قاعده في الصاله ماسكه إياد بديهو حليب...و معاي سلمي..
سلمي:( ريناد.. ياسر زعلان و كل يوم بضرب لي بقول لي اتكلم معاك)
قلتا:(ي سلمي اعمل شنو لكن? اخلي إياد ده لمنو?)
سلمي:( ابوهو قاعد ي ريناد)
قلتا:(م بقدر.. ده إمانه عندي)
سلمي:( يعني حتقعدي كده? هو م جايب خبرك ولا عايزك و انتي مضيعه شبابك و ماسكه ليهو ولدو?)
قلتا:( علي ده انا م شغاله بيهو ولا معبراهو ولا دايراهو اصلا.. بس إياد ده روحي.. انا م بقدر اسيبو م بقدر والله)
سلمي:(لكن ي ريناد كده بتضيعي عمرك ساي)
قلتا:( بتتسهل.. اصبري بس)
سلمي:( كيف بس? و ياسر ده اقول ليهو شنو?)
قلتا:(قولي ليهو م تستناني...انا م بقدر اعرسو اسي و م عارفه لقدام حاقدر وله لا)
سلمي بزعل:( والله انتي م جاده)
قلتا:( سلمي عليك الله اقفلي الموضوع ده خلاص...وريتك العندي)
سلمي:( انا مالي..براحتك.. يلا انا ماشه)
و قامت و شالت شنطتها...
قلتا:(اقعدي ياخ بطلي ثقاله)
سلمي:(لا والله من الصباح لافه تعبانه ماشه انوم) قمتا وصلتها لحدي الباب..
سلمي:(فكري عليك الله)
قلتا:(سلمي خلاص)
سلمي:( راحتك...يلا باي)
و سلمت علي و مشت.. لحظه مشت جا علي داخل بالعربيه مشيت علي البيت جوه.. علي وقف عربيتو و جا وراي..
علي بزهج:( ريناد... طلعتي الولد ده وين?)
قبلتا عاينتا ليهو باستغراب:( نعم?)
علي:( مطلعه إياد في الشمس دي ليه?)
قلتا:(انا مغطياهو و الشمس م حاره اصلا و بس طلعنا وصلتا سلمي خطوتين)
علي شالو مني بسرعه:( اسمعي هنا م عشان م ولدك تبهدليهو لي )
اتخلعتا من كلامو..
قلتا بزعل:(انا ببهدلو? )
علي شالو و دخل بيهو جوه سرعه بدون م يرد علي .. زعلتا شديد قلتا اصلو م بخليهو ...طوالي دخلتا وراهو لقيتو طلع فوق علي غرفتو مشيت وراهو دخلتا لقيتو شايل إياد و قاعد في السرير..
قلتا و انا ببكي:( اسمع هنا ي علي.. انا اتحملتك كتير و اتحملتا كلامك البايخ و تصرفاتك البايخه كتير و انا معتبره إياد ده ولدي.. ولدي انا...و عمري م حسيتو م ولدي.. الام م بس البتولد... الام البتربي كمان و انا خليت حياتي و شغلي و ااي شي بخصني و بقيت قاعده قصاد إياد بس و م بخلي وراي ثانيه وحده.. و انا مبسوطه ب كده... انت لو م واثق فيني تبقي مشكلتك انت م مشكلتي انا... و انا قدر الامانه الخلتها معاي لينه و لاخر نفس فيني حاحافظ عليها)
و طلعتا سرعه و انا ببكي لاقيت خالتو نجلاء قدامي..
نجلاء:( ريناد مالك?)
م رديت مشيت غرفتي و قفلتا الباب...نجلاء قلقت جات بوراي داخله لقتني قاعده في السرير و ببكي قعدت جمبي...
نجلاء:( ريري.. مالك ي بت?)
مسحتا دموعي قلتا:( ماف شي ي خالتو)
نجلاء:( لا في...قولي مالك احكي لي...بطلي بكي يلا و اهدي و احكي لي)
علي في غرفتو بقي ماسك إياد بس سرحان و بفكر في كلامي...
حكيت ل نجلاء ب كلام علي معاي و تصرفاتو من يوم وفاه لينه...
نجلاء:( علي غلطان انتي م مقصره في إياد...بتعامليهو ذي امو و اكتر....بس اعزريهو هو من وفاه لينه بقي م طبيعي حتي معانا لا بقعد لا بتونس...معليش اتحمليهو شويه...و حيرجع كويس بس محتاج وقت...طيب?)
نجلاء هدتني شويه و طلعت مشت ل علي.. فتحت الباب لقت علي بنوم في إياد...قعدت في السرير جمبو...
نجلاء:( إياد نام?)
علي:( ااي بدا ينوم)
نجلاء:( اديتو حليب?)
علي:(لالا شكلو شبعان)
نجلاء:( لازم يكون شبعان مش ربناد هي المهتميه بيهو.. علي حرام عليك م تشاكل بت عمك...ريناد دي شايله إياد في عيونها و رضت ترجع تقعد هنا معانا بس عشان خاطر إياد... والله م بتقصر فيهو لا بتخلي براهو لا بتزهج لا بتمل...والله لو امو م بتتعامل معاهو كده.. انا قاعده معاها و شايفاها لو مقصره بوريك... امشي اعتذر ليها و م تزعلها ساي...حرام عليك هي خلت شغلها و حياتها كلها و بقت بس مقاصده إياد.. الزعل الجواك هي م ليها دعوه بيهو ..م تظلمها ساي و لو انت م عايزها تبقي مرتك برضو هي م ذنبها شي.. هي مجبوره عليك و علي القعاد هنا...امشي اعتذر ليها)
نجلاء طلعت مشت...
