قاعد الياس مع فؤاد الباشا ..
فؤاد بخلعه:(كيف الكلام ده? يعني شنو ريناد م بت عبدالرحمن اخوي? منو القال ليك كده?)
جا امجد داخل المعرض...لقي عمو احمد.. سلم عليهو..
احمد:(شنو الزيارات المفاجاه دي)
امجد:( طولتا منكم قلت اجي اسلم عليكم.. و داير ابوي ضربت ليهو تلفونو مقفول)
احمد:(ابوك طلع اسي بجي.. انا ماشي البنك و جاي م بتاخر)
امجد:( تمام انا بستناهو شويه لو م جا بمشي)
احمد:(تمام...حاكلم الولد يجيب ليك قهوه مظبوطه)
امجد قعد في الكرسي:( ي ريت)
فؤاد:(ذي م قلت ليك...دي حقيقه لازم تعرفوها... اخوك عبدالرحمن و سميه م ولدو...سميه كانت متازمه شديد من الموضوع ده.. جربت كل العمليات و كل الحلول بس م نفعت.. انا كنت صاحب عبدالرحمن.. يلا عبدالرحمن حكي لي القصه و انو داير طفل يتبناهو .. بس م يكون من ملجا .. بقيت بنفتش اانا وعبدالرحمن.. في الاخر واحد صحبي لقي لي اسره فقيره مستعده تبيع طفلها بمبلغ معين.. مشينا ليهم انا و عبدالرحمن و اتفقنا معاهم..الام كانت حامل و اول من ولدت شلنا منهم الطفل اللي هي ريناد..و طوالي سميه و عبدالرحمن سافرو مصر قعدو سنتين و جو راجعين ب ريناد علي اسااس انها بتهم)
الياس كان مخلوع و م مصدق و جسمو كلو برجف من القصه...
فؤاد:( انا عارفك مصدوم.. بس دي الحقيقه اللازم تعرفها... عبدالرحمن كان موصيني اني اوريك.. لانو ام ريناد جاتني كم مره... و بتسال من بتها قالت دايراها.. بس انا قلت ليها م عارفها وين.. مسافره... قلت اوريك...عشان نشوف نعمل شنو)
الياس:(دايرين بيها شنو? مش باعوها زمان? دايرين منها شنو تاني?)
الياس:(م عارف.. بس كل يوم بتجي و تبكي و تقول دايره بتها.. يمكن ضميرها صحي)
الياس:( ضمير شنو يصحي بعد26 سنه? قول ليها م عارفها.. م عارفنها وين)
و قام طلع بسرعه.. الياس ركب عربيتو و جسمو برجف م قادر يسوق...بعد مساافه.. قدر يسوق و اتحرك...
الياس جا داخل المعرض لقي امجد قاعد بشرب في قهوه و بتكلم بالتلفون..
الياس قعد في الكرسي.. و امجد قفل الخط..
امجد:(كيفك ي ابوي?)
الياس:( امجد جيب لي حبوب الضغط من مكتبي جوه... بسرعه)
امجد اتخلع:( في شنو ي ابوي?)
الياس:(ماف شي بس جيب لي الحبوب ..ضغطي ارتفع شويه)
امجد جرا جاب الحبوب و مويا لابوهو.. الياس بلع الحبه و قعد تاكل راسو علي الكرسي..
امجد:( بقيت كويس ي ابوي? )
الياس:(الحمدلله)
امجد:( حصل شنو ي ابوي?)
الياس:( مصيبه)
امجد اتخلع:( مصيبه شنو ي ابوي?)
الياس سكت مساافه و امجد مخلوع مستني ابوهو ب فارغ للصبر يتكلم..
امجد:(احكي ي ابوي)
الياس:(ريناد طلعت م بت عمك عبدالرحمن)
امجد اتخلع:(كيف? كيف يعني?)
الياس:( كده)
امجد بخلعه:( كيف يعني? منو القال ليك كده?)
الياس:(حاحكي ليك)
و حكي ليهو الكلام القالو ليهو فؤاد...و امجد مخلوع شديد و م مصدق...
امجد:(مستحيل ي ابوي.. انا م مصدق القصه دي)
الياس:( ولا انا مصدق...بس الباشا م بكذب... يكذب لشنو? و حيستفيد شنو? لالا م بكذب)
امجد دنقر و ختي يدينو في راسو و بقي ساكت...و الياس سرحان و ساكت..
