رواية نِسمهه ✨ _ "كاملة" ❤

12

رواية #نسمهه_12✨ كتابة : ميرا ياسر 🌸

الحلقة الثانية عشر ❤🍃

سهام.. توا انتي بكل غباء خليتيهم لوطة وجايتيني هني ؟ كيف بتخشي لراس سمية وتخليها تقتنع بيك !
روان.. باهي شن ندير نوقف ونطيب معاهم هدا الي تبيه ! متشوفيش كيف يعاملو فيا حتى الفرخات الجدد هما..
سهام.. توا اسمعيني شن بتديري .. بتنزلي وتدوري كيف تخلقي لنسمة مشكلة
روان.. كيف ؟؟
سهام.. توا نقولك ،،،  بس بعد  هادي بتقنعي صهيب انكم تقولو لنسمة ع موضوع علاقتكم بش تعرف تلزم حدودها معاه ؛؛ وانتي تصاحبي عليها وتوا نقولك الباقي .. بس شوفي شن بديري توا ..

وقعدت سهام تحكي لروان شن تدير ، ومش ح نقولكم شن قتلها 😛 توا تعرفو بروحكم احسن 😌

وكملو دوتهم ونزلت سهام مع روان للمطبخ لوطة...

سهام.. اهليين صبايا.. عرايسنا شن حالكم اليوم !
سيرين ونسمة.. بخير الحمدلله😄

مرح.. هادم شن نزلهم توا 😑😑
فرح.. قلبي مش مطمن 😐

روان.. نساعدكم ف حاجة ؟
البنات ...😳😳😳😳😳😳

مرح.. 😂😂😂😂😂😂 اششهد ياتاريييخ اششهد
فرح.. هل اشرقت الشمس من مغربها ؟ 🤔
روان.. قردات خزي 😒 جيت بنساعدكم ونهدرز معاكم ماقصدي شي

نسمة.. هههههههه خيركم خلوها البنت نيتها خير .. تعالي حبيبتي قرضيلي هما باش نديرو سلاطة مشوية
روان.. اوكين 😍😘

سهام.. خية سلمهم 🙄 .. هي خ نمشي نشوف اللاي ونجي نساعدكم حتى اني ..

سماح.. نسمة وسيرين خشيتو الحوش وقد بدأت تحدث العجائب 😳💔
سيرين..😅😅💔

وقعدت روان تساعد فلبنات وهما يهدرزو ونسمة ساكته ،،

روان.. كملت ،، هاكا ،،
نسمة.. سلم يدياتك ❤
روان.. سلمك ☺ كيف حالك انتي وصهيب ؟

وفجأة تلفتولها البنات كلهم وقعدو يشبحولها ومصدومات ،،

نسمة.. صهيب ؟ .. كويس .. الحمدلله ...

فرح لسماح بصوت واطي.. اسمعي البنت هيا مش ناوية ع خير .. عليك وقاحححة 💔
سماح.. قولتك نحكو لنسمة الموضوع ؟
مرح.. مشعارفة 💔 مش مطمنة لتهديرزها هوا اني
سماح.. ولا !
فرح.. اي حتى اني 💔

ونسمة تهدرز مع روان والبنات ...

اما نسمة ف كانت تفكر انه هيا وصهيب يحبو بعض .. و مدامه هوا يبيها وهيا تبيه هيا مش هاتوقف ف طريق حبهم 💔 ومش هاتكلم صهيب علموضوع لان عالحالتين هايطلقها...

نسمة..  لو سمحتي ممكن تمديلي الزيت من بحداك ،،
روان.. اي ولوو ❤❤

وخدت نسمة الزيت وصباته ف الطنجرة وسكراته وحطاته عالرخامة