قاعدين رباب و ندي في غرفه رباب..
رباب:( بتتكلمو في شنو?)
ندي بزهج:( بحكي لي ب نفسو.. كلامو كتير ياخ..م طايقاهو والله)
رباب:(بلعكس ي ندي انا شايفاهو زول كويس شديد)
ندي:( م قادره ي رباب...م قادره اثق في زول...بعد العملو محمد كرهت ااي راجل مم عندي ثقه فيهم ابدا)
رباب:( م تحاسبي كل الناس علي انهم محمد...م تخربي حياتك عشان خاطر محمد.. محمد عرس و عايش حياتو انتي ليه تخربي حياتك? صح الزول بزعل و اتصدم و بكره حياتو بس كلها فتره ضعف و بتعدي و ترجعي كويسه و ترجعي حياتك ذي م كانت و احسن...و تشوفي غيرو و تعرسي و توريهو انو حياتك م حتقيف عليهو و انو العملو م كسرك و انتي قويه و عايشه حياتك احسن من وقت كنتي معاهو)
ندي سكتت..
رباب:(اسمعي كلامي ي ندي.. انتي لسه صغيره م تضيعي حياتك عشان زول م بستاهل.. انا من زمان دايره اقول ليك الكلام ده.. بس انتي م كنتي بتقبلي...بس اسي الحمدلله بقيتي تتناقشي و تتقبلي الكلام)
ندي:( م قادره ي رباب...م قادره.. العملو محمد م ساهل.. م قادره ارجع حياتي)
و بقت تبكي...رباب حضنتها عليها و بقت تهدي فيها ..
ايناس ايام العزا جاتنا كم مره.. يوم جات و البيت كان فضي من الناس ..الا بس حبوبه و سعاد و ندي... قعدت مع ريم براهم في الصاله..
ايناس:( الاخبار شنو و كيفك مع امجد)
ريم كشرت وشها..
ايناس:( مالك?)
ريم:( اتشاكلنا و تاني م اتكلمنا مع بعض ابدا)
ايناس:(اتشاكلتو في شنو?)
ريم:(جات هنا ندي بت عمو الللاقيتيها قبل شويه..و هو طبعا اتظارف معاها شديد..اي صح بت عمو و ااي شي... بس انا م قدرتا اتحمل.. ضحك و هظار معاها و مشي مخصوص جاب ليها باسطه و جاتو للشاي.. اهتمام كده غريب و هو اصلا م من النوع ده و حتي ندي لمن تجينا هنا م كان بتظارف معاها كده...و انا زعلتا منو لمن مشو اتشاكلتا معاهو و انو اهتما ب ندي و م بهتما بي و واضحتو انو انا حاسه انو هو م دايرني و عايش معاي عشان ولدنا بس...و هو زعل من كلامي معاهو و قال لي ااي صح م قدرتا احبك و عايش معاك عشان ولدنا بس)
ايناس اتخلعت:( قال ليك كده?)
ريم:( ايوا دي الحقيقه الكان داسيها طول السنين الفاتت و اسي قالها)
ايناس:( م جادي امجد ده.. انا حاتكلم معاهو)
ريم:( لالا م تتكلمي معاهو...الحب م بالغصب.. و انا ذاتي م برضي بتغصب علي...انا كنت ماشه من البيت بس جا البكي ده .. اسي مستنيه البيت يروق شويه و حامشي)
ايناس:( تمشي وين?)
ريم:(م عارفه.. ااي حته.. بس م حاقعد هنا.. م بقدر اقعد تاني.. م بجبر زول علي.. خلي يشوف حالو و انا كمان بمشي اشوف حالي)
ايناس:(لالا ي ريم م تسيبي بيتك)
ريم بزعل:( اقعد اعمل شنو? انا ماشه ب كرامتي احسن.. بدل اصحي يوم القاهو طلقني او عرس فيني و جاب مرا هنا معاي)
ايناس حاولت تقنع ريم انها م تمشي بس م قدرت.. ايناس هي و طالعه في الحوش لاقت امجد..
امجد:(ايناس...ليه م قلتي لي انك جايه?)
ايناس:(كنت في مشوار و جيت بيجاي...انت ليه م حكيت لي بالحصل بينك و بين ريم?)
امجد:(هي حكت ليك? اكيد م بتقدر تسكت)
ايناس:( ليه م حكيت لي ي امجد?)
امجد:(ايناس البحصل بيني اانا و ريم انتي م ليك دعوه بيهو عشان م تحسي بالذنب و تقولي انتي السبب)
ايناس:( انا م حاقول كده بس انت احكي لي)
امجد:(حاضر بحكي ليك تاني...اها...حنتلاقي متين?)
ايناس:( م عارفه)
امجد:( بكرا نتغدا مع بعض انا اشتقت ليك)
ايناس:(طيب..يلا لانو ريم بتعاين لينا من فوق)
امجد رفع راسو لقي ريم واقف في الشباك لمن شافت امجد عاين ليها دخلت بسرعه..
امجد:(تمام.. يلا )
ايناس مشت و امجد دخل البيت...
