبوش تقولو ! صاحب العلة ينخصوه مرافقه
الحق فيا زي ماصهيب ولدك حتى هوا ولد خوي ويهمني مصلحته وليا فيه زي ماليك بالضبط لاكن شورا اني معاش بدي ينطاقلي كلمه فهالحوش..... وتلفتت لروان ، هيا نوضي البسي عبايتك بنروحو.....وانتو برو راضو البرنسيسة متعكم ........
و بعد ٥ دقايق روحو.......
مرح.. امشي تلفة 😒 متتحشمش ع وجها خزي
سماح.. مابعد نسمه بالله تعالو نركبو نشوفوها ......
فرح.. صهيب ركب مبكري خلوهم بروحهم شوية
وسيرين واقفة بجنبهم ودموعها ينزلو وهي ساكته 💔
عندهم فوق >>
نسمة خشت دار النوم ومسكرة ع روحها بلمفتاح
صهيب.. حبيبتي ، افتحيلي الباب ... نسمة افتحي نبي نتكلم معاك ،، فوتيها عمتي هيا 24 ساعه ترفس وتعجن طول عمرها لسانها هكي ..... حتى امي وخوتي مش سالمين منها.. والله امي ماسكتتلها لما ركبتي ، نسمة
أنت تقرأ
رواية نِسمهه ✨ _ "كاملة" ❤
Romanceلما يكون مكتوب عليك تحبي من طرف واحد طول حياتك وانتي بنت....وانتي متزوجة ❤.. كيف هايكون شكل حياتك ❤ ... وهل طيبتك عيب و غباء ❤ ولا ربي هايطلعك من كل عقبة فحياتك زي مانتي ماشية بنيتك ❤ شن شعورك وانتي متزوجة حد بالغصب وتحبيه برضو بلغصب ❤ وهوا واخدك م...
