خطايا وغفران || باللهجة العراقية

"البيت القديم الجزء الأول" Chpt 19

*لم يتم تصحيح الأخطاء الإملائية

#خطايا_وغفران
#للكاتبة_زهراء_شلتاغة

شالت شَميم الصينية وصعدت فوگ وفتحت باب الطابق الثاني إلي يأدي لبيت باسم وفجأة لمحت حُسام گدامها أول مافتحت الباب .

نصدموا الطرفين من واحد صار بوجه الثاني وتوسعت عيونهم ، حُسام فز وحط إيده على گلبة وگال ؛

_أعوذُ باللهِ من الخبثُ والخبائث .

صكت شميم على أسنانها بحدة ورادت تصمطة راشدي بس الصينية عاقتها وبدت تهتز بيدها وصاحت عليه بحده ؛
_عليمن هاي أدبسزز سربوت ! .

إبتسم حُسام بمكر ورد عليها ؛
_يعني شنو ميصير الواحد يتعوذ من الشيطان من ينصدم لو يصير موقف شطلعت هاي وين عايش آني وية كُفار قريش .

ردت عليه شَميم بحدة وهيَ تحاول تسيطر على غضبها ومتوگع الريوگ إلي بالگوة سوتة ؛
_إنچب ودوالغك هاي بطلهن ماتعبرهن عليه بس تعال .. شعندك صاعد هنا ؟ .

رد عليها حُسام بسرعة بلا تردد ؛
_ردت أسبح وماكو ماي جوة فصعدت هنا لگيت ماي بحمامهم وسبحت .

رمقته شَميم بنظرة شك ورفعت حاجبها وردت عليه بحدة ؛
_ولك إنتِ ششايفني گدامك عبالك آني زوج وأتقشمر بهالسوالف ؟ .

رفع حُسام إيديه لفوگ وگاللها ؛
_هاچ إشتمي إباطاتي وشوفيني صداگ لو چذاب .

ماگدرت شَميم تستحمل تصرفاته المستفزة ورادت تذب الصينية وتشيل النعال بس باغتها ودفعها ونرجت الصينية ونچب شوي من الحليب وهو يضحك ويشرد للغرفة .

عدلت شَميم الصينية وصاحت بي ؛
_ولك إوگفلي بس أخلص من نبأ لطم وأجيك آني إلك .

عدلت غراض الصينية وشالت الخبزة إلي طاحت عالگاع وراحت للغرفة ، دخلت بيها لگت نبأ نايمة ومغطية حتى وجهها بالبطانية ، راحت عليها حطت الصينية عالكومدي وگعدت على طرف الچرباية وشالت البطانية سحبتها بقوة منها ، چانت نبأ تعبانة وگوة مغمضة عيونها وخشمها محمر .

كُفختها على راسها وصاحت بيها ؛
_گومي لچ گومي كافي نوم راح يصير جرب من گد النوم هالأيام گومي .

چانت نبأ تمتم بكلمات غير مفهومة وتحوص بالفراش ، شعرها الأسود مبعثر على وجهها وشفاهها مزرقة تعبانة ، حطت إيدها على وجهها وتهمس لعمتها ؛

_ما أريد عمة تعبانة .

كفختها شَميم على راسها وصاحت ؛
_عمة العماچ گومي يلا زقنبي لايجي أبوچ ويشوفچ بلا ريوگ وأطلع موزينة گومي يلا .