نجلاء كانت مافيشه .. و رباب بتقعد في غرفتها ..لقيت ريم بس في الصاله و حمودي ولدها قاعد يلعب قعدتا معاها اتونسنا شويه.. ريم من النوع البتحبا من اول يوم.. مسكينه و طيبانه شديد...
المسااء عمي الياس كان قاعد في النجيله بتكلم بالتلفون انا شفتو من شباك غرفتي.. نزلتا مشيت ليهو لمن قربتا عليهو و شافني قفل التلفون..
قلتا:( عمي ممكن اتكلم معاك شويه?)
الياس:( طبعا ي ريناد اتفضلي)
قعدتا..
قلتا:( عمي انت ليه عرستا لينا انا و علي?)
الياس استغرب من سؤالي..
الياس:( كيف يعني? انا عايزك وسطنا هنا.. م دايرك تقعدي براك انتي بت اخوي يعني لحم و دم)
قلتا:( بس انا م مرتاحه مع علي.. و لا هو كمان)
الياس:(معليس انتو لسه م اتعودتو علي بعض.. مع الايام حتتعودو علي بعض و حتتقبلو بعض)
قلت:( م اظن..انا م مرتاحه هنا)
الياس:( انتي يدوب ليك يومين..ادي نفسك فرصه شويه)
قلتا:(لحدي متين?)
الياس:(ريناد خلي عندك صبر شويه...انتي و علي عرستو و خلاص...و مع الايام حتتعودو علي بعض.. شيلي من راسك انو م مرتاحين و م طايقين بعض دي...انتو لبعض و خلاص)
قلتا:( ي عمي)
الياس بحسم:( ريناد الموضوع ده منتهي)
سكتا شويه و قمتا مشيت بزعل.. لو رجعتا شقتي بدون م يرضو حاعمل لنفسي مشاكل تاني.. نجلا۽ شايله صينيه شاي و ماشه علي الياس شافتني ماشه علي البيت جوه.... نجلا۽ وصلت ختت الصينيه..
نجلا۽:(مالا ريناد?)
الياس:(م مرتاحه مع علي)
نجلا۽:(هم لحقو)
الياس:(انتي عارفه علي خاتي البت ديك في راسو لسه)
نجلا۽:(انا وريتك خلي ريناد.. م تجبرهم علي بعض بس انت م بتسمع الكلام)
الياس:(والله لو ب يدي بخليهم.. بس م بيدي)
نجلا۽:(شنو الجابرك وريني?)
الياس:( والله م عارف انا ذاتي.. بس الاوامر كده)
نجلا۽:(اوامر من منو?)
الياس:( ذي م قلت ليك ناس كبار.. كبار شديد)
نجلا۽:( ياهو ده كلامك كل م اسالك من الموضوع ده)
الياس:(م تسالي خلي كده.. لمن اعرف انا كمان بوريك)
قاعده ريم في غرفتها و حمودي ولدها نايم جمبها.. امجد جا داخل..
امجد:(مساء الخير)
ريم:(مساء النور)
امجد ختي تلفونو و مفتاحو في الطربيزه و فتح دولابو يشيل غيار...
ريم:( انت لسه زعلان مني?)
امجد سكت م ردا..
ريم:( امجد ممكن نتفاهم)
امجد:( ريم...انا جاي تعبان و داير ارتاح لو سمحتي)
ريم بزعل:( لكن ي امجد م ممكن نقعد كده? في اقل شي انت تزعل و تعمل موضوع و م تتكلم معاي بالايام)
امجد:(انتي غلطانه اتحملي نتيجه غلطك)
ريم:( انا م غلطانه.. انت م بتعرف يعني شنو ظروف حصلت? فيها شنو يعني لو اتاخرتا بعد الزمن القلتو لي ساعه ذياده)
امجد:( فيها انو انا قلت ليك الساعه9 تكوني في البيت و انتي جيتي 10 و حاجه)
ريم:( ي امجد البت كانت براها و جو ضيوف و اختها طلعت اضطريت اعمل ليهم عصير و شاي لانها هي ممنوعه في الحركه.. و دي صحبتي و انتي عارفها كويس.. و لمن ولدتا حمودي جات قعدت معاي هنا بالايام)
امجد:( عشان قعدت معاك بالايام تتاخري عندها)
ريم:( ي امجد انت ليه محسسني اني جيت داخله البيت2 صباحا.. انا جيت 10 و حاجه)
امجد بزهج:( ريم خلاص الموضوع ده انتهي...ممكن تحضري لي حاجه اكلها وله اطلع اعمل اكل براي?)
ريم:( حاضر)
و طلعت بزعل... مشت حضرت ليهو الاكل و عندنا فوق جمب الغرف طربيزه صفره صغيره ختت ليهو فيها الاكل و مشت تناديهو لقتو بصلي.. لمن خلص طلع ياكل...و هي رقدت في مكانها...
