خطايا وغفران || باللهجة العراقية

"مصيرٌ مجهول" Chpt 35

#خطايا_وغفران
#للكاتبة_زهراء_شلتاغة

مالمح إلا نفسه مرفوعة عن الأرض على أكتاف أشخاص مجهولين وآخر شي شافة سيارة سودة يسحبوها إله وبعدها غطو راسة بشي حجبة عن الإبصار .

حاول يفلت منهم بس چانوا مقيدي بشدة لدرجة إحساسة بكون أغلال مقيدته مو أيادي بشر ، فجأة حس نفسه أنرگع على مقعد أو كرسي وكبلو إيديه ورجليه بقيود حديديةً .

لايگدر يتحرك ولايصيح بس چان يسمع أصوات همس مال رجال من بينهم صوت يهدد ويتوعد لشي معين بس ماگدر يفرزن الكلام بس هذا إلي حس بي من نبرة الأصوات .. ورة لحظات معدودة حس بالگاع المشمورة عليها بدت تتحرك وسمع صوت أشبه بمحرك السيارة ، چان گلبه مرتعد وخايف من المجهول ويجهل إلي يصير حوله .

ورة مرور عدة دقايق حس بالسيارة توقفت .

رجع يحس بأيادي بدت تشيلة وتسحبة وهالمرة حتى إيديه ورجليه كبلوهن ومحاولة الهروب من هالمصير المجهول بدت تبوء بالفشل الذريع ومع ذلك حاول قدر الإمكان ينهزم منهم وحرك الأجزاء الباقية المامكبلة من جسمه بس إديهم عبالك حديد مو إدين بشر .

حس بنفسة مرفوع على أكتاف أشخاص ويتمشون بي ، اللحظات المعدودة إلي شايلي بيها حس بيهن بوقوف الوقت عن الإستمرار وهو عاجز عن الهرب .

فجأة حس نفسه إرگع عالگاع من جهة جسمة الأيسر وتركيز الصدمة چان على ذراعة الأيسر ، چان يحس بالألم وشعر برحمة الله بدت تنزل عليه .

چان بعده على محاولتة للهروب بس أجو مرة ثانية وشالوه وگعدوه على كرسي ، ربطوا إيديه بيدات الكُرسي ورجليه بأطرافها وربطوه من صدره عالكُرسي ، قيدوه من كُل الجهات .

إجه رجال چبير من بعد ذولة الزلم ، چان أكبر منهم بالعمر وشعره الأسود ممزوج بخصلات الشيب وطويل القامة يتخلل طولة كرش صغير طالع كِدام عن قامتة المنسقة ، چانت عيونه تتطاير منها شرار الغضب والحقد ، چان يمشي ويلبس قبضة إيده هاي الحديدة إلي يحطوها بين الأصابع حتى تنطي بوكسيات خرافية ما أعرف إسمها ☻💔 .

تقذم ناحية زين المربوط والمكبل ، رفع الكيس إلي چانو مغطين راسه بي وبسرعة إنطاه بوكس على وجهه إلتاف بي للجهة الثانية وبدأ ينزف من حلگة وهو ماشافة .

لزمة من أسفل وجهه بحدة وشد عليه ودار وجهه عليه ، چان ينزف ويحاول يستوعب إلي صار ويرمق الرجال بنظرات مُبهمة .. مضمض زين حلگة إلي ينزف وبصق الدم بوجهه وإلتصق على خده .

صك على أسنانة بحدة ولزمه ضربه بوكس ثاني ضعف قوة الأول ، چان يضربة بكُل حرگة گلب ووجع منه ، لزمة من شعر راسه ووجه وجهه إله وصاح بي ؛