رواية نِسمهه ✨ _ "كاملة" ❤

20

الحلقة العشرين ❤🍃

سيرين.. صهيب ، ممكن نحكي معاك شوية ؟
صهيب.. اي تفضلي ، ان شاء الله خير
سيرين.. بخصوص نسمة ،،،،
صهيب.. خيرها نسمة ؟
سيرين.. نبي نعرف لو مفيش مانع ، هيا حكتلك ع سبب الي صار يومها ؟
صهيب.. اما يوم ؟
سيرين.. لما نحبست
صهيب .. لالا متكلمناش علموضوع ؟ علاش شن في
سيرين.. صهيب نسمة عندها مشكلة لازم تعرفها
صهيب...
نسمة... صهييب ، ترا اعطيني مفتاح السيارة نسيت شنطي فيها
سيرين.. خلاص بعدين نحكو ، امشي شوفها توا
صهيب.. تمام

ونزل يعطيها المفتاح ،،

تاني يوم >>

كانو يستعدو كلهم باش يرجعوا للحوش ،،

صهيب.. كملتي ؟
نسمة.. اي خلاص ، خليتلك حوايجك الي بتلبسهم بس ، خش بدل باش نحط الي لابسهم فالشنطة

وهما يتكلمو خبط الباب ،،

ومشت نسمة تفتح ،،

روان.. صباح الخير
نسمة "صبح يافتاح 😑 " .. صباح النور حبيبتي .. صهيييب ، روان جت😐... تفضلي
روان.. يزيد فضلك
صهيب.. شن تبي ؟
روان.. نسمة ممكن تخلينا بروحنا شوية
نسمة..ااه ،، ماشي ، اني نازلة لوطة كمل وضبحلي
صهيب.. ماشي

وطلعت نسمة وسكرت وراها الباب ،،

صهيب.. انتي مش هاترتاحي لين يشدونا صح ؟! شن جايبك هني !
روان.. جيت باش نراضيك 💜 .. نحبش حبيبي يقعد زعلان مني ،
صهيب.. ف من كنتي تكلمي الساعة 5 الفجر ؟!
روان.. ياصهيب قتلك صاحبتي كان عندها مشكلة ومضايقة وقعدت تفضفضلي ،،
صهيب .. هه ، مشيها ع احول
روان.. شن قصدك ؟ انك مش واتق فيا ! .. صهيب حني متربيين مع بعض !! معقولة تشك فيا !!!
صهيب .. روان ؛ هيا كلمة ورد غطاها ، انتي تحبيني اصلا ؟
روان.. تيي شن تقول انتا !! هبلت صارت لمخك حاجة ؟! وحق ربي كنت عارفة انه الي اسمها نسمة هاتلعبلك ف دماغك
صهيب.. مدخليش نسمة فلموضوع توا ،، اني نسال فيك انتي ،، انتي تحبيني ؟!
روان.. اكيد نحبك
صهيب.. والي يحب يتصرف زيك هكي ؟
روان.........
صهيب..ردي ؟!
روان.. حبيبي ، انت عندك حق واني اسفة ، عارفة روحي مقصرة معاك ،، وهانحاول نغير من نفسي علي خاطرك ❤
صهيب.. هانشوفو .. توا امشي قبل لاحد يجي ويشوفنا
روان.. باه مش هانسمع منك كليمه حلوة ؟ 🙄
صهيب.. لما نشوف التغيير الي بديريه ف روحك قبل ، بعدين نقولهالك
روان... 😒😒 اوك .. نحبك ❤ هي بااي ،،،

ونزلت

صهيب.. استغفر الله العظيم ، يارب الي قاعد ندير فيه هدا صح ولا غلط 💔 ارشدني للطريق الصح يارب ،،

وخش بدل حوايجه وبعد حوالي ساعة انطلقو بالسيارة ،،

نسمة.. خيرك ساكت ؟
صهيب.. شي
نسمة.. مش اتفقنا نكونو صحاب ؟ والصحاب يحكو لبعض كل شي ولا ؟
صهيب .. روان
نسمة.. شن قتلك ؟
صهيب.. علاش مقلتيليش انها كانت انتظار يومها ؟
نسمة .... ههه علاش انت تتفكر ف ليلتها ؟
صهيب.. نتفكر اي ، وصوت التليفون كان عالي وسمعت شن قتلك
نسمة....... مكنتش حابة انضايقك ، وانت حرارتك كانت عالية بكل مبيتش نزيدك
صهيب .. المهم ، قتلي كنت نكلم ف صاحبتي ، كانت تكلم ف صحبتها الفجر ، شن رايك انتي ؟! حاجة تتصدق هادي ؟
نسمة.. مشعارفة الحق
صهيب.. وقتلي توا نغير من نفسي ع خاطرك ودوة زي هيا
نسمة.. باهي مليح معناها هيا تحبك وتبي تحافظ عليك وعندها نية تتغير
صهيب.. مشعارف
نسمة.. حتى اني مشعارفة 🙂 .. به مدامك مش عارف علاش اتعب ف روحك معاها ،