سوزان فكتني بعد مسافه و هي قعدت جمبي تمسح في دموعها ..
فؤاد:(اهدي ي سوزان.. خلاص اهو بتك جمبك و تاني م حتبعد منك)
امل:(حمدلله علي سلامتها ي جماعه...يلا انا لازم امشي)
و وقفت..
علي:( شكرا ليك ي دكتوره)
امل:(علي شنو ده واجبي)
فؤاد:(نازل معاك ي دكتوره.. يلا ي جماعه.. بعدين وصل سوزان بيتها ي علي)
علي:(ان شا۽الله ي باشا)
انا كنت لسه مصدومه و م قادره اوعي بالحاصل... علي وصل امل و الباشا لحدي الباب و جا راجع...
امل و الباشا و هم نازلين في السلم..
فؤاد:(شكرا ليك ي دكتوره تعبناك معانا)
امل:(العفو ي باشا)
فؤاد:(سوزان اصرت تلاقيك.. عشان تثبت ل بتها انو انا الحرمتها منها )
امل:(ربنا يهدي النفوس ي رب)
الوقت داك وقفو قدام العربيه... فؤاد اشر ل واحد من الحرس.. جاب ليهو ظرف مداهو ل دكتوره امل..
امل:(معقوله ي باشا)
فؤاد:(دي حاجه بسيطه لتعبك معانا )
امل شالت الظرف و ابتسمت:(شكرا ليك ي باشا...انا في الخدمه في اي وقت)
فؤاد:(ان شا۽الله لو احتجت ليك بتصل عليك)
امل:(ان شا۽الله.. يلا مع السلامه)
و مشت علي عربيتها ..فؤاد ركب و مشي..
قعدنا انا و علي و سوزان علي الصفره ناكل... بس اصرار علي علينا انو ناكل.. انا اكلت لقمتين بس...سوزان اكلت شويه... بعد الاكل عملت شاي و جيت قعدتا ساكته...علي و سوزان كانو بتكلمو في مواضيع عامه...
علي:(انتي م عندك عيال ي سوزان?)
سوزان:( م ولدتا تاني)
علي:(اتزوجتي?)
سوزان:( اتزوجتا مرتين... بعد ولدتا ريناد بتي و فؤاد قال لي ماتت...عشتا حزينه شديد...عليها و علي ابراهيم راجلي... بعد كم شهر كده... فؤاد قال حيعرس لي.. رفضتا و زعلتا بس ده كلو م باثر في فؤاد.. كان مصر علي قرارو....و فعلا عرستا عادل عشتا معاهو 6 سنه.. وبدون اطفال... و هو كان داير اطفال... مشاكلنا بقت كتيره...و في الاخر اتطلقتا منو و رجعتا بيت فؤاد...قعدتا كم سنه...فؤاد تاني اصرا علي انو يعرس لي و تاني عرستا واحد اسمو صالح...عشتنا معاهو كان متزوج و عندو اطفال عشان كده م فرقت معاهو اجيب ليهو اطفال تاني.. .. بس اتوفي قبل 4 سنه و خلي لي الشقه القاعده فيها دي.. و بقيت قاعده براي)
علي:(و ليه م رجعتي بيت فؤاد?)
سوزان:(انا و فؤاد بنختلف كتير و العملو فيني من زمان م نسيتو ليهو...خرب لي حياتي كتيير...عشان كده م كان عندي اي تعامل معاهو ولا بمشي ليهو بيتو اصلا.. الا للضروره.. م كنت محتاجه ليهو.. صالح راجلي كان بصرف علي و انا اصلا شغاله استاذه و اسي حاليا بصرف علي روحي من شغلي)
علي:(تمام طيب)
سوزان ركزت اني ساكته و م اتكلمت معاهم ابدا..
سوزان:(مالك ي ريناد ساكته?)
قلتا:(ماف شي)
علي:(ريناد مصدومه و م مستوعبه الحاصل)
سوزان:(ااي شديد...م مشكله ي بتي...اخدي راحتك في التعامل معاي.. اكيد م حتتقبليني بين يوم و ليله)
علي:( ااي صح بتحتاج وقت)
سمعتا صوت آياد ببكي قمت بسرعه مشيت جبتو و جيت بسكت فيهو..
سوزان:(ماشا۽الله...ولدكم اسمو منو?)
علي:(اسمو إياد...بس ده م ولدت ريناد.. ولد مرتي الاولي بس ماتت في الولاده)
قلتا :(لا ده ولدي انا)
علي ضحك:( م قلت حاجه)
قلتا:(الام البتربي.. م البتولد بس)
كلامي كنت قاصده بيهو سوزان.. و هي زاتها عرفتني..
ابتسمت بآلم:(صح...البتربي هي الام)
سوزان قعدت معانا شويه و قالت ماشه.. علي حنسها تقعد معانا بس رفضت قالت بتجي الايام الجايه تقعد معانا كم يوم.. علي مشي وصلها لحدي بيتها...
