رواية نِسمهه ✨ _ "كاملة" ❤

25

الحلقة الخامسة والعشرون ❤🍃

مع العصر مشي صهيب لحوش نسمة باش يشوف بوها شن يبي يحكي معاه ،،،،،،

كمال.. تفضل ياولدي خش
صهيب.. يزيد فضلك عمي ،، خير شنو في ؟ شغلتلي بالي
كمال.. قعمز توا تفهم كل شي ،،

وقعمزو >

كمال.. شوف كنت ناوي نتكلم معاك فلموضوع هدا انت وسامح مع بعض ،، بس الله غالب ربي مسخرش كلمت سامح وحكيتله بروحه ، وتوا بنحكيلك انت ،،
صهيب.. خير عمي شن في ؟
كمال.. شوف ياصهيب ،، اني مجبتش غير زوز بنات ،، يعني انتم ف مكان ولادي وف معزتهم 
صهيب.. اكيد وحضرتك ف مكان بوي ❤ ربي يخليك لينا ويطولنا ف عمرك ،،
كمال.. ههههه وهدا الموضوع الي نبي نحكيلك عليه
صهيب.. مفهمتش ؟
كمال.. اني مريض بالقلب ..وكداش ليا كنت نتعالج بس الدكاترة قالولي ان حالتي بدت صعبة ،،
صهيب علامات الصدمه ع وجهه.. لاحول ولا قوة الا بالله ! ان شاء الله لاباس عليك ياحاج اني هانسفرك ل المانيا وتكاليف العلاج كلها عليا وباذن الله هاتتعالج وتتحسن وترجع احسن من قبل
كمال.. الاعمار بيد الله ياولدي خلاص .. الدكاترة دارو كل جهدهم معاي ومقصروش،، وحاليا مركب بطارية فلقلب والله اعلم كم تعيش معاي يعني ساعتي ممكن تكون ف اي لحظة .. ممكن نعيش اسبوع ممكن شهر ممكن سنه الله اعلم
صهيب.......
كمال.. ف الي نبي نقولهولك ،، بناتي مليهمش حد فلدنيا هادي من بعدي مليهمش ضهر ،، لا اخ يسندهم ولا خوال لا عمام ولاغيره .. مليهمش حد فلدنيا هادي غيركم انت وسامح .. ومدله ظرف ،، وبالنسبة للظرف هادا فيه وصيتي.. متفتحهاش الا لما تجي ساعتي.. و وصيتي التانية بناتي ، ديرو بالكم عليهم وارجوك متعطيهمش خبر ب اللي قتلك عليه.. لانسمة لا سيرين لا هالة عندهم خبر بلموضوع .. حتى هالة مليهاش حد وانتم زي ولادها ديرو بالكم عليها مش هانوصيكم

صهيب عيونه بدو حمر وعلي وشك انه هوا يبكي 💔 شن بيقول للراجل الي قاعد يآمن فيه ويعاود علي بنته وانه مليهاش حد غيره انه بيطلقها بعد سنه 💔 وكداش ماستحقر روحه ب الي سمعه والي صار.....  وقاعد يقطع ف وعود للناس وهوا عارف انه مش هايلتزم بيها ،،،

وناض طبط عمي كمال وباس راسه وقعد عالوضع هدا يجي 10 د ،،،

كمال وعيونه حمر.. زي ماقتلك ياولدي ...
صهيب.. متخافش عمي كمال ،، وربي يعطيك طولت العمر ان شاء الله
كمال.. ان شاء الله ياولدي ان شاء الله ، يعطيني عمر بس باش نشد صغاركم ف ايدي قبل لانموت 💔 وبعدها مانبي شي م الدنيا
صهيب.....
كمال.. هي اكيد وراك شغل منبيش نزيد نعطلك
صهيب..لالا اما عطلة هادي ،، هي نستادن توا وغدوة فلعشية نجوكم اني ونسمة شوية
كمال.. تأنسو ف اي وقت البيت بيتكم ،،،

وسلمو ع بعض ونزل صهيب وعلامات الخيبة والندم  والبؤس وكل الحاجات الشينه ف بعض علي وجهه")
و تقدرو تتخيلو انتم 💔