الحلقة الحادية عشر ❤🍃
نسمة... الي فيي ياعمي ؟؟؟ حاضضضر ، كنتك المصونه وبنت اختك بنت العيله والناس ، كدبو عليا وعلييكم وع العيله كلها وفهموكم انه اني عقيمة ومنجيبش في صغار .... زووورت التحاليل الي اني درتها قبل لانسافر اني وصهيييب ؛ فهموكم انه العييب مني وهوا العيب ف صهييب ، صهيب هوا الي ميجبش ف صغار مش اني !!!!!! باش وصهيب يطلقني وياخد بنت اختكك .... عرفتوا توا شن في !!!!
سيرين... نسسسمة !! ....
نسمة.. سيررريين خلييييني ، هدا الي صاار سهام زورت التحاليييل باش صهيب يطلقني ويتجوز !
وكلهم سكتوا من الصدمة ومعاش نطقو بولا حرف
سهام وهي تبكي.. نسمة بالله عليك فهميني ، شن الي خلاك تقولي هكي ! اني دكتورة وليا سمعتي معقولة ندير الشي هوا ؟؟ هادي فيها سحب رخصة طبية مستحيل نجازف بمهنتي وندير هكي صح ممكن علاقتنا مش كويسة فلحوش ببعض ومكنتش معاك كويسة انتي وسيرين بس فلعيادة انتي مريضة واني دكتورتك ولا كأني نعرفك واموري الشخصية نفصل فيها عن حياتي العلمية .... معليشي اني مقدرة وضعك والله ، اني ام وحاسه بيك وحالتك هادي طبيعية ونعرفوها عندنا فلطب انتي تمري ب صدمه مسببتلك ازمه نفسية مخلياتك فلحالة هيا ..ومش قادرة تتقبلي الي صار لحد توا وتمري بمرحلة الانكار وخايفة صهيب يسيبك على خاطر الموضوع هوا بس متخافيش حبيبتي هوا يحبك ومستحيل يتخلى عليك ❤ ولا صهيب ؟
صهيب......
نسمة.. اسمعي ! كلام اللف والدوران هدا مايمشيش عليا اني ! اني سمعتكك بودني وانتي تتكلمي مع روان فلجنان وتقوليلها انه صهيب هوا الي ميجيبش وانكم درتوو هكي باش يرجعلها !!!!! وقلتيلها انه فلحالتين مش هايجيبوا صح ولا مش صح !
سهام.. نسسمة انتي اعصابك تعبانه ومش عارفة تميزي بين الواقع والمخاوف الي في عقلك الباطن وتتوهمي ف حاجات اني وروان صح تكلمنا فلجنان عليك بس مقلناش هكي ! تبي نتصلك بيها تتاكدي ؟؟؟؟ تمام حاضر هي ،،
وطلعت تليفونها وطلبت روان وفتحت المايك....
روان .. الو
سهام.. اهلين روان كيف حالك ،
روان.. تمام الحمدلله ، سامحيني روحت من غير مانقولك غير حسيت روحي تعبانه
سهام.. لالا عادي ولا يهمك ، بالله بنسالك
روان.. اه ؟
سهام.. مبكري فلجنان شن هدرزنا اني وياك ؟
روان.. هههههه خيرك نسيتي ؟
سهام.. سامحيني غير جيت نقولك حاجة ونسيت ، غير فكريني بس شن قتلك ؟
روان.. حكيتلي على نسمه وصهيب
وشبحت نسمه لصهيب وقتله ،، شفت !!
و قريب سجدت لربي قدامهم وشكراته لحد ماكملت روان كلامها
سهام.. اي شن حكينا ؟
روان.. قلتيلي انه التحاليل الي دارتها طلع عندها مشكلة ومش هاتقدر تجيب صغار
سهام..وشن تاني ؟ بالله عليك روان حلفتك بالله احكي كل شي بالتفصيل وتوا نقولك شن في
أنت تقرأ
رواية نِسمهه ✨ _ "كاملة" ❤
Romanceلما يكون مكتوب عليك تحبي من طرف واحد طول حياتك وانتي بنت....وانتي متزوجة ❤.. كيف هايكون شكل حياتك ❤ ... وهل طيبتك عيب و غباء ❤ ولا ربي هايطلعك من كل عقبة فحياتك زي مانتي ماشية بنيتك ❤ شن شعورك وانتي متزوجة حد بالغصب وتحبيه برضو بلغصب ❤ وهوا واخدك م...
