رواية نِسمهه ✨ _ "كاملة" ❤

23

الحلقة الثالته والعشرين ❤🍃

نسمة.. كيف عرفتي انه صوت وليد ؟ بالك تكلم ف صحبتها ولا حد تاني
كوكا.. لالاااااا.. هوا وليد وعمو كبير زي عمو صهيب.. تعرفي كيف عرفت ! لان قتله فلتليفون لما نتزوزو "نتجوزو😂 " ح نديرو حوش كبييير وفيه حمام سباحة زي متع الافلام🙊 شفتي كيف عرفت ! وهيا تقدرش تتجوز صحبتها لانها بنت صح كلامي ولا مش صح😌😌معناها هيا عندها توأم زي ميمو وفوفا "مرح وفرح 😂 " شفتيني كيف ذكية ! 🙈 ماما ديما تقولي انتي ذكية 😀😀😀

نسمة.. كوكا حبيبتي ، الدوة هيا مفيهاش بصارة ره ؟ متأكدة انه هدا الي سمعتيه ؟
كوكا.. ايي وحق ربي وماما ديما تحلف برحمة بابا حتى اني بنقول ورحمة بابا بش تصدقيني هي😒

صهيب.. ف شششن  تدوو من ورااي ! 😜 تحرضي فيهم عليا ؟

كوكا.. كننت نحكيييلها علساحرة الشريرة اليي ،، وسكرتلها نسمة فمها ،،
نسمة.. كنا نتكلمو ف اسرار بنات 🙄ولا كوكا ؟
كوكا.. اي صح ، مش ح نقولولك 😝 ،
صهيب.. هههههه صار هكي .. باهي به .. سمسمة حطيلي ناكل جعان
نسمة.. هههههه شن قلت ؟
صهيب.. قصدي نسمة 🙄
نسمة.. هههه به قعمز كول ،،

وحطتلهم ياكلو علطاولة وهيا قتلهم مش جعانه ...وخشت للدار وقعدت تفكر ف الكلام الي سمعاته

نسمة .. معقولة يكون بجديات ؟ يعني روان تخون ف صهيب ؟ ..بس كيف ؟! ولا بالك قعدت تتكلم مع صهيب ؟ ... بس صهيب طول الوقت كان بحدانا ومناضش ولا شرين تليفونه ،، مرات كوكا تكون فهمت غلط ؟ ياربي شن هاللي قاعد يصير 💔💔 لازم نتأكد بنفسي .. مش هانمشي ورا كلام الصغار لين نتأكد ،،،،بس كان طلعت تخون فيه وصهيب عرف شن بيصير فيه ياربي 💔💔 هالزفتة... بس ممكن سبب  اسلوبها انه يكون في حد تاني ف حياتها !؟ بس مدامها تحب  حد تاني علاش تكلم ف صهيب شن تبي منه !! وتفكرت الليلة الي مرض فيها صهيب ولما اتصلت بيها الفجر لقتها انتظار ،

ومليون سؤال يلف ويدور ف راسها..وخايفة تصدق كوكا يطلع مفيش منها الدوة لان اغلب الصغار يتوهمو ف حاجات ويحكو ف اي شي  ،،

نسمة.. بس اني وراك ياروان ؛ لين نعرف ميتك وين تصب وديني كان طلعتي تخوني فيه لما اندمك ع كل دقيقة ضحكتي فيها عليه ،،،،،،،،،،

صهيب.. من ضحك ع مني ؟
نسمة.. انت من  امتى هني 😳
صهيب.. من لما اندمك ع كل دقيقة ضحكتي فيها عليه 🌚

ونسمة توترت ومعرفتش كيف تتصرف وخايفة يكون سمعها 💔 وسكتت ،،

صهيب.. احكي ؟
نسمة.. شي كنت نفكر ف يوسف ولد خالي
صهيب.. يوسف ؟ شن خطره عليك ؟؟
نسمة.. يحب بنت وهي مش معبراته وديما توجع فيه ،، وهوا يحبها ويموت فيها ... بس الحب اعمى ..ومش قادر يشوف ولا يفكر ف سبب تصرفاتها معاه .. بس اني عندي احساس انه هيا تخون فيه ،، وهدا لاش هيا تتصرف هكي معاه
صهيب.. اهاا ،، قراب هلبا من بعض انتي ويوسف حسيتكم
نسمة.. ههههه يوسف خوي اني وسيرين الي مجابتاش امي
صهيب.. اول ماتجوزنا كنت نحسابه حاجة تانية 🙄
نسمة.. حاجة تانية كيف ؟ اااه ،، مصح وجهكك 😑.. يوسف هوا ضهري بعد بوي .. وراحته وسعادته تهمني .. زي اي اخت تحب خوها وتبيله الخير.. وزي خواتك مايحبوك ويتمنولك الخير 💙
صهيب.. ههههه اي حق ، وقرب منها ... نسيت نشكرك ❤ ع الي درتيه معاي مبكري ،،
نسمة.. شن درت ؟
صهيب.. انك محيكيتش لاهلي ع البنات وقلتي انهم ليك ، وع انك رجعتينا اني وخواتي لبعض 💙
نسمة.. ههههه ندير شوية خير ف حياتك قبل لانطلع منها ،،
صهيب......
نسمة.. خيرك سكتت ؟
صهيب .. حتى لو اطلقنا.. مش هاتطلعي من حياتي
نسمة.. كيف ؟
صهيب.. ههههه مسمعتيش مرح كيف قالت هادي اختنا الرابعة ؟ وكيف حبوك البنات الصغيرات وكيف حباتك امي ،،  يعني انتي بديتي جزء من العيلة هادي ،،
ونسمة سكتت وقعدت تشوفله ومستغربة من كلامه ،،