كل شويه بعاين ل علي...و تفكيري فيهو م قدرتا ابعدو من تفكيري ابدا... ناس خالتو سعاد جو ماشين وصلناهم كلنا لحدي الشارع.. نجلاء و سعاد وقفو بعيد مننا شويه بتكلمو..
نجلاء:(و الله ي سعاد انا شايفه انو ناجل العرس شويه لمن تتعالجي)
سعاد:( لالا.. العلاج حيطول...م دايره إآجل ليهم العرس سااي.. اسي انا كويسه...دايره افرح بيهم.. عليك الله ي نجلاء اسمعي كلامي...ابدي جهزي ل رباب.. امشو السوق اشترو الحاجات عشان تتحبس)
نجلاء:(طيب...م تشيلي هم كلو بتسهل)
سعاد:(ان شاءالله...م دايره اوصيك ي نجلاء م تجيبي سيره لاي زول)
نجلاء:( حاضر اتطمني)
سعاد:(يومين و حنجيب ليكم سد المال.. حاكلمكم عشان تعزمو ناسكم)
نجلاء:(ان شاءالله)
ناس عمي احمد مشو و احنا دخلنا.. قعدتا مع ريم في الصاله بنتكلم و علي شال إياد و طلع غرفتو... بعد شويه حضرتا ل إياد البزازه حقتو و قلت اطلعها ليهو عن ابوهو... طلعتا م دقيت الباب دخلتا طوالي...لقيت علي نايم و حاضن إياد.. منظرهم كان حلو شديد.. وقفتا بقيت بعاين ليهم مساافه... تاني مشيت اخت البزازه في الطربيزه جمب علي عشان لو إياد صحي يديها ليهو.. علي صحي بي..
قلتا:( معليش...بس ده الحليب حق إياد)
علي:(طيب)
طلعتا مشيت غرفتي بحاول انوم.. بس صوره علي م دايره تمشي من راسي..و تفكيري فيهو... شويه نمتا...صحيت ب دق باب غرفتي.. صحيت مخلوعه قلتا:( منو?)
جاني صوت علي:( انا علي)
قمتا فتحتا الباب..لقيت علي شايل إياد..
علي:( إياد مسخن شديد)
مديت يدي لمستا جبهتو لقيتها مسخنه شديد..
قلتا:( مسخن شديد)
علي بقلق:( ااي نوديهو الدكتور? )
قلتا:( اي دقيقه البس لي توب)
لبستا توب سرعه و طلعنا انا و علي.. في السكه انا شايله إياد و هو ببكي... اتذكرتا لمن حميتو و المروحه و المكيف كانو شغالين.. زعلتا من نفسي شديد... مشينا الدكتور فحصو و ادانا حبوب و دواء...علي كان مقلق شديد...بخاف علي إياد شديد... لمن خلصنا و راجعين في السكه..
علي:( انتي خليتي إياد ده مبلول او حميتيهو ب مويا بارده وله حاجه?)
قلتا بتانيب ضمير:( قبيل لمن حميتو و دخلتا الغرفه .. المكيف كان شغال...شكلو اخد برد من كده)
علي داس فرامل بسرعه لمن اتخلعتا و كوركتا.. وقف العربيه و قبل علي...
علي كورك شديد:(انتي مجنونه? كيف تطلعي من الحمام للمكيف? انتي قنعانه منو? لو م خايفه عليهو انا خايف عليهو...لو م ولدك ده ولدي انا...و انتي واصيه عليهو بس...مربيه بس.. بس للاسف انتي م قدر الوصيه ولا التربيه...و انتي م خايفه عليهو ولا بهمك عياهو تاني اوعي تهبشي ولدي ده...فاهمه...من الليله م عندك وصيه عليهو...انا من بكرا بجيب لي وحده فلبينيه تمسكو لي احسن منك)
و دور العربيه و مشي بسرعه... انا كنت مخلوعه شديد و بقيت ببكي...اصلو م عبرني... وصلنا البيت قرش العربيه و نزل شال مني إياد و مشي بيهو علي جوه بسرعه.. دخلتا وراهم لقيتو طلع بيهو غرفتو ..دخلتا غرفتي و قفلتا الباب و قعدتا ابكي...
كلام علي زعلني شديد...و انو يحرمني من إياد دي مصيبه .. كيف اقعد بدون إياد...كيف م اربيهو انا? ..كيف يحرمني منو... م قدرتا انوم تاني...قعدتا صاحيه للصباح..
