خلصنا اكل..
قلتا:(ماشه التواليت)
علي:( كملي اكلك)
قلتا:( الحمدلله.. شبعتا)
و قمتا.. لمن جيت جمب علي مدا يدو مسكني من يدي..
علي:(حاشتاق ليك)
ضحكتا و مشيت دخلتا التواليت و لمن جيت راجعه لفت نظري بت و ولد قاعدين كاني بعرفهم.. لمن وصلتهم عاينتا ليهم لقيتهم سلمي و ياسر... اتخلعتا شديد و هم لمن شافوني كمان اتخلعو... وقفتا مسافه بعاين ليهم مخلوعه و م قادره اتحرك.. كانو بتونسو مع بعض و بضحكو.. ماسكين يدين بعض.. شويه قدرتا اتحكم في روحي و مشيت بسرعه علي الطربيزه حقتنا.. قعدتا و انا مخلوعه... علي طوالي ركز لي...
علي:(في شنو?)
قلتا:(ماف شي)
علي:(لا في شي وشك مخطوف كده ليه)
شربتا مويا...و اخدتا نفس..
قلتا:(حاقول ليك)
و حكيت ليهو ب ياسر و سلمي...
فؤاد قاعد في العربيه مقلق.. شويه فتح الباب و نزل.. طلع عماره و طلع طابقين و وقف قدام شقه متردد.. شويه دقي الباب.. جات سوزان(مره في اول الاربعين.. لابسه اسود و ملامحها حزينه..شعرها فيهو جزاا ابيض...بس لسه فيها ملامح جميله) فتحت الباب.. لمن شافت فؤاد كشرت..
فؤاد:(السلام عليكم)
سوزان:(فؤاد? شنو الجابك هنا?)
فؤاد:(سوزان محتاج اتكلم معاك)
سوزان:( ماف كلام بينا ي فؤاد...كفايا الحصل لي من تحت راسك... كفايا يااخ.. خليني في حالي و شوف حالك)
فؤاد:(سوزان .. اسمعيني بس.. محتاج اتكلم معاك)
سوزان:(داير شنو? تعرس لي للمره التانيه وله التالته? و زول يكون كعب تاني.. و اعيش في جحيم تاني? و له دايرني ااعرس عشان اجيب ااولاد?? انا عقيمه...م حاجيب عيال.. افهمها افهمها.. انا جبتا بت وحده و ماتت.. و م حاجيب غيرها.. امشي شوف حالك و خليني في حالي)
دموعها نزلت.. دخلت و قفلت الباب.. فؤاد قعد في السلم و دموعو في عيونو م قادر يمشي...
سوزان دخلت قعدت في الكنبه و بقت تبكي..
شلتا الكبايه شربتا مويا و ختيتها..
قلتا:( هي فجاه اتغيرت بقت م بتتكلم معاي ذي زمان.. بمر كم اسبوع م بتضرب لي ولا بتسال.. و انا كمان كنت مشغوله.. ضربت ليها قبل اسبوعين سلمتا عليها و حسيت بيها جايطه.. قالت لي برجع ليك و م رجعت تاني... و تاني خليتها م ركزتا معاها... بس م كنت قايله انو ممكن يكون في شي بينها هي و ياسر... علي الاقل تكلمني... بس تتغير مني عشانو? ليه? ولشنو?)
موضوع ياسر و سلمي ضايقني...
علي:(صح هي صحبتك مفروض توريك)
قلتا:(صح...انا ياسر م شغاله بيهو... بس هي..هي المزعلاني)
علي:( م تزعلي.. م تشتغلي بيهم)
و مدا يدو مسك يدو.. ابتسمتا ليهو مجامله ..
خلصنا و طلعنا جمب الباب برا لاقينا سلمي و ياسر تاني.. سلمي ابتسمت و بتوتر..
سلمي:(ريناد اذيك)
و سلمت علينا...
قلتا:(تمام)
علي:( كيفك ي سلمي?)
سلمي:( تمام.. انت كيفك?)
علي:(تمام الحمدلله.. مبسوطين جدا و الحمدلله)
و عاين ل ياسر..
علي:(ده خطيبك? وله حبيب بس?)
سلمي ارتبكت:(ده ياسر... زميل)
علي:( بالله? كويس... بعد ده لازم تعرسي و تلحقي صحبتك.. و تكوني مبسوطه ذينا كده.. مش كده حبيبتي?)
قلتا بكل ثقه:(اكيد)
سلمي ابتسمت:( آمين)
ياسر كان بعاين لي بس انا مدنقره راسي...
علي مدا يدو مسكني من كتفي:( يلا حبيبتي...عشان م نتاخر)
قلتا:(يلا)
علي:( عن اذنكم)
و مشينا... سلمي و ياسر وقفو بعاينو لينا و احنا ماشين..
ركبنا العربيه مديت يدي مسكتا ل علي يدو..
قلتا بامتنان:( علي.. شكرا ليك شديد.. ربنا يخليك لي)
علي ابتسم و رفع يدي حبي عليها:( العفو حبيبتي.. م كنت بقدر اشوفك زعلانه و اخليك.. لازم كنت اشيل حقك منهم)
قلتا:(ربنا يخليك لي ي رب)
علي:(و يخليك لي حبيبتي)
