سعاد و احمد كانو مسافرين الصباح .. ندي رجعت معاهم البيت جهزت لامها شنطتها.. الصباح مشو المطار... الياس و نجلاء مشو ليهم المطار... واقفين كلهم في المطار.. جو داخلين عمر و رباب بفتشو عليهم.. ندي كانت زعلانه و بتبكي و امها و نجلاء بهدو فيها.. الياس شاف عمر و رباب اتخلع..
الياس:(عمر و رباب)
كلهم اتخلعو قبلو ليهم.. عمر شافهم و جو عليهم سلمو..
احمد:(شنو الجابكم ي عمر?)
عمر:(لازم اجي اسلم علي امي)
سعاد:(ي عمر انتو عرسان...كيف تجو...بالتلفون كان كفايا)
عمر:(م قدرتا ي امي)
رباب حضنت سعاد و بقت تبكي..
رباب:(سلامتك ي خالتو...الف سلامه ليك)
سعاد:(رباب انا كويسه اهو الحمدلله.. م تبكي ي بتي.. ماف عروس بتبكي... امسحي دموعك دي خلاص.. اتطمنو .. خلي بالك من نفسك و من عمر)
نجلاء:(سعاد كويسه اتطمنو)
وقفو بتكلمو شويه.. لمن وقت دخولهم جا سلمو عليهم.. ندي كانت زعلانه شديد...و عمر ماسك نفسو عشان م يبكي قدام الناس...احمد و سعاد دخلو الصاله و الباقين طلعو... عمر و رباب مشو علي الفندق...و الباقين نجلاء و الياس ساقو ندي و مشو علي بيتهم... فضيت ل ندي غرفتي التحت.. لانو اصلا بقيت بنوم فوق شلتا منهاا حاجاتي ختيتها في غرفتنا انا و علي فوق..
قعدتا مع ندي اغلب الوقت كنت بواسي فيها.. المساء شجعتها علي الرياضه عشان تطلع الطاقه السالبه الفيها.. مسكتا اياد ل ريم و مشيت معاها عملت معاها رياضه و رجعنا..
امجد قاعد في الصاله جات ريم قعدت جمبو..
ريم:(امجد.. عيد ميلاد حمودي بعد بكرا)
امجد:(ايوا صح كنت ناسي)
ريم:(انا م بنسي.. اها... دايره اعمل ليهو .. هنا في البيت)
امجد:(اوكي ماف مشكله)
ريم:(تمام حاوريك الحاحات الدايراها جيبا لي)
امجد:(طيب ان شاءالله.. يلا انا طالع)
ريم:(ماشي وين?)
امجد:(مشوار و جاي)
ريم:(طيب)
و قام طلع...
كنت طالعه في السلم شايله اكل ل حمودي و ماشه علي الغرفه جيت ماره جمب غرفه نجلاء و الياس سمعتا نجلاء بتتكلم..
نجلاء:(شنو العرفنا دي بت منو? وله جايبنها من وين? حلال وله حرام? لالا...الموضوع ده لازم يتحسم ي الياس...لازم.. انا من عرفتا بقيت بكرهها و م بحبها... كاني م بعرفها)
الياس:(اصبري ي نجلاء... بلقي طريقه ان شاءالله)
و سكتو.. استغربتا شديد من كلامهم...بتكلمو عن شنو وله منو? م قدرتا اعرف.. دخلتا الغرفه لقيت علي و اياد قاعدين.. اديت علي الصينيه بقي باكل في اياد و انا قاعده سرحانه...
علي تنتبه لي...
علي:(ريري...مالك?)
قلتا:(اه...ماف شي)
علي:(سرحانه وين?)
ابتسمتا:(ماف شي... حاجهز الحمام لاياد عشان ينوم بعد ده)
و قمتا بجهز في الحمام و انا لسه بفكر في الكلام السمعتو...
صحيت الصباح ب صوت علي بتكلم في التلفون كالعاده..
علي:(انا بجي ب نفسي اشوف الحاصل... ااي الليله بجي.. خلاص تمام...اوكي...ااي بوريك...يلا)
و قفل..قمتا قعدتا في نص السرير..
قلتا:( كل يوم انا اصحي ب صوت التلفون و كلامك.. حارجع غرفتي طوالي)
علي ضحك و جا علي حبي علي راسي..
علي:(اسف والله.. بس مشاكل الشغل)
قلتا:(ربنا يسهل ليك)
علي:( ااي عليك الله محتاج دعوتك دي)
قلتا:( قعد ادعي ليك في كل صلاه)
علي:( ربنا يستجيب ي رب...المهم انا ماشي بورسودان)
اتخلعتا قلتا:(شنو?)
علي:(مالك مخلوعه كده? عندي بضاعه في المينا۽ م طلعت فيها مشاكل و لازم امشي ليها بنفسي)
قلتا:(ماشي متين و حتجي متين?)
علي:( ماشي الشركه ساعتين بس و حاسافر طوالي.. لو الاجرا۽ات خلصت بجي بكرا طوالي)
قلتا:(حاقعد براي يعني?)
علي:(حتشتاقي لي?)
قلتا:(اكيد)
علي ضحك:( و انا كمان حاشتاق ليك جدا جدا)
قلتا:(خلص طوالي و تعال)
علي:(حاضر...انا حامشي المكتب و اجي م بتاخر.. ممكن تحضري لي في شنطه صغيره قميصين و بنطلون?)
قلتا:(حاضر)
علي قام طلع و انا قمتا جهزتا ليهو شنطتو و شندوتشات ..
جا شال شنطتو و وصلتو لحدي الشارع ركب مع واحد صحبو و مشي... قلبي وجعني من سفر علي.. مع انها ليله وحده بس برضو اتضايقتا م عارفه ليه..
