رواية نِسمهه ✨ _ "كاملة" ❤

9

رواية #نسمهه_9 ✨ كتابة : ميرا ياسر 🌸

الحلقة التاسعة ❤🍃

روان.. الف مبروك عليك حبيبتي الف مبرووك 💓💓

"وطبست علي ودنها.. مبروك عليك حبيبي ❤ اتهني بيه السنه هادي وعيشي احلى ايامك ،  لانه الجاية بيكون معاي اني ❤ وف حضني اني 💓

وناضت زغرطت بعلو صوتها وضحكتلها ومشت ،،

اما نسمة ف مقدرتش تشوف وجهها لانها كانت مغمية وحست بدوخة وبدت ترعش مع بعضها ،،

نسمة..  سيرين من هادي الي سلمت علينا توا !!
سيرين.. والله مانعرف ..مه زيني زيك منشوفش حتى اني 😑 اكيد وحدة من عيلتهم .. علاش شن قتلك ؟!
نسمة......
سيرين.. نسمة ؟؟
نسمة بصوت مبحوح وقريب تبكي .. نبي رانيا ، رانيا وين !؟
سيرين.. منعرفش.. فطوومة.. بالله شوفيلنا وين رانيا.. قولها نسمة تبيك

ونسمة تفكر ف شن الي مزال جايها القدام وخايفة تبكي حد يحس بيها 💔 ..

لين جت رانيا..

رانيا.. اي حبيبتي .. خيرك ؟
نسمة.. رانيا دخليني الداخل ..
رانيا.. وين الداخل هبلتي ! مزال بيجو يديرولكم السرير ،
نسمة بصوت بكي.. رانيا قتلك دخليني.. ساعديني نوض منشوفش...

ورنيا لما سمعت صوتها عرفت انها تبكي ف قامتها وساعدتها تخش الداخل وقالتلهم عندها هبوط توكلها حاجة وترجعها يكملو ....

نسمة.. رانيا منبيش نتجوز 💔💔 بالله عليك تصرفيلي ديريلي اي حاجة راني بنموت💔
رانيا.. ياروحي غير شن صارلك احكيلي!!
نسمة وهي تبكي.. جتني وحدة ، مشفتش شكلها لاكن سلمت عليا وقتلي مبروك عليك حبيبي ...و تهني بيه السنه هادي لانه الجاية بيكون معاي ودوة هكككي ... فوق ماهو الي مدايره فياا تطلعلي المخلوقة هادي وابصصر من هيا ياريتني حتى نعرف شككلها ... وبدت تبكي بالعبرة ورانيا تهدي فيها ...
رانيا.. ياروحي متفكريش هكي.. بالك هادي وحدة تبيه وكانت حاطة عينها عليك وناغرة منك لانه تجوزك ... خليك ايجابية ❤
نسمة.. رانياا انتي تضحكي علي روحك ولا تضحكي عليا !!!
رانيا...

وبعدها خشت هالة.....

هالة.. بنتي خيرك ! قالولي عندك هبوط بشن تحسي !؟؟
نسمة.. لالا ماما تمام ، كليت شكلاطة تحسنت
هالة.. باهي قادرة تنوضي تكملي ؟
نسمة.. اي اي ، 10 د و جاية
هالة.. ماشي هي ،، وطلعت وسكرت الباب وراها ..

رانيا ..غدوة امتى ماشيين المزين ؟
نسمة.. الصبح بكري .. مع ال9 .. اسمعي انتي بتباتي مدخلنيش بيك
رانيا.. هههههه اي ادللي

وطلعت نسمة وكملو باقي حفلتهم >>

وتاني يوم .... 💚

ناضو البنات نسمة وسيرين مع ال7 فتحو عيونهم وشبحو لبعض ،،

سيرين.. ههههه وااك قصدك اليوم بنتجوزو💔 ؟ اخر مرة نرقدو فيها مع بعض ؟ اخر مرة نوض نتصبح ب وجهك ؟ 💔
نسمة.. معاش بنوض نزن ع ماما تديرلي كريب 😢💔 ومعاش بنتعارك معاك ع حوايجي الي تاخدي فيها...
سيرين.. ههههه اي احسن حاجة تعرفي...بنفتك منك 🙄
نسمة... اي اصلا حتى اني
سيرين.. 😢😢
نسمة...😭😭😭😭😭