خطايا وغفران || باللهجة العراقية

"هُشام أفندي" Chpt 17

*غلسوا عالأخطاء الإملائية
*عنوان البارت متعوب عليه😂

#خطايا_وغفران
#للكاتبة_زهراء_شلتاغة

وشافوا هُشام گاعد يم بنية لابسة بنطرون أسود ضيق وقميص مخطط جلد النمر وشعرها أشگر ومهدول .

لطمت داليا على خدها من شافت هالمنظر وباوعت لأمجد إلي نظرات الأسى واضحة عليه ، لحظات بقوا بالمكان وبعدين شافت أمجد عاف المكان ورادت تلحگة ووقبل ميرحون لمحت داليا سروة وهي تمسك بإيد هُشام .

إلتقوا خلف شجرة وداليا چانت فاكة حلگها ، صاحت بأمجد بإستغراب ؛

_ولك سودة بعباتي هذا طلع مگبل وسرسري ويتحاضن وية البنات وشهد المگرودة كاتلة روحها عليه عبالها زلمة وماعنده هالحركات عزة .

لطم أمجد على گصته وصاح بيها ؛
_تكبليش هذا ولچ طلعتي الرجال من المنهولة شنو القضية ؟ چان قصدي شوفي هالبنية شگد لاطشة بي وداقتني دق .

_ها يعني هو ماعندة علاقة هيَ تطاردة مو ؟ .

_لايمعودة وينه وين العلاقات ومشاكل عائلته مدمرات نفسيته وينه وين هالسوالف بس چان قصدي على هاي المدري من وين طلعت .

_ليش شبيها عائلتة ؟ سمعت أمه زعلانة من أبوه وأخوه يمشي بدروب عوجة .

رد عليها أمجد بحسرة ؛
_هيَ عالزعل وعالدروب؟ لو على ذني الشغلتين چان السالفة نحلت من زمان بس الوضعية صايرة فيطي وصاير حتى ماله خلگ يحچيلي .

_أوف ياربي الله يحلها إلها بس كون مايعوف شوشو ترة تموت من وراه بس هاي سروة سروة أوف منها إلا أطلع ماضيها من جوة الگاع وأبعدها عن حبيب شوشة .

_أگُلها الرجال عايش بتعاسة هاي حايرتلي بسروة المدري من وين طلعت ودتزيد الطين بله .

_لايمعود لازم ناخذ إحتياطاتنة ترة هالبنية موراحة ومن لوفة ظهرها وملابسها وحركاتها أحسها سز وإذا قربت من هُشام أفگس عيونها كُل شي يهون لعيون شهود .

_عود ياريت تهتمين بيه هيچ مثل ماتهتمين بشوش وهشوم .

برطمت داليا حلگها ودارت وجهه وگالت ؛
_عود من أستفاد منك وتخطبني وقتها أفكر أديرلك بال .

_لاحول الله هم جابت طاري الخطبة .. يمعودة الله وياچ بعدين عود نسولف بهالمواضيع .

إبتسمت داليا وضحك أمجد عليها ، دزلها بوسة بالهوة وكُل من راح لدربة .