خطايا وغفران || باللهجة العراقية

اشياء مهمه واهداء🥺💚

لا لا ميصير نفسي متنطيني أنهي الرواية هيج وأروح بدون توضيح وإهداء و...

باعوا

بداية حبيت أبتدي بهالرواية لأن هواي ناس وكاتبات حجوا عن الأخطاء والذنوب والحمد لله لكن انا والعياذ بالله من أنا أختاريت هاي الأحداث بالذات رغم حزنها الي أكل بيه كبل مياكل بيكم ويدمركم لأسباب هواي .

خلي اسولفلكم .
أنتوا كقراء جذبتكم العاطفة على احداث الرواية لكن منطقيا الكل جان مظلوم حتى رنا ..

بداية من نور الي انظلمت بحياتها وماشافت الراحة إلا بين احضان خالد الي داراها وسولف وياها واعتنى بيها عكس امه الي ظلمتها وهملتها ومادارتها الشي الي خلى نور تبني آمالها وكل تطلعاتها على خالد وكون مشاعر منها اله

الى خالد الي انظلم وهو اصلاً ممسوي شي من ابتعد عن امه وعاش ويه ناس ذلوه وطبعا اني مابينت معاناته بينت القليل منها ترة

حتى نظلم بحبه لرنا وماحصلهتا ولاهي حصلته

بسبب هالشي نظلموا خالد ونور وية بعض من عاشو سوة واقترفوا اكبر جريمة باستمرارهم بالعيش وانجاب الاطفال بس الطلاق هل جان حل الهم ؟ لا ابد

سؤال ؛
اذا اتطلقت نور مرجعها المن ؟ مو لعمتها ووية ابنها خالد ؟ يعني شنو الي راح يتغير بحياتها اذا تطلقت منه وهي راح تعيش وياه سواء هيج او هيج ؟

اضافة بذاك الوكت ماكو مرة تطلك ونور مالها حجه قويه بالطلاق
واذا رجلها حب شنو يعني ؟ ماارتكب جريمة وهو اتزوج وخلص ومايعيبه شي(تفكير قبل)

مااعرف شلون اوصلكم الفكرة بس الدوامة دارت عليهم وخطأ انبى على خطأ والاساس الي ينبنى على غلط اول وتالي ينتهي

بس السؤال هنا منو المذنب ؟ منو الي لازم يغفر لمنو ؟
الكل مظلوم ونظلم بشكل وتوالت سلسلة الأحداث ... الكل ارتكب اغلاط بحق الكل حتى حب رنا وخالد جان خطيئة وغلطة .. وجود نور وخالد وعلاقتهم هم خطيئة .

الي اريد أوصلة الكم هو اختياري لهالقصة بسبب المحاور العديدة الي بيها ووجهات النظر .. اضافة لانها قصة انسانة كانت بيوم صديقتي وحبيت اذكر معاناتها وتدعولها بالرحمة والغفران وصدقا ماتوقعت هالتعاطف الجبير وياها وحركة كلبكم عليها هيج .. يمكن لان نصجن عانن مثلها وعاشن تقريبا نفس عيشتها .

اسم الرواية الاحب على قلبي من بين كل رواية ممكن اكتبها مستقبلاً .

جنت بالبداية حايرة شختار اسم ؟ ومااريد اسم مكرر مثل الخطيئة وخطيئتي وذنبي و.. شكد اقترحوا علي اسماء بس ماحبيت ولاشفت وحدة منهن تمثلهن ، فد يوم صفيت وية بالي وبقيت افكر بالاحداث نفسهن(افكر وابجي بسبب الاحداث طبعا) خطر على بالي انو اكو اخطاء وكل منهم ارتكب خطا لكن الاخطاء ممكن تنغفر لو لا ؟