قعدنا علي الكنبه و خاته راسي علي كتف علي و ببكي.. و علي بهدي فيني..
علي:( ربناد.. اهدي... اهدي حبيبتي...انا جمبك و معاك... اهدي )
تلفون علي ضرب عاين لقاهو امجد... ردا...
علي:(الو....ايوا ي امجد...ايوا لقيتها....ااي كويسه...تمام...خلو بالكم من إياد لمن ارجع..تمام) و قفل..
زح راسي من كتفو و مسح لي دموعي..
علي:(ريناد.. اهدي...بطلي بكا)
بقيت بهدا شويه شويه...
علي:(صلي علي النبي)
قلتا:(عليه افضل الصلاه و السلام)
علي:( م تبكي .. ماف سبب يخليك تبكي و تعملي كده.. اسي احنا م اتاكدنا من شي...و انا م فاهم ااي شي.. اهدي و روقي كده و فهميني حصل شنو)
اخدتا نفس و قلتا:(ايناس...هي القالت لي)
علي باستغراب:(ايناس منو?)
قلتا:(ايناس صحبت ريم)
علي:(و ايناس شنو العرفها?)
قلتا:( م عارفه...قالت لي كده و قالت اسال عمي... لمن سالتا عمي ..قال لي صح)
علي:(و ابوي كان عارف يعني? من متين?)
قلتا:(م عارفه.. انا اتخلعتا شديد و م قدرتا اسالو من حاجه ولا قدرتا افهم شي)
علي:(و ليه جيتي هنا?)
قلتا:(اتضايقتا شديد من البيت هناك...م قدرتا اقعد..عشان كده طلعتا و بدون م اوعي لقيت روحي جيت هنا.... علي...ممكن الكلام ده يكون صح? ممكن يكون حياتي الفاتت كلها كذب... انو امي و ابوي م هم اهلي? اكتر حاجه صادقه تطلع كذب? معقوله?)
و بقيت ببكي تاني...علي حضني و بقي بهدي فيني..
قاعدين الياس و نجلاء و امجد و ريم في الصاله..
الياس:(كلم علي ي امجد...خليهو يجيبها و يجو...خلونا نتفاهم هنا)
نجلاء بزعل:(الياس انت جنيت? انت م فاهم حجم المصيبه الجاتنا? انت م عارف انو دي اهلها منو? يمكن م عندها اهل اصلا.. ولا جايبنها من وين? اهلها لو كويسين م كانو اتخلو عنها و اهلها لو جايبنها بالحلال م بتخلو عنها.. فيها غلط عشان كده اتخلو عنها... انتو ليه بتفكرو كده? ليه م بتفكرو ب عقل? دايرين تجيبو لينا الكلام بعد العمر ده? )
الياس:(ي نجلاء الكلام ده كلو سابق ل وقتو...انا حاقعد مع الباشا و حنتفاهم و حيحكي لينا كل الحصل بعدين بنحدد.. انتي بس اصبري)
نجلاء:(عاين ي الياس.. لو دايرني اخلي ليكم البيت ده.. دخل البت دي تاني هنا)
و قامت مشت زعلانه...
الياس:(استغفر الله العظيم ي رب)
امجد:(ابوي م تتكلم مع امي اسي...خليها تهدا.. و لمن نعرف الحاصل نقعد نتفاهم)
ريم:(خالتو اعصابها تعبانه.. و كلنا اعصابنا تعبانه من الحصل... ماف داعي نتناقش اسي.. و راسنا يجوط ساي.. نستنا لمن نعرف القصه شنو بالضبط..ماشه اشوف إياد)
ريم قامت طلعت فوق ..
الياس:(امجد.. شنو العرف ايناس ب موضوع ريناد)
امجد اتخلع و اتوتر:(اها...م عاارف)
الياس:(كيف م عارف? ماف زول عارف موضوع ريناد غيرك انت و نجلاء... ماف غيركم)
امجد:(م عاررف ي ابوي...يلا اتاخرتا علي الشغل)
و قام بسرعه طلع...
قاعدين انا و علي في الصاله..
علي:(انا حاشوف ابوي و افهم منو الحصل...اسي ارح نرجع البيت)
قلتا:(لا م دايره ارجع)
علي:(ليه?)
قلتا:(م قادره.. عليك الله خليني براحتي.. لمن افهم القصه شنو بعدين برجع)
علي:(اسي القصه دي دخلها شنو بانك تخلي البيت)
قلتا:(علي...عليك الله...خليني براحتي... كم يوم بس...و برجع)
علي ابتسم و مشي يدو علي راسي...
علي:(حاضر.. كل العايزاهو بعملو ليك.. عندي كم ريناد انا)
قلتا:( حتخليني هنا براي?)
علي ابتسم:(معقوله بس...اتخلي عنك في وقت ذي ده... لا طبعا.... انا حامشي اجيب غيار لي و اجيب اياد و اجي)
قلتا:(بالجد?)
علي:(بالجد حبيببتي... دايره حاجه اجيبا ليك من البيت?)
قلتا:( ااي جيب لي كم غيار معاك)
علي:(حاضر.. حاجيب معاي اكل)
قلتا:(طيب)
علي وقف..
قلتا:(ماشي اسي?)
علي:(ايوا.. يلا م بتاخر.. دايره حاجه تاني?)
قلتا:(م تتاخر بس)
علي:( حاضر)
علي طلع مشي... رتبتا البيت شويه و غيرتا الملايات و بخرتا البيت..
