الحلقة التاسعة ❤🍃
ثاني يوم >>>>
فاق صهيب من النوم الساعه 9 واول مافتح عيونه خش الدار ملقاش نسمه ....
وقعد يدور عليها ف باقي الديار متع الحوش ملقاهاش وبدي يقلق عليها ،
ونزل يجري لوطة ....
سماح.. خيرك شن في ؟
صهيب.. مشفتيش نسمه !
سماح .. اهي مقعمزة فلجنان ترسم ،
وتنهد براحة بعد ماقالتله هكي ، ... مقالتلش حاجة ؟
سماح.. لالا قعمزو معاها البنات شوية بس هيا ساكته متتكلمش وقالتلهم نبي نقعد بروحي ..
صهيب.. اوك توا نشوفها ...
ومشالها وين ماكانت مقعمزة لقاها مقعمزة ترسم ومش دارية ب ولا شي حوليها...
وجبد الكرسي وقعمز بجنبها ،،
صهيب.. صباح الخير حبيبتي ❤
نسمة.. منغير ماتقيم راسها ، صباح النور
صهيب.. شن ترسمي ؟
نسمة.. شي
صهيب.. فطرتي ؟
نسمة.. لا
صهيب.. نفطرو مع بعض ؟
نسمة.. مخاطريش
ويجو مرح وفرح من بعيد وفي ايدهم سفرة فطور كبيرة ،،،
صهيب.. ههههه شوفي وراك توا تغيري رايك
مرح.. قلنا نفطرو مع بعض ولا شن رايكم 😌
صهيب..وانتي مزال تستأذني حطي حطي 🌚
فرح.. هههههه هيا سماح شوية وتلحقنا ب براد الشاهي ،،
وحطو الاكل علطاولة وحاولو بجميع الطرق يغيرو لنسمة جوها بس هيا لاحياة لمن تنادي ،، وماكلتش ولا حاجة شربت شاهي بس
وفلاخر شبحو لصهيب بنظرات احباط وخيبة امل لانهم مقدروش يديرولها شي 💔
وخشو مرح وفرح باش يقيمو السفرة ..
مرح.. يامينتي البنت تقطع القلب 😭
فرح.. عندها حق مش ساهله بكل والله 💔 .. معقولة مفيش علاج ؟؟
وهني خشت سهام وسمعت اخر كلمتين عرفت انهم عرفو بلموضوع ...
سهام.. في عملية لو دارتها احتمال ربي يسخرلها الحال بس فيها نسبة خطر كبيرة على حياتها ......
ومرح وفرح تلكمسو وشبحو لبعض بصدمه...
سهام.. متخافوش نعرف بلموضوع ، لانها دارت التحاليل فلعيادة عندنا وماقلت لحد غير صهيب وشكله هوا قالها باش وصلت للحاله الي هيا فيها 💔 مقدرتش نقولها لان حتى اني ام وفاهمه وجعها
مرح.. يعني انتي تعرفي
سهام.. قالتلكم هيا ؟..
فرح.. اي عرفنا
وهني خشت سمية وكلهم سكتو فجأة ...
سهام.. صباح الخير اللاي
سمية.. صباح النور امتى نضتو ؟
سهام.. والله اني مبكري شوية كيف ماشية العيادة توا
سمية.. اها
أنت تقرأ
رواية نِسمهه ✨ _ "كاملة" ❤
Romanceلما يكون مكتوب عليك تحبي من طرف واحد طول حياتك وانتي بنت....وانتي متزوجة ❤.. كيف هايكون شكل حياتك ❤ ... وهل طيبتك عيب و غباء ❤ ولا ربي هايطلعك من كل عقبة فحياتك زي مانتي ماشية بنيتك ❤ شن شعورك وانتي متزوجة حد بالغصب وتحبيه برضو بلغصب ❤ وهوا واخدك م...
