رواية نِسمهه ✨ _ "كاملة" ❤

39

             ~~~~~~~~~~~~~~~~

الحلقة التاسعة والثلآثون ❤🍃

           🌸《مـاقـبـل الأخيـــرة》 🌸

مهند.. متأكدة م الي بديريه نسمة ؟
نسمة.. ايي غير رد بالك بس تقول لحد اني جيت معاك لهني.. الي يكلمك قولهم رفعتها لحوش اماليها واني نفس الشي
مهند.. ماشي تمام ، نمشي ندرس تحت الشجرة  غادي ونلحقك
نسمة.. تمام ، صحيت هلبا سلم وخي ❤
مهند.. هههههه تي انتي الي صحيتي بتصلحي رفست المنجوهة اختي وترجعيها لخطيبها  وتقوليلي اني صحيت انزلي الله يربحك 😂
نسمة.. عارفينه قلبك طيب 😌 لما نشرينلك معناها انزل باهي ؟ هي سسلام

ونزلت للمطعم ،،

وقعدت تشوف ب عينها يمين ويسار ولقت واحد مقعمز ف تركينه بروحه وقالت اكيد هوا ،

نسمة.. احم ، السلام عليكم
محمود باستغراب.. وعليكم السلام ، تفضلي وخيتي
نسمة.. اني اسفة اول شي اني جيتك بالطريقة هيا.. اني نكون نسمة مرت صهيب ، خو سماح
محمود.. مرت صهيب ؟؟
نسمة.. اي عارفة انك كنت مستني مهند يجي بس اني الي طلبت منه يقولك هكي انه يبي يتكلم معاك باش اني نقدر نشوفك ونحكي معاك ..ومرة تانية  سامحني اني تدخلت بالشكل هوا

ومحمود زي الي نحط ف امر واقع ومكانش عنده خيار غير انه يسمعها..

خلي نفهمكم قبل نسمة اتفقت مع مهند انه يتصل ب محمود خطيب سماح ويقوله انه يبي يتلاقى معاه فلمكان هدا باش تقدر تتكلم معاه نسمة وتحاول تحل المشكلة الي بينه وبين سماح وطبعا مهند وافق بعد ماسمع القصة وعرف انه اخته فسخت ، و وافق انه يساعد نسمة ويرفعها ويكون معاها لانها مبتش تمشي بروحها ..

محمود.. تفضلي

نسمة.. شكرا ، وقعمزت ..وكانت متوترة وخايفة من نتيجة الي تدير فيه

~~~~~~~~~~~

روان... عفوا في حجز هني ب اسم ،،،، ولا خلاص خلاص شكرا ....هههههه والله وقعتي وماحد سمى

وخدتلها صورة وبعتتها لصهيب فايبر..وطلعت تجري قبل ما حد يشوفها
~~~~~~~~~~~~~~~

نسمة.. قبل كل شي اني معاي مهند بس هوا يدرس وجاي وراي مش جاياتك بروحي يعني
محمود.. ماشي تمام ، يجي ونحكو
نسمة.. اهوا جي

مهند.. اووو نسسيب ، شن الاخبار  !
محمود..والله ف نعمة شن حالك انت ..
مهند.. بخيير
محمود.. خير ؟ شن هوا الموضوع الي كنت حاب تحكي فيه معاي ؟
نسمة.. ايي ، بخصوص ... سماح
محمود.....
نسمة.. شوف خوي اني معاك ف انه سماح غلطت وغالطة من ساسها لراسها يخي  ، ومكانش المفروض تقول هكي
محمود.. تمام ؟
نسمة.. بس برضو رد فعلك ب انك تفسخ خطوبتك معاها كان مبالغ فيه شوية 💔
محمود.. شوفي وخيتي .. الي أوله شرط اخره نور .. حني لينا 4 سنين مخطوبين ويعلم الله اني حتى النوم منرقدش باش نحط القرش ع القرش ونكمل بيه الحوش .. وهيا تجي ب كل بساطة تتهمني اني ........ بالله خليني ساكت وخلاص
نسمة..والله معاك وعندك حق بس والله اني نعرف البنات كيف تفكر واي وحدة ف مكانها بتفكر هكي ،
محمود.. اي وحدة تفكر هكي ؟؟ تي مزال متجوزناش حتى وتشك فيا بالشكل هوا !!! مالا لما نتجوزو شن بيصير ؟؟؟ قلة الثقة من اولها هكي مش كويس
نسمة....